Азербайджанские солдаты стреляют из миномета по линии соприкосновения самопровозглашенной Нагорно-Карабахской Республики

Кремл дар бораи ворид кардани нерӯҳои посдори сулҳи Русия ба Қарабоғи Кӯҳӣ

1302
(Таҷдидшуда 10:53 04.10.2020)
Дар Кремл эҳтимоли ворид кардани нерӯҳои посдори сулҳи Федератсияи Русия ба Қарабоғи Кӯҳиро шарҳ доданд

ДУШАНБЕ, 4 окт — Sputnik. Барои ворид кардани нерӯҳои посдори сулҳ ба минтақаи Қарабоғи Кӯҳӣ, ки ҳафтае боз даргириҳо миёни Арманистону Озарбойҷон дар авҷ аст, розигии ҳарду ҷониб лозим аст, гуфт сухангӯи президенти Русия, Дмитрий Песков.

"Нерӯҳои посдори сулҳ танҳо дар сурати розигии тарафҳо ворид карда мешаванд", - қайд кард намояндаи расмии президенти Русия.

Пештар сарвазири Арманистон Никол Пашинян изҳор дошт, ки мехост нерӯҳои посдори Русияро дар Қарабоғи Кӯҳӣ бубинад. Ӯ афзуд, ки ин масъаларо дар нишасти васеътар дар доираи созишномаи Минск бояд баррасӣ кард.

Масъалаи ворид кардани нерӯҳои посдори сулҳи Русия ба Қарабоғи Кӯҳӣ, ҳанӯз соли 1994 бархоста буд. Он замон ҷониби Озарбойҷон зидди ин пешниҳод баромад.

Натиҷаи ноамниҳо дар Қарабоғи Кӯҳӣ: манзилҳои харобгаштаи сокинон аз тиру туфанг - акс

Қазияи Қарабоғи Кӯҳӣ

Даргириӣ дар Қарабоғи Кӯҳӣ миёни Арманистон ва Озарбойҷон рӯзи 27 сентябр оғоз шуд. Дар Ҷумҳурии эътирофнашуда изҳор доштанд, ки аз ҷониби қувваҳои Озарбойҷон оташ кушода шуд, ки қурбонӣ дар пай дошт.

Вазорати дифоъи Озарбойҷон изҳор доштанд, ки танишро ҷониби Арманистон оғоз кард. Низомиёни арманӣ мегӯянд, Қарабоғи Кӯҳӣ аз ҷониби Озарбойҷон мушакборон карда шуд.

Русия аз Озарбойҷон ва Арманистон даъват кард, ки ба даргирӣ хотима диҳанд ва паси мизи гуфтушунид нишинанд.

Ҳамин тавр, аз саҳнаи даргириҳои низомӣ дар Қарабоғи Кӯҳӣ, маълумоти зиддунақиз мерасад.

Озарбойҷон ва Арманистон якдигарро дар оғози даргирӣ гунаҳкор мекунанд.

Дар ин росто, рӯзи 28 сентябр дар Озарбойҷон омодагии пурраи ҳарбӣ эъло шуда, Илҳом Алиев президенти ин кишвар дар як қатор шаҳру ноҳияҳои ҷумҳурӣ вазъи ҳарбӣ ҷорӣ кард.

Дар Арманистон як рӯз пеш вазъияти низомӣ эълон карда шуд.

1302
Барчаспҳо:
сулҳ, нерӯҳо, Озарбойҷон, Арманистон, Қарабоғи Кӯҳӣ

Дана Уайт: Ҳабиб дар роҳи бузургтарин размикори таърих шудан аст

11
Мусобиқаи навбатии UFC 254 фардо дар пойтахти Аморати Муттаҳидаи Араб доир гашта, дидори Ҳабиб ва Гэтҷи аз муҳорибаҳои асосии он мебошад

ДУШАНБЕ, 23 окт - Sputnik. Президенти UFC Дана Уайт мӯътақид аст, ки агар Хабиб Нурмагомедов дар UFC 254 бар Ҷастин Гетҷе ғолиб ояд, русиягӣ новобаста аз категорияи вазн беҳтарин размикори ҷаҳон хоҳад шуд ва дар садри рейтинги ба истилоҳ Pound-for-Pound пеш ҷой хоҳад гирифт.

“Агар ӯ рӯзи 24 октябр Ҷастин Гетҷеро мағлуб кунад, новобаста аз категорияи вазн беҳтарин размикори ҷаҳон хоҳад шуд. Вай дар роҳи бузургтарин размикори таърих шудан аст”,­-гуфтааст ӯ.

“Бубинед, ки ӯ чӣ қадар муҳорибаҳо дорад ва ҳанӯз ҳам шикастнопазир аст. Ҳамзамон, ӯ дар як гуруҳи сахт ва хеле сангин баромад мекунад ", - иқтибос меорад суханони функсияи MMA Fighting.

Мубориза бо Хабиб Нурмагомедов - Ҷастин Гаҷӣ рӯзи 24 октябр дар "Fight Island" дар Абу-Даби (Аморати Муттаҳидаи Араб) баргузор мешавад ва ҳодисаи асосии намоиш хоҳад шуд.

Раҳбари UFC дар бораи рақобати Ҳабиб ва Гэтҷи навори дидание нашр кард - видео

Муҳориба рӯзи  24 октябр дар Абу-Дабӣ (АМА) баргузор мешавад. Дар ин рақобат қаҳрамони феълии UFC бо рақиби худ Ҷастин Гэтҷи вомехӯрад ва қувва меозмояд.

Ёдовар мешавем, ки Ҳабиб ин навбат талош мекунад камарбанди қаҳрамонии худро барои маротибаи сеюм ҳифз кунад.

Ҳабиб гуфт, чӣ гуна Гэтҷиро "мешиканад": "Зидди ӯ нақшаи нав дорам".

Ҳабиб то ҳол 28 муҳориба баргузор намудааст ва боре ҳам мағлуб нашудаст. Ҳарифи ӯ бошад аз 22 рақобати умумӣ 2 мағлубият дорад.

11
Барчаспҳо:
муҳориба, размикор, Ҳабиб Нурмуҳаммадов, Русия
Пассажирский самолет вылетает из аэропорта города Красноярска

Ҳафтае як маротиба: парвозҳои мустақим миёни Тоҷикистону Ӯзбекистон барқарор мешаванд

291
(Таҷдидшуда 15:27 23.10.2020)
Интизор меравад, ки нахустин парвоз байни пойтахтҳои Ӯзбекистон ва Тоҷикистон охири моҳи октябр анҷом дода шавад

ДУШАНБЕ, 21 окт - Sputnik. Мақомоти Тоҷикистон ва Ӯзбекистон барои барқарор кардани парвозҳо миёни Тошканд ва Душанбе ба мувофиқа расидаанд, менависад Sputnik Ӯзбекистон бо такя ба Вазорати нақлиёти ин кишвар.

Тибқи маълумоти пешакӣ, нахустин парвози ҳавопаймоҳо байни пойтахтҳои Тоҷикистон ва Ӯзбекистон рӯзи 28 октябр сурат мегирад.

Парвозҳо аз Тошканд ба Душанбе ҳафтае як маротиба рӯзҳои чоршанбе анҷом дода мешаванд.

Ҳавопаймоҳо ҳафтае як маротиба рӯзи панҷшанбе аз пойтахти Тоҷикистон ба Ӯзбекистон парвоз хоҳанд кард.

Гуфта мешавад, ки қаблан Тоҷикистон аз 1 июл барқарор кардани парвозҳо бо бархе шаҳрҳои Ӯзбекистонро барномарезӣ карда буд, аммо ба далели вазъи ноустувори эпидемиологӣ, ин тасмим боздошта шуд.

291
Барчаспҳо:
парвоз, Ӯзбекистон, Тоҷикистон