Совместное заседание СМИД, СМО и СБ ОДКБ в Астане

Дархости Арманистон барои лағви узвияти нозири Афғонистон дар Паймони амнияти дастаҷамъӣ

321
(Таҷдидшуда 19:30 02.10.2020)
Арманистон пас аз ҳимояти Кобул аз Озарбойҷон дар муноқишаи Қарабоғи Кӯҳи, лағви узвияти он кишварро дар Созмони паймони амнияти ҷамъӣ хостор шуд

ДУШАНБЕ, 2 окт — Sputnik. Арарат Мирзоян, раиси Шӯрои миллӣ ва муовини нахуствазири Арманистон пас аз ҳимояти Кобул аз ҷумҳӯрии Озарбойҷон дар муноқишаи Қара‌боғ, ба таври расмӣ аз дабирхонаи Созмони паймони амнияти ҷамъӣ хост лағви узвияти нозири Афғонистон дар ин созмонро баррасӣ ва иҷроӣ кунад, иттилоъ додааст Садои Хуросон.

 Пеш аз ин вазорати хориҷаи Афғонистон дар баёнияе минтақаи Қарабоғро дар сатҳи байналмиллалӣ ба унвони бахше аз Озарбойҷон ба расмият шинохта ва поёни ишғоли Арманистон бар ин минтақаро хостор шуда буд.

 Созмони паймони амнияти ҷамъӣ дар соли 1992 бо ҳадафи ҳифзи амнияти кишварҳои узв миёни Русия , Тоҷикистон, Арманистон , Беларус , Қазоқистон ва Қирғизистон ташкил шуд ва Афғонистону Сербия низ аз соли 2013 ба унвони аъзои нозир ба узвияти ин созмон даромаданд.

 Муноқишаи миёни Озарбойҷону Арманистон ки бар сари минтақаи Қарабоғ Кӯҳӣ дар соли 1988 оғоз ва дар соли 1991 ба даргирии низомӣ табдил шуд, бори дигар рӯзи 28 сентябр бо оташ гушӯдани нерӯҳои ду тараф оғоз шуда аст, ки то кунун шуморе аз нерӯҳои тарафҳо дар ин даргириҳо кушта ё захмӣ шудаанд.

321
Барчаспҳо:
нозир, паймон, лағв, Афғонистон, Қарабоғи Кӯҳӣ, Арманистон
Монумент Независимости Туркменистана в Ашхабаде, архивное фото

Мулоқоти сарони кишварҳои Осиёи Марказӣ бо сабаби COVID-19 ба соли 2021 мавқуф гузошта шуд

24
(Таҷдидшуда 12:16 23.10.2020)
Қаблан дар назар буд, ки сеюмин дидори машваратии сарони давлатҳои Осиёи Марказӣ, ки қаблан моҳи август дар Бишкек ба нақша гирифта шуда буд, бинобар пандемияи коронавируси COVID-19 ба тирамоҳ мавқуф гузошта шуд

ДУШАНБЕ, 23 окт - Sputnik. Ҷаласаи сеюми машваратии сарони давлатҳои Осиёи Марказӣ, ки қаблан дар Қирғизистон ба нақша гирифта шуда буд, бинобар пандемияи коронавирус ба соли 2021 мавқуф гузошта шуд, гуфт вазири корҳои хориҷии Узбакистон Абдулазиз Комилов.

Ба гуфтаи ӯ, ин мулоқот эҳтимолан дар Туркманистон баргузор хоҳад шуд.

"Мутаассифона, бинобар ҳолатҳои марбут ба коронавирус ва номуайянии давомдор дар бораи замони рафъи ин пандемия, дар гумон аст, ки то охири соли равон ҷаласаи сеюми машваратӣ баргузор карда шавад",- гуфт Комилов.

Комилов гуфт, ки Туркманистон пешниҳод кардааст, ки мулоқоти сеюм дар соли 2021 дар ин кишвар  баргузор шавад.

"Мо, ки ҳамраиси шӯрои машваратӣ ҳастем, ин пешниҳоди Туркманистонро комилан дастгирӣ мекунем ва умедворем, ки нишасти навбатии машваратии Осиёи Марказиро бо як барномаи васеъ ва пурмазмун баргузор мекунем" гуфт ӯ.

Ӯ гуфтааст, ки пас аз нишаст дар Туркманистон, бозгаштан ба пешниҳоди Қирғизистон дар бораи ташкили нишасти машваратӣ дар Бишкек имконпазир хоҳад буд.

"Ин маънои онро надорад, ки кишварҳои минтақа дар роҳи банақшагирифташудаи ҳамкориҳои минтақавӣ " суст шудаанд", - илова кард Комилов.

Ба гуфтаи ӯ, ҳамкориҳои бисёрҷониба барои ҳамаи панҷ давлати Осиёи Марказӣ афзалиятнок аст.

24
Барчаспҳо:
Осиёи Марказӣ, вохӯрии сарони кишварҳо, мулоқот, дидор
Вакцинация против COVID-19 в Москве

Дар Ӯзбекистон озмоишҳои клиникии ваксинаи чинӣ алайҳи COVID-19 гузаронида мешавад

26
(Таҷдидшуда 11:25 23.10.2020)
Интизор меравад, ки озмоишҳои клиникӣ дар ихтиёриёни 18-сола ва калонтар гузаронида мешаванд. Пеш аз оғози озмоишҳо намояндагони ҶМЧ оид ба шароити эмгузаронӣ як қатор тренингҳо доир хоҳанд кард

ДУШАНБЕ, 23 окт - Sputnik. Вазорати рушди инноватсионии Ӯзбекистон, намояндагони Институти микробиологияи Академияи илмҳои Чин ва ширкати чинии Anhui Zhifei Longcom Biopharmaceutical оид ба ташкили озмоишҳои клиникии ваксина алайҳи коронавирус дар Ӯзбекистон ба мувофиқа расидаанд, хабар медиҳад хадамоти матбуоти вазорати Ӯзбекистон.

Ваксинае, ки ин ширкат таҳия кардааст ва ҳоло озмоишҳои клиникиро аз сар мегузаронад, сафедаи аз ҷиҳати генетикӣ таҳияшудаи антигени сатҳи коронавирус мебошад, ки нисбат ба аденовирус ва намудҳои ғайрифаъол ваксинаи баланд дорад.

"Дар ҷараёни гуфтушунидҳо қайд карда шуд, ки дар сурати бомуваффақият ба анҷом расонидани ҳамаи марҳилаҳои озмоишҳои клиникӣ, Ӯзбекистон дар хариди ваксина аз рӯи вақт ва нархи ҳадди ақалл афзалият хоҳад дошт", - омадааст дар иттилоия.

Мутахассисони Вазорати рушди инноватсионӣ бо шарикони чинӣ ташкили раванди эмгузаронӣ ва омодагӣ ба ин равандро баррасӣ карданд.

Марги табиби 28 - сола пас аз иштирок дар озмоиши ваксинаи бритонӣ алайҳи коронавирус

Интизор меравад, ки озмоишҳои клиникӣ дар ихтиёриёни 18-сола ва калонтар гузаронида мешаванд. Пеш аз оғози озмоишҳо намояндагони ҶМЧ оид ба шароити эмгузаронӣ як қатор тренингҳо доир хоҳанд кард.

26
Арест, архивное фото

Боздошти Муминов барои қатли тағои 70-солааш: хонаро ба ӯ нею ба додараш додааст-видео

0
(Таҷдидшуда 13:02 23.10.2020)
Вазорати умури дохилии Тоҷикистон аз боздошти як сокини шаҳри Турсунзода хабар медиҳад, ки дар қатли тағояш муттаҳам мешавад

ДУШАНБЕ, 23 окт - Sputnik. Бино ба иттилои ин ниҳод, пулиси шаҳри Турсунзода Муминов Александри 42 соларо барои қатли тағояш боздошт кардаанд.

Ба иттилои манбаъ, боздоштшуда пас аз истеъмоли машруботи спиртӣ ба хонаи тағои 70-солааш Холмуродов Темур омада, ӯро латукӯб кардааст.

Манбаъ мегӯяд, дар натиҷаи латукӯби шадид ҷабрдида ҷароҳатҳои вазнин бардошта ҳалок шудааст.

Боздоштшуда зимни бозпурсӣ гуфт, ӯро барои он кушт, ки хонаро на ба ӯ, бал ки ба додараш Семён додааст.

“Пас аз куштор, барои пинҳон кардани ҷиноят либосҳои ӯро пинҳон карда ҷасадро тавре гузоштааст, ки гӯё ҷабрдида аз беморӣ ҳалок шудааст, аммо ташхис дар ҷисми марҳум аломатҳои марги маҷбуриро ошкор кард”,‑ афзудааст манбаъ.

Гуфта мешавад, боздоштшуда ва фавтида робитаи хешовандӣ дошта, ҷинояти мазкур барои ба даст овардани хона сар задааст.

ВУД мегӯяд, айни ҳол нисбат ба  Муминов Александр парвандаи ҷиноӣ оғоз шуда, тафтишот идома дорад.

0
Барчаспҳо:
парванда, боздошт, қатл, Турсунзода, Тоҷикистон