Актер Шон Коннери, архивное фото

Даргузашти ҳунарманди машҳур Шон Коннери

338
(Таҷдидшуда 19:53 31.10.2020)
Ҳунарманди шотландӣ бо нақши Ҷеймс Бонд машҳур буд. Сабаби фавти ҳунарманд Шон Коннери гуфта нашудааст

ДУШАНБЕ, 31 окт — Sputnik. Ҳунарманди шотландӣ Шон Коннери дар синни 91-солагӣ аз олам чашм пӯшид, хабар медиҳад BBC.

Хабар дар бораи даргузашти ҳунармандро аъзои хонаводааш тасдиқ кардааст. Моҳи август ҳунарманд 90-сола шуд. Сабаби даргузашти ҳунарманд гуфта нашудааст.

Фаъолияти касбии ҳунарманд Шон Коннери даҳсолаҳо давом кард. Ӯ дорандаи мукофотҳои зиёд аз қабили Оскар, ду ҷоизаи Bafta ва се ҷоизаи Глобуси тиллоӣ мебошад.

Моҳи июли соли 2000-ум Шон Коннери аз дасти маликаи Бритониё Елизаветаи II унвони ритсарӣ гирифт.

Даргузашти амири Қувайт дар синни 92-солагӣ

Ҳунарманди шотландӣ пеш аз ҳама бо нақши Ҷеймс Бонд машҳур аст. Ӯ нахустин шуда ин нақшро дар ҳафт триллер бозӣ кард.

Сафири Тоҷикистон дар Эрон даргузашти Исмоили Саодатро таслият гуфт

Филмҳои дигари намоёни Шон аз ҷумла "Шикори Октябри Сурх", "Индиана Ҷонс ва Салиби охирин", "Кӯҳистонӣ", "Лигаи ҷанобони мӯҳтарам", "Дили аждаҳо" ва "Шах" мебошанд.

338
Барчаспҳо:
ҳунарманд, даргузашт, Бритония
Боевик Хамза Вазиристани, один из организаторов терактов в Афганистане

Ҷазои фаврӣ: ташкилкунандаи ҳамлаи хунини Ғазнии Афғонистон дар амалиёти ҳавоӣ кушта шуд

177
(Таҷдидшуда 14:20 02.12.2020)
Дар натиҷаи ҳамлаи ҳавоӣ ба яке аз минтақаҳои шаҳри Ғазнии Афғонистон, ҳафт ҷангӣ нобуд ва миқдори зиёди силоҳҳо аз байн бурда шуданд

ДУШАНБЕ, 2 дек — Sputnik. Вазорати дифои Афғонистон мегӯяд, созмондиҳандаи ҳамлаи террористӣ дар Ғазнӣ, ки дар пайи он 31 нафар кушта шуд, дар натиҷаи ҳамлаи ҳавоӣ ба шаҳр дар минтақаи Ҷиро нобуд карда шуд.

Тибқи иттилои вазорат, ба ҷуз Ҳамза Вазиристонӣ, ҳафт ҷангҷӯи дигар кушта ва миқдори зиёди силоҳу муҳимоти ҷангӣ нобуд карда шуданд.

Ҳамлаи террористӣ дар Ғазнӣ рӯзи 29 ноябр дар наздикии пойгоҳи нерӯҳои мусаллаҳи Афғонистон рух дод.

Пас аз тирпарронӣ, як маводи тарканда, ки дар мошини дар наздикии он қароргирифта гузошта шуда буд, таркид.

Тибқи маълумоти беморхонаи маҳаллӣ, 31 нафар фавтида ва 24 нафар ҷароҳат бардоштанд.

Ёдовар мешавем, ки дар аввали моҳи ноябр, ҳангоми ҳамлаи миномётӣ ба яке аз ноҳияҳои Ғазнӣ, беш аз ҳашт ғайринизомӣ кушта шуданд.

Деги ҷӯшони Афғонистон: аз ихроҷи нирӯҳои Амрико кӣ бурд мекунад

Тибқи иттилои Ваҳидуллоҳ Ҷумъа, раҳбари пулиси ин қаламрав, дар минтақаи истиқоматии Нуробод се гулӯлаи миномёт таркид, ки бар асари он  ҳафт ғайринизомӣ маҷрӯҳ шуданд.

177
Барчаспҳо:
қатл, таркиш, ҳамла, Ғазнӣ, Афғонистон
Полицейские стоят на страже возле Кабульского университета, архифное фото

Тафсилоти инфиҷори мошини дипломатҳои Русия дар Кобул

324
(Таҷдидшуда 18:00 02.12.2020)
Дар пойтахти Афғонистон мошини кормандони сафорати Русия дучори инфиҷор шудааст, ки дар пайи он касе зарари ҷиддӣ надидааст

ДУШАНБЕ, 2 дек — Sputnik. Як мошин бо дипломатҳои русро бар асари таркиши мина дар Кобул зарар дидааст, гуфт сухангӯи Вазорати корҳои хориҷии Русия, Мария Захарова.

Ба иттилои манбаъ, аз сабаби таркиш, намояндагони намояндагии дипломатии Русия зарбаи сабук гирифтанд ва хушбахтона ниёзе ба беморхона бурдан надоштанд.

Таркиши автомобили дипломатҳо дар наздикии сафорати Русия сурат гирифтааст.

Ҳанӯз дақиқ нашудааст, ки мошини ҳадафи ҳамла кадом буд: аз сафорати Русия ё нерӯҳои амниятии Афғонистон.

Деги ҷӯшони Афғонистон: аз ихроҷи нирӯҳои Амрико кӣ бурд мекунад

Захарова бо изҳори мавқеи Вазорати корҳои хориҷии Русия гуфтааст: "Мо аз ҷониби Афғонистон талаб дорем, ки ин ҳодисаро ҳамаҷониба таҳқиқ карда, барои таъмини амнияти кормандони намояндагиҳои Русия дар ҶИА чораҳои ҳамаҷониба андешанд".

Боздошти 13 полис дар Афғонистон вобаста парвандаи ҳамлаи террористӣ ба Донишгоҳи Кобул

То кунун ягон гурӯҳи террористӣ масъулияти таркиши минаи худсохтро ба дӯш нагирифтааст.

324
Барчаспҳо:
худрав, таркиш, дипломатҳо, сафорат, Афғонистон, Русия

Владимир Путин аз нақши махсуси Тоҷикистон зикр кард - видео

0
(Таҷдидшуда 19:58 02.12.2020)
Русия ҳамроҳ бо Тоҷикистон ҷилавгирӣ аз вуруди террористон ва маводи мухаддир аз кишварҳои ҳамсояро идома хоҳад дод

Владимир Путин, расиҷумҳури Русия, зимни ҷаласаи Шӯрои амнияти дастаҷамъии СААД аз нақши махсуси Тоҷикистон зикр кард.

“Мехоҳам нақши махсуси Тоҷикистонро дар ҷилавгирӣ аз таҳдидҳое, ки аз кишварҳои ҳамсоя меоянд, зикр намоям, албатта, ман воридшавии маводи мухаддир ва террористонро дар назар дорам. Дар ин самт Тоҷикистон корҳои азими мусбат анҷом дода истодааст, ин корро дар якҷоягӣ бо шумо идома медиҳем, аз ҷумла, бо истифода аз имконияти худ бо сохтори низомии Русия, ки дар қаламрави Тоҷикистон ҷойгир аст”, — изҳор дошт Путин.

Раисҷумҳури Русия афзуд, ки Тоҷикистон дар самти ҷилавгирӣ аз гардиши ғайриқонунии маводи мухаддир ва терроризм кори азими мусбатро анҷом медиҳад.

Владимир Путин қайд кард, ки Русия минбаъд низ Тоҷикистонро дар масъалаҳои амният дастгирӣ хоҳад кард, аз ҷумла, бо истифода аз имконоти сохтори низомии Русия кумак хоҳад кард.

Имрӯз таҳти раёсати Президенти Русия Владимир Путин дар шакли видеоконфронс ҷаласаи Шӯрои амнияти дастаҷамъии Созмони Аҳдномаи Амнияти Дастаҷамъӣ баргузор шуд.

Дар ҷаласа масъалаҳои ҳамкории иттифоқӣ дар доираи созмон, афзоиши минбаъдаи самаранокии СААД, мушкилоти мубрами амнияти байналмилалӣ ва минтақавӣ баррасӣ гардиданд.

Дар ҷаласа Президенти Тоҷикистон Эмомалӣ Раҳмон, Сарвазири Арманистон Никол Пашинян, Президенти Беларус Александр Лукашенко, Президенти Қазоқистон Қосим-Жомарт Токаев ва иҷрокунандаи вазифаи Президенти Қирғизистон Талант Мамитов ширкат варзиданд.

0
Барчаспҳо:
Эмомалӣ Раҳмон, Владимир Путин, нақша, террористон, ҳамсоя, ҷилавгирӣ, Русия, Тоҷикистон