Люди ожидают в аэропорту рейса, архивное фото

Вирусро паҳн мекунад: пизишк номи "ашёи хатарноктарин" - и ҳифозатӣ аз COVID -19 - ро гуфт

2559
(Таҷдидшуда 14:29 05.10.2020)
Бар тибқи маълумоти Созмони ҷаҳонии беҳдошт, шумораи умумии гирифторони маризии коронавирус дар ҷаҳон ба 34,7 миллион нафар баробар шуд. Беш аз 1 миллион бемор ҷон бохтанд

ДУШАНБЕ, 5 окт — Sputnik. Ашёи хатарноктарини паҳнкунандаи вируси COVID - 19 ин ниқоби тиббӣ аст, ҳарчанд одамон онро барои ҳифозат кардани худ аз ин беморӣ мепӯшанд, мегӯяд пизишки касалиҳои дарунӣ Лариса Алексеева.

Афзоиши шумораи гирифторони коронавирус дар Қирғизистон

Лариса бар ин бовар аст, ки аксари одамон тарзи дуруст истифода кардан аз ниқоби тиббиро намедонад, ки дар натиҷа манбаи асосии паҳнкунандаи вирус мегарданд.

"Мо одамони зиёдеро дорем, ки ман онҳоро ниқобпӯшони бесамар ном ниҳодаам. Онҳо як ниқобро 10-15 рӯз ё ҳатто дарозтар истифода мебаранд. Ҳамон як ниқобро ҳамарӯза бо тамоми кафи дасташон мегиранд ва дуқад карда ба ҷайб мегузоранд", - бо таассуф изҳор доштааст Лариса Алексеева.

Ба гуфтаи ӯ, ин одамон бо дастҳои тамизнакардаи худ, чашмону рӯяшонро мерасанд ва сипас дар мавриди зарурӣ ниқобашонро боз мепӯшонанд. 

"Дар шароити хона бошад, вирусҳои ниқоби дар дохили ҷайб буда, имкони бештар афзоиш карданро пайдо мекунанд", - шарҳ медиҳад пизишки касалиҳои дарунӣ.

Дар кӯчаҳои Душанбе ба сокинон ниқоби тиббӣ ройгон тақсим мекунанд - навор

Лариса мегӯяд, ин рафтори одамон боиси паҳншавии вируси COVID - 19 мегардад. Ба тавсияи табиб, ниқоби тиббиро на беш аз 2 соат бояд истифода буд ва пас аз бадар кардани он, ҳатман дастҳоро бо маҳлулҳои антисептикӣ тоза кард.

Лариса таъкид намудааст, ки одамон бояд аз либосу пойафзоли худ фаромӯш накунанд, зеро вирус метавонад тавассути либос ё пойпӯш вориди хона шавад.

2559
Мавзуҳо:
Пайомадҳои COVID-19 дар Тоҷикистон ва ҷаҳон (803)
Пассажирский самолет вылетает из аэропорта города Красноярска

Ҳафтае як маротиба: парвозҳои мустақим миёни Тоҷикистону Ӯзбекистон барқарор мешаванд

209
(Таҷдидшуда 15:27 23.10.2020)
Интизор меравад, ки нахустин парвоз байни пойтахтҳои Ӯзбекистон ва Тоҷикистон охири моҳи октябр анҷом дода шавад

ДУШАНБЕ, 21 окт - Sputnik. Мақомоти Тоҷикистон ва Ӯзбекистон барои барқарор кардани парвозҳо миёни Тошканд ва Душанбе ба мувофиқа расидаанд, менависад Sputnik Ӯзбекистон бо такя ба Вазорати нақлиёти ин кишвар.

Тибқи маълумоти пешакӣ, нахустин парвози ҳавопаймоҳо байни пойтахтҳои Тоҷикистон ва Ӯзбекистон рӯзи 28 октябр сурат мегирад.

Парвозҳо аз Тошканд ба Душанбе ҳафтае як маротиба рӯзҳои чоршанбе анҷом дода мешаванд.

Ҳавопаймоҳо ҳафтае як маротиба рӯзи панҷшанбе аз пойтахти Тоҷикистон ба Ӯзбекистон парвоз хоҳанд кард.

Гуфта мешавад, ки қаблан Тоҷикистон аз 1 июл барқарор кардани парвозҳо бо бархе шаҳрҳои Ӯзбекистонро барномарезӣ карда буд, аммо ба далели вазъи ноустувори эпидемиологӣ, ин тасмим боздошта шуд.

209
Барчаспҳо:
парвоз, Ӯзбекистон, Тоҷикистон

Раҳимов дар бораи бозиҳои аввали дастаи КФ "Уфа": вазъ осон нест

36
Сармураббии бошгоҳи футболи "Уфа" Рашид Раҳимов дар бораи таассуроти худ пас аз бозиҳои аввал бо дастаи нав сӯҳбат кард

ДУШАНБЕ, 23 окт - Sputnik. Рашид Раҳимов, собиқ футболбоз ва мураббии шинохтаи тоҷик, пас аз таъин шуданаш ба вазифаи сармураббии дастаи “Уфа”-и Бошқирдистон аллакай ду бозӣ гузаронид.

Дар бозии аввал тими Раҳимов дар доираи Премер Лигаи Русия аз дастаи “Локомотив” бо ҳисоби 1:0 шикаст ёфт ва дар бозии дуввумаш тими дар марҳилаи гурӯҳии Ҷоми Русия бо ФК "Чертаново" – ро 4: 0 шикаст дод.

Дар чунин вазъ гуфтан душвор аст, ки чӣ гуна таассурот метавонад бошад, гуфт мураббии футбол Рашид Раҳимов дар суҳбат бо Sprutnik Тоҷикистон.

"Вазъият, бояд бигӯям, осон нест. Ва дар робита ба имкониятҳои ба даст овардани бозигарон вақт нест. Ҳоло танҳо агентҳои озод ҳастанд, аммо дар байни онҳо бозигарони ҳирфаӣ ёфтан хеле мушкил аст", - гуфт мураббии футбол.

Раҳимов афзуд, ки на ҳама футболбозони касбӣ ба бозӣ дар тиме, ки дар зинаи охирини Премер Лигаи Русия  ҷойгир аст, омодаанд.

"Даста дар зинаи паст қарор дорад, албатта, чизи зиёдеро бояд тағир дод. Аз ин рӯ, танҳо як нақша ҳаст - ҳарчи зудтар боло рафтан ва мавқеъро дар Премер Лига нигоҳ доштан", - гуфт мураббӣ.

Дар оғози кор бо тим аз бозӣ қонеъ шудан мумкин нест, алахусус агар бохте дошта бошед, илова кард Раҳимов.

Рашид Раҳимов, мутахассиси шинохтаи тоҷик сармурабии тими "Уфа" шуд

"Албатта, лаҳзаҳои мусбӣ буданд, аммо дар ниҳоят ҳама чиз натиҷаро муайян мекунад. Метавон лаҳзаҳои хубро ҳамчун асос қабул кар, аммо дар айни замон дарк мекунӣ, ки боз чӣ қадар беҳтар кардан лозим аст", - хулоса кард мураббӣ Рашид Раҳимов.

36
Барчаспҳо:
бозӣ, Сармураббӣ, Рашид Раҳимов, футбол
Прогулка в дождливую погоду

Дар Кӯлоб қариб 130 гектар ҷангал бунёд шуд

0
(Таҷдидшуда 14:53 23.10.2020)
Давоми соли 2020 дар хоҷагиҳои ҷангали минтақаи Кӯлоб 129,6 гектар ҷангалзори нав ва дар 13 гектар ниҳолхона бунёд карда шудааст

ДУШАНБЕ, 23 окт - Sputnik. Тайи соли равон дар минтақаи Кӯлоб инчунин ҳудуди 399,4 гектар ҷангалзор барқарор гардида, дар  ниҳолхонаҳо парвариши буттаву  дарахтони  гуногун роҳандозӣ шуд, хабар дод “Ховар”.

Ба иттилои манбаъ, ҳоло кормандони хоҷагиҳои ҷангал дар баробари омодагӣ ба мавсими сармо баҳри иҷрои нақшаи ҷамъоварии мева ва гиёҳҳои шифобахш низ кӯшиш ба харҷ дода истодаанд.

“Аз ҳисоби ҷамъоварӣ ва хушконидани меваҳо дар қитъаҳои  махсуси ҷангалзор барои ҳайвоноти ваҳшӣ ва парандагони нодир маводи хӯрокӣ барои зимистон захира карда мешавад”, - омадааст дар иттилоия.

Ба иттилои масъулин, имсол барои зимистонгузаронӣ дар хоҷагиҳои ҷангал аз нақша зиёд коҳу беда ва хӯроки серғизо захира карда шудааст. Таъкид шудааст, ки ҳифзу нигаҳдории ҳайвоноти ваҳшӣ ва парандагони нодир, ки дар ҷангалзор сукунат доранд, вазифаи аввалиндараҷаи кормандони хоҷагиҳои ҷангал мебошад.

0
Барчаспҳо:
Кӯлоб, ҷангал, ҷангалбонҳо, Тоҷикистон