Президент США Дональд Трамп и его жена Мелания

Мирзиёев ба Трамп ва ҳамсараш саломатӣ таманно кард

95
(Таҷдидшуда 11:55 04.10.2020)
Дар бораи гирифтории президенти ИМА ва ҳамсараш ба коронавирус рӯзи ҷумъа хабар дода шуд. Он замон пизишки кишвардор эълом дошт, ки вазъи саломатии онҳо хуб аст ва президенту ҳамсараш вазифаҳояшонро аз Қасри Сафед иҷро хоҳанд кард

ДУШАНБЕ, 4 окт — Sputnik. Раисиҷумҳури Ӯзбекистон Шавкат Мирзиёев ба ҳамтои амрикоияш Доналд Трамп нома равон карда дар он ба кишвардор ва ҳамсараш саломатӣ орзу кардааст.

"Гирифтории Шумо ва хонум Мелания Трампро бо нигаронии зиёд қабул кардам. Боварӣ дорам, ки шумо дар муддати кӯтоҳтарин бар ин беморӣ пирӯз мешавед ва комилан сиҳат шуда, фаъолияти масъули давлатиро идома медиҳед", - гуфта мешавад дар номаи Мирзиёев.

Кишвардор ба аҳли хонаводаи Трамп саломатӣ ва некуаҳволӣ таманно кард.

Раҳмон ба Трамп барқия фиристода, ба ӯву ҳамсараш шифои оҷил аз коронавирус таманно кард

Дар ин миён раҳбари Қасри Сафед Доналд Трамп чанде пеш навореро нашр кард, ки дар он аз беҳтар шудани саломатиаш ва ба зудӣ баргаштан ба фаъолияти муқаррарӣ гуфт.

Ба гуфти ӯ лаҳзае, ки ӯ ба бемористон рафт, худро бад эҳсос кард, вале алъон худро хуб эҳсос мекунад.

95
Барчаспҳо:
саломатӣ, Мелания Трамп, Доналд Трамп, ИМА, вируси нав

Манзилҳои сокинони мо низ хароб мешавад: Эрон ба Арманистону Озарбойҷон ҳушдор дод

61
(Таҷдидшуда 15:05 24.10.2020)
Сухангӯи аршади ситоди кулли Нерӯҳои мусаллаҳи Эрон таъкид кардааст, ки дар даргириҳои миёни Арманистону Озарбойҷон дар сари Қаробоғ манзилҳои наздимарзии Эрон низ хароб гаштааст

ДУШАНБЕ, 24 октябр - Sputnik. Сухангӯи аршади Нерӯҳои мусаллаҳи Эрон Абулфазли Шикорчӣ ба Арманистон ва Озарбойҷон ҳушдор дод, гузориш медиҳанд расонаҳои эронӣ.

Ӯ таъкид кардааси, ки Теҳрон ҳеч гӯна хатову таҳдид дар марзҳои муштараки Эрон бо Арманистону ҷумҳурии Озарбойҷонро таҳаммул намекунад ва бо ҳар навъ  таҳдид бархурд хоҳад кард.

"Даргириҳои низомии ҷумҳурии Озарбойҷону Арманистон дар хусуси минтақаи Қарабоғ ва риоят накардани қавоиди байналмилалии ҳусни ҳамҷаворӣ ва масолеҳи ҷангӣ дар марзи кишвари севум, мунҷар ба шиллик ва исобати гулӯлаҳои хумпора ба дохили манотиқи сарзаминии Ҷумҳурии исломии Эрон шудааст", - изҳор доштааст Шикорчӣ.

Сухангӯи аршади Нерӯҳои мусаллаҳи Эрон таъкид кард: Риояти ҳусни ҳамсоягӣ ва сабурии Эрони исломӣ бо кишварҳои ҷумҳурии Озарбойҷону Арманистон набояд мавриди сӯиистифода қарор гирад ва ду кишвар набояд ба хутути қирмизи Эрон вуруд кунанд, дар ғайри ин сурат қатъан пушаймонӣ ба дунбол хоҳад дошт. 

Сардори сартип Абулфазли Шикорчӣ афзуд: Амнияти манотиқи марзӣ ва мардуми Эрон, хати қирмизи мост ва дар ин робита ба ҳар ду кишвари даргир ёдовар мешавем, ки муроқиби оташафрӯзӣ ва шайтанатҳои бегонагон бошанд.

"Мушкилоти дуҷонибаро аз тариқи мусолиматомез ва гуфтугӯ ҳаллу фасл кунанд ва бо бедиққатӣ дар амалиёти низомии худ, марзҳои сарзаминӣ ва амнияту осоиши мардуми Эронро ба мухотира наандозанд" - афзудааст вай.

"Инҷо мардумро мекушанд": Русияро дар Қаробоғ кӣ интизор аст?

Аз оғози даргириҳо дар минтақаи Қарабоғ то кунун даҳҳо гулӯла хумпора ва ракета ба рустоҳои марзии Эрон исобат ва хисороте ба марзнишинҳои эронӣ ворид кардааст.

61

Кӯдакон COVID-19-ро паҳн намекунанд: табибон афсонаи интиқоли вирусро рад карданд

207
(Таҷдидшуда 20:06 23.10.2020)
Эпидемиологи рус афсонаро дар бораи он, ки кӯдакони хурдсол калонсолонро ба коронавирус сироят мекунанд, дурӯғ хонда, гуфт, ки мактаббачаҳо интиқолдиҳандаи фаъоли сироят нестанд

ДУШАНБЕ, 23 окт - Sputnik. Роҳбари Маркази илмӣ-тадқиқотии эпидемиология ва микробиологияи ба номи Пастери Роспотребнадзор, академики Академияи илмҳои Русия Арег Тотолян гуфт, ки кӯдакон интиқолдиҳандаи коронавирус нестанд ва ин фарзия тасдиқ нашудааст, менависад РИА Новости.

Баръакс, калонсолон ва шаҳрвандони пиронсол ба кӯдакон сироят мекунанд. Афсонае, ки кӯдакон интиқолдиҳанда мебошанд, аз мушоҳидаи аввал ба вуҷуд омадааст.

Тотолян қайд мекунад, ки олимони қаблӣ пешниҳод мекарданд, ки кӯдакон сироятро дар шакли бенишона мегузаронанд ё интиқолдиҳандаи вирус мебошанд.

Мувофиқи он, ба хулосае омаданд, ки пиронсолон аз онҳо сироят меёбанд.

"Дар яке аз кишварҳои Скандинавия тадқиқоте гузаронида шуд ва нишон дод, ки баръакс аст: на кӯдакон пиронро, балки пиронсолон кӯдаконро сироят мекунанд",-таъкид кард академик.

Олимон гуфтанд, одамон бо кадом гурӯҳи хун коронавирусро сабук мегузаронанд

"Дарвоза" -и асосии коронавирус ба бадан, ки дар он афзоиш хоҳад ёфт, ретсептор ACE2 мебошад, ки дар одамони синну сол калон васешуда мебошад.

Дар кӯдакон ретсепторҳо хурданд, яъне вирус дар бадан камтар хоҳад буд ва аз ин рӯ манбаи сироят камтар аст.

Олимони бритонӣ се нишонаи нави коронавирусро ном бурданд

"Агар мо тамоми кӯдаконро гирем, на бештар аз 10% дар таркиби гирифторони COVID-19 онҳо мебошанд. Ҳиссаи бемориҳо дар кӯдакон нисбат ба дигар гурӯҳҳои синну сол ба таври назаррас камтар аст", - хулоса кард ҳамагиршиноси рус.

207
Барчаспҳо:
сироят, кӯдакон, вируси корона, Олимон
Мавзуҳо:
Пайомадҳои COVID-19 дар Тоҷикистон ва ҷаҳон

Ҳабиб урён ва Гейҷи бо ниқоб: навори вазнченкунии размикорон

0
(Таҷдидшуда 16:46 24.10.2020)
Қабл аз муҳорибаи дарпешистодаи Ҳабиб Нурмуҳаммадов а Ҷастин Гейҷӣ, маросими вазнченкунии онҳо баргузор шуд

ДУШАНБЕ, 24 окт – Sputnik. Қаҳрамони UFC дар вазни сабук Ҳабиб Нурмуҳаммадов имрӯз бори саввум барои ҳифз намудани камрбанди қаҳрамонияш талош мекунад. Қабл аз муҳориба, ҳар ду размикорро болои тарозу бароварда, вазнашонро санҷиданд.

Бар тибқи натиҷаи маросими вазнченкунӣ, Ҳабиб ва Гейҷи вазни баробар доштанд. Ҳар ду варзишгар 70 килограмму 300 грам вазн доранд.

Ҳабиб тамоман урён  болои тарозу баромад ва каме ҳаяҷонзада ҳам буд. Гейҷӣ бошад, бо ниқоби тиббӣ ва табассумкунон вазнашро санҷид.

Муҳорибаи онҳо шоми имрӯз соати 21:00 ба вақти Маскав ва 23:00 ба вақти Душанбе доир мешавад.

Ҳабиб ҳоло ҳамаи муҳорибаҳояшро бидуни мағлубият анҷом додааст. Рақиби ӯ бошад ҳамагӣ ду маротиба рақобатро бохт.

0
Барчаспҳо:
вазн, муҳориба, Ҳабиб Нурмуҳаммадов