Премьер-министр Армении Никол Пашинян

Пашинян гуфт, "хатти сурх" - и масъалаи Қарабоғи Кӯҳӣ чӣ аст

23
(Таҷдидшуда 15:15 16.10.2020)
Президенти Озарбойҷон Илҳом Алиев ва сарвазири Арманистон Никол Пашинян дар масъалаи Қарабоғи Кӯҳӣ ба Sputnik мусоҳиба доданд

ДУШАНБЕ, 15 окт — Sputnik. Сарвазири Арманистон Никол Пашинян ба савол дар бориа "хатти сурх" дар масъалаи Қарабоғи Кӯҳӣ посух гуфт.

Ба гуфти Пашинян таҳти "хатти сурх" Ереван имконияти худмуайянкунии Қарабоғро мефаҳмад.

"Хатти сурх барои Арманистон ҳуқуқ ба худмуайянкунии Қарабоғи Кӯҳӣ аст, мо аз ин чиз даст кашида наметавонем", - гуфт Пашинян дар суҳбат бо мудири кулли АИБ "Россия сегодня" Дмитрий Кеселев.

Ошӯбҳои шадид дар Қарабоғи Кӯҳӣ рӯзи 27 - уми сентябр шурӯъ шуд.

Арманистон ва Озарбойҷон ҳамдигарро дар ташанниҷ шудани вазъ айбдор мекунанд. Дар Қарабоғ бошад, аз тирборон шудани манзилҳои зист ва иншоотҳои дигар хабар дода мешавад. Арманистон нахустин шуда вазъи ҳарбиро эълон кард ва аз дахолати қабеҳи Туркия дар ин масъала таъкид намуд.

Дар Озарбойҷон бошад, вазъияти ҳарбии сартосарӣ эълон нашуд.

Зимнан, рӯзи 9 - уми октябр ба шаҳри Маскав бо даъвати кишвардори Русия Владимир Путин, сарони Вазоратҳои умури хориҷаи Арманистону Озарбойҷон ташриф оварданд.

Дар якҷоягӣ бо ҳамтоёни руси худ, ҳар ду ҷониб тӯли 10 соат гуфтушунидҳо баргузор намуданд. Дар фарҷом, Арманистону Озарбойҷон ба мувофиқа расиданд, ки сар аз 10 - уми октябр оташбас эълон мекунанд. Аммо рӯзи шанбе ҷонибҳо боз ҳамдигарро дар нақзи оташбас муттаҳам карданд.

Низоъ дар Қарабоғ соли 1988, вақте оғоз ёфт, ки Вилояти Мухтори Кӯҳистони Қарабоғ аз тасмими хориҷ шудан аз ҳайати Озарбойҷони шӯравӣ хабар дод. Дар ҷараёни муқовимати мусаллаҳона дар солҳои 1992-1994 Озарбойҷон назорати Карабоғи Кӯҳӣ ва ҳафт минтақаи ҳамсояро аз даст дод. Аз соли 1992 инҷониб гуфтушунидҳо оид ба ҳалли мусолиматомези муноқиша дар доираи Гурӯҳи Минскии САҲА бо роҳбарии се ҳамраис - Русия, Амрико ва Фаронса идома доранд. Озарбойҷон исрор дорад, ки тамомияти арзии худро ҳифз кунад, Арманистон манфиатҳои ҷумҳурии эътирофнашударо ҳимоя мекунад.

23
Барчаспҳо:
Арманистон, Никол Пашинян, Қарабоғи Кӯҳӣ

Манзилҳои сокинони мо низ хароб мешавад: Эрон ба Арманистону Озарбойҷон ҳушдор дод

62
(Таҷдидшуда 15:05 24.10.2020)
Сухангӯи аршади ситоди кулли Нерӯҳои мусаллаҳи Эрон таъкид кардааст, ки дар даргириҳои миёни Арманистону Озарбойҷон дар сари Қаробоғ манзилҳои наздимарзии Эрон низ хароб гаштааст

ДУШАНБЕ, 24 октябр - Sputnik. Сухангӯи аршади Нерӯҳои мусаллаҳи Эрон Абулфазли Шикорчӣ ба Арманистон ва Озарбойҷон ҳушдор дод, гузориш медиҳанд расонаҳои эронӣ.

Ӯ таъкид кардааси, ки Теҳрон ҳеч гӯна хатову таҳдид дар марзҳои муштараки Эрон бо Арманистону ҷумҳурии Озарбойҷонро таҳаммул намекунад ва бо ҳар навъ  таҳдид бархурд хоҳад кард.

"Даргириҳои низомии ҷумҳурии Озарбойҷону Арманистон дар хусуси минтақаи Қарабоғ ва риоят накардани қавоиди байналмилалии ҳусни ҳамҷаворӣ ва масолеҳи ҷангӣ дар марзи кишвари севум, мунҷар ба шиллик ва исобати гулӯлаҳои хумпора ба дохили манотиқи сарзаминии Ҷумҳурии исломии Эрон шудааст", - изҳор доштааст Шикорчӣ.

Сухангӯи аршади Нерӯҳои мусаллаҳи Эрон таъкид кард: Риояти ҳусни ҳамсоягӣ ва сабурии Эрони исломӣ бо кишварҳои ҷумҳурии Озарбойҷону Арманистон набояд мавриди сӯиистифода қарор гирад ва ду кишвар набояд ба хутути қирмизи Эрон вуруд кунанд, дар ғайри ин сурат қатъан пушаймонӣ ба дунбол хоҳад дошт. 

Сардори сартип Абулфазли Шикорчӣ афзуд: Амнияти манотиқи марзӣ ва мардуми Эрон, хати қирмизи мост ва дар ин робита ба ҳар ду кишвари даргир ёдовар мешавем, ки муроқиби оташафрӯзӣ ва шайтанатҳои бегонагон бошанд.

"Мушкилоти дуҷонибаро аз тариқи мусолиматомез ва гуфтугӯ ҳаллу фасл кунанд ва бо бедиққатӣ дар амалиёти низомии худ, марзҳои сарзаминӣ ва амнияту осоиши мардуми Эронро ба мухотира наандозанд" - афзудааст вай.

"Инҷо мардумро мекушанд": Русияро дар Қаробоғ кӣ интизор аст?

Аз оғози даргириҳо дар минтақаи Қарабоғ то кунун даҳҳо гулӯла хумпора ва ракета ба рустоҳои марзии Эрон исобат ва хисороте ба марзнишинҳои эронӣ ворид кардааст.

62

Кӯдакон COVID-19-ро паҳн намекунанд: табибон афсонаи интиқоли вирусро рад карданд

207
(Таҷдидшуда 20:06 23.10.2020)
Эпидемиологи рус афсонаро дар бораи он, ки кӯдакони хурдсол калонсолонро ба коронавирус сироят мекунанд, дурӯғ хонда, гуфт, ки мактаббачаҳо интиқолдиҳандаи фаъоли сироят нестанд

ДУШАНБЕ, 23 окт - Sputnik. Роҳбари Маркази илмӣ-тадқиқотии эпидемиология ва микробиологияи ба номи Пастери Роспотребнадзор, академики Академияи илмҳои Русия Арег Тотолян гуфт, ки кӯдакон интиқолдиҳандаи коронавирус нестанд ва ин фарзия тасдиқ нашудааст, менависад РИА Новости.

Баръакс, калонсолон ва шаҳрвандони пиронсол ба кӯдакон сироят мекунанд. Афсонае, ки кӯдакон интиқолдиҳанда мебошанд, аз мушоҳидаи аввал ба вуҷуд омадааст.

Тотолян қайд мекунад, ки олимони қаблӣ пешниҳод мекарданд, ки кӯдакон сироятро дар шакли бенишона мегузаронанд ё интиқолдиҳандаи вирус мебошанд.

Мувофиқи он, ба хулосае омаданд, ки пиронсолон аз онҳо сироят меёбанд.

"Дар яке аз кишварҳои Скандинавия тадқиқоте гузаронида шуд ва нишон дод, ки баръакс аст: на кӯдакон пиронро, балки пиронсолон кӯдаконро сироят мекунанд",-таъкид кард академик.

Олимон гуфтанд, одамон бо кадом гурӯҳи хун коронавирусро сабук мегузаронанд

"Дарвоза" -и асосии коронавирус ба бадан, ки дар он афзоиш хоҳад ёфт, ретсептор ACE2 мебошад, ки дар одамони синну сол калон васешуда мебошад.

Дар кӯдакон ретсепторҳо хурданд, яъне вирус дар бадан камтар хоҳад буд ва аз ин рӯ манбаи сироят камтар аст.

Олимони бритонӣ се нишонаи нави коронавирусро ном бурданд

"Агар мо тамоми кӯдаконро гирем, на бештар аз 10% дар таркиби гирифторони COVID-19 онҳо мебошанд. Ҳиссаи бемориҳо дар кӯдакон нисбат ба дигар гурӯҳҳои синну сол ба таври назаррас камтар аст", - хулоса кард ҳамагиршиноси рус.

207
Барчаспҳо:
сироят, кӯдакон, вируси корона, Олимон
Мавзуҳо:
Пайомадҳои COVID-19 дар Тоҷикистон ва ҷаҳон

Ҳабиб урён ва Гейҷи бо ниқоб: навори вазнченкунии размикорон

0
(Таҷдидшуда 16:46 24.10.2020)
Қабл аз муҳорибаи дарпешистодаи Ҳабиб Нурмуҳаммадов а Ҷастин Гейҷӣ, маросими вазнченкунии онҳо баргузор шуд

ДУШАНБЕ, 24 окт – Sputnik. Қаҳрамони UFC дар вазни сабук Ҳабиб Нурмуҳаммадов имрӯз бори саввум барои ҳифз намудани камрбанди қаҳрамонияш талош мекунад. Қабл аз муҳориба, ҳар ду размикорро болои тарозу бароварда, вазнашонро санҷиданд.

Бар тибқи натиҷаи маросими вазнченкунӣ, Ҳабиб ва Гейҷи вазни баробар доштанд. Ҳар ду варзишгар 70 килограмму 300 грам вазн доранд.

Ҳабиб тамоман урён  болои тарозу баромад ва каме ҳаяҷонзада ҳам буд. Гейҷӣ бошад, бо ниқоби тиббӣ ва табассумкунон вазнашро санҷид.

Муҳорибаи онҳо шоми имрӯз соати 21:00 ба вақти Маскав ва 23:00 ба вақти Душанбе доир мешавад.

Ҳабиб ҳоло ҳамаи муҳорибаҳояшро бидуни мағлубият анҷом додааст. Рақиби ӯ бошад ҳамагӣ ду маротиба рақобатро бохт.

0
Барчаспҳо:
вазн, муҳориба, Ҳабиб Нурмуҳаммадов