День 8 ноября

Ҷашнҳои рӯзи 8 ноябр дар Тоҷикистон ва ҷаҳон

77
(Таҷдидшуда 18:27 07.11.2020)
Ҳаштуми ноябр - Рӯзи байналмилалии Маҳфили зарифон буда, дар Чин – Рӯзи журналистика ва дар Қазоқистон – Рӯзи омор мебошад

Рӯзи 8 ноябр дар ҷаҳон чӣ рух дод

Соли 1893 дар Иёлоти Колорадои ИМА ба занҳо ҳуқуқи дар интихобот иштирок кардан дода шуд.

День 7 ноября
© Sputnik/ Стас Этвеш/ Мария Вишнякова

Соли 1917  дар Канада агентии иттилоотии "Канадиан пресс" таъсис дода шуд.

Соли 1943 Ордени Шараф- ордени ҳарбии Иттиҳоди Шӯравӣ таъсис ёфт.

Соли 1948  Ҳизби коммунистии Албания ба Ҳизби меҳнати Албания тағйири ном кард.

Соли 1956 Ассамблеяи генералии СММ аз Иттиҳоди Шӯравӣ талаб кард, ки неруҳояшро аз Венгрия барорад.

Рӯзи 8 ноябр дар Тоҷикистон чӣ рух дод

Соли 2011 масоили ҳамкории Тоҷикистону Ҷопон дар самти мубориза бо гардиши ғайриқонунии маводи мухаддир баррасӣ гардиданд.

Соли 2012 дар Палатаи поёнии Парлумони Тоҷикистон лоиҳаи Қонуни Ҷумҳурии Тоҷикистон "Дар бораи буҷети давлатии ҶТ барои соли 2013" муҳокима шуд.

Соли 2015 варзишгари тоҷик Шаҳриёр Даминов дар Қаҳрамонии Осиё миёни ҷавонон медали тилло ба даст овард.

Даминов Шахриер
© Sputnik / Амир Исаев
Даминов Шахриер

Соли 2016 масоили вақт ва дурнамои рушди ҳамкории Тоҷикистону Ҷумҳурии Арабии Миср дар самтҳои гуногун баррасӣ гардиданд.

Соли 2016 дар Театри давлатии академии опера ва балети ба номи С. Айнӣ маросими рӯнамоии китоби шашҷилда ва луғати тафсирии истилоҳоти "Шашмақом" доир шуд.

Ҷашнҳои рӯзи 8 ноябр

  • Рӯзи байналмилалии Маҳфили зарифон.
  • Дар Чин – Рӯзи журналистика.
  • Дар Қазоқистон – Рӯзи омор.

Рӯзи 8 ноябр дар Тоҷикистон кӣ ба дунё омадааст

Соли 1883 - олим, муҳаққиқи Омиёи Марказӣ Александр Евгеневич  Ферсман.

Соли 1930 – олими адабиётшинос Аслиддин Қамаров.

Соли 1940 – корманди шоистаи саноат Тоҳир Бобоев.

Соли 1949 – собиқ вазири дифоъи Ҷумҳурии Тоҷикистон Шералӣ Хайруллаев.

Соли 1961 – размикор Абдусамад Шамсуллоев.

Шералӣ Хайруллоев "дарозумртарин вазир" - и Ҳукумати Тоҷикистон ва собиқ мушовири раисиҷумҳур имрӯз 71 сола мешавад.

Эмомалӣ Раҳмон, раисиҷумҳури Тоҷикистон ва Шералӣ Хайруллоев, собиқ вазири мудофиаи Тоҷикистон
дафтари матбуоти раисиҷуҳури Тоҷикистон
Эмомалӣ Раҳмон, раисиҷумҳури Тоҷикистон ва Шералӣ Хайруллоев, собиқ вазири мудофиаи Тоҷикистон

Зиндагиномаи Шералӣ Хайруллоев

Шералӣ Хайруллоев 8 ноябри соли 1949 дар ноҳияи Данғара ба дунё омадааст. Миллаташ тоҷик.

Соли 1970 Донишгоҳи давлатии Тоҷикистонро бо ихтисоси иқтисоддон хатм намудааст.

Аз соли 1970 то 1977 дар вазифаҳои ёвари сардори шӯъбаи молияи шаҳраки Паймаи поёни Красноярск, сардори шӯъбаи молияи шаҳри Қизили РАСС Тува, сардори хадамоти хӯроквории Красноярск, муовини командири шаҳри Қизили РАСС Тува фаъолият намудааст.

Солҳои 1977-1988 дар вазифаҳои муовини сардори профилакторияи муолиҷавию меҳнатии Раёсати муассисаҳои ислоҳотию меҳнатии ВКД РСС Тоҷикистон, сардори муассисаи ислоҳотию меҳнатии №3/5-и Раёсати муассисаҳои ислоҳотию меҳнатии ВКД РСС Тоҷикистон, сардори муассисаи №3/7-и Раёсати муассисаҳои ислоҳотию меҳнатии ВКД РСС Тоҷикистон, муовини сардори Раёсати муассисаҳои ислоҳотию меҳнатии ВКД РСС Тоҷикистон, сардори Раёсати муассисаҳои ислоҳотию меҳнатии ВКД РСС Тоҷикистон кор кардааст.

Аз соли 1988—1995 муовини вазири корҳои дохилии Ҷумҳурии Тоҷикистон.

"Дарозумртарин вазир" - и Ҳукумати Тоҷикистон
Солҳои 1995—2013 вазири дифоъи Ҷумҳурии Тоҷикистон.

Рӯзи 20-уми ноябри соли 2013  Эмомалӣ Раҳмон фармоне содир кард, ки тибқи он Шералӣ Хайруллоев пас аз 18 соли вазирӣ, аз симмати вазири дифоъи Тоҷикистон барканор шуд. Шералӣ Хайруллоев аз "дарозумртарин вазир" дар Ҳукумати Тоҷикистон шинохта шудааст.

25 январи 2014 Шералӣ Хайруллоев бо фармони Президенти Ҷумҳурии Тоҷикистон ёвари Президенти Ҷумҳурии Тоҷикистон оид ба масоили амнияти миллӣ таъин шуд.

Солли 2019 бо фармони Президенти Тоҷикистон Шералӣ Хайруллоев бо сабаби ба нафақа баромаданаш аз вазифаи ёвари Президенти Тоҷикистон дар масъалаҳои амнияти миллӣ озод шуд.

Унвону мукофоти Шералӣ Хайруллоев

Шералӣ Хайруллоев рутбаи ҳарбии генерал-полковник дошта, бо ордени Ситораи Президент дараҷаи II, ордени Исмоили Сомонӣ дараҷаи II, унвони фахрии "Корманди шоистаи Тоҷикистон" ва медали ҷашнии "20-солагии Истиқлолияти давлатии Ҷумҳурии Тоҷикистон" сарфароз гардидааст.

Шералӣ Хайруллоев оиладор падари се фарзанд мебошад.

77
Барчаспҳо:
Ҷаҳон, ҷашн, Тоҷикистон
Мавзуъ
Ҷашнҳои рӯзи 2 ноябр дар Тоҷикистон ва ҷаҳон
Ҷашнҳои рӯзи 4 ноябр дар Тоҷикистон ва ҷаҳон
Ҷашнҳои рӯзи 5 ноябр дар Тоҷикистон ва ҷаҳон
Ҷашнҳои рӯзи 7 ноябр дар Тоҷикистон ва ҷаҳон
Ҷашнҳои рӯзи 3 ноябри дар Тоҷикистон ва ҷаҳон
Вакцина

Нахустин ваксинаи эронӣ бар зидди вируси корона муҷаввизи озмоиши инсонӣ гирифт

29
(Таҷдидшуда 12:20 05.12.2020)
Раиси маркази равобити умумӣ ва иттилорасонии вазорати беҳдошт, дармон ва омӯзиши пизишкии Эрон аз эътои коди ахлоқ дар пажӯҳиш ба аввалин ваксинаи эронии корона ва вурӯди ин ваксина ба марҳалаи озмоиши инсонӣ хабар дод

ДУШАНБЕ, 5 дек – Sputnik. Киёнӯши Ҷаҳонпур,  ахиран дар саҳифаи “Твиттир” -и худ навиштааст, ки ваксинаи ғайрифаъоли ширкати "Шифо Формад" ба унвони аввалин ваксинаи эронии Ковид-19 бо дарёфт коди ахлоқ, вориди марҳалаи мутолиаи болинӣ шудааст.

Ба гузориши хабаргузории Эрон Пресс, пажӯҳишгари аслии ин тарҳ доктор Минӯ Муҳраз, устоди донишгоҳ ва узви Ситоди миллии муқобила бо корона дар Эрон аст.

Саъиди Намакӣ, вазири беҳдошт, дармон ва омӯзиши пизишкии Ҷумҳурии Исломии Эрон ахиран эълом карда буд, ба зудди Эрон ба унвони яке аз кишварҳои пешрав дар сохти ваксинаи корона дар ҷаҳон шинохта хоҳад шуд.

Christoph Hamelmann, намояндаи Созмони ҷаҳонии беҳдошт дар Эрон, 16 ноябр дар нишасти баррасии пешрафти тавлиди ваксинаи корона дар Эрон аз пешрафтҳои илмӣ ва доруӣ дар Эрон ибрози хушҳоли карду гуфт, истифодаи муҳаққиқони Эрон аз ҳамаи равишҳо барои сохти ваксинаи корона, нишонаи он аст, ки эҷоди маҳдӯдиятҳои сиёсӣ таъсир дар масири пешрафти илмии Эрон надоштааст.

29
Барчаспҳо:
дармон, беҳдошт, вазорат, Эрон

Шумори қурбониёни корона дар Эрон дар остонаи 50 ҳазор нафар

25
(Таҷдидшуда 12:50 05.12.2020)
Маҷмӯи беморони Ковид - 19 дар Эрон ба як миллиону 16 ҳазору 835 нафар расидааст, ки то кунун 708 ҳазору 106 нафар аз онон беҳбуд ёфтаанд

ДУШАНБЕ, 5 дек — Sputnik. Сухангӯи Вазорати беҳдошт, дармон ва омӯзиши пизишкии Эрон аз фавти 347 нафар дар 24 соати гузашта дар ин кишвар хабар дод.

Симо Содот Лорӣ рӯзи ҷумъа дар бораи охирин омори беморони Ковид - 19 дар Эрон гуфт.

"Бар асоси меъёрҳои қатъии ташхисӣ дар 24 соати гузашта 13 ҳазору 341 бемори ҷадиди Ковид - 19 дар Эрон шиносоӣ шуд, ки як ҳазору 996 нафар аз онҳо бистарӣ шуданд ва ба бақияи беморон низ хадамоти мавриди ниёзашон расонида шуд", - менависад "Парс тудэй".

Сухангӯи Вазорати беҳдошти Эрон афзуд: "Муттаассифона, дар 24 соати гузашта 347 бемори Ковид - 19 низ ҷони худро аз даст доданд ва маҷмӯи ҷонбохтагони ин беморӣ дар кишвар ба 49 ҳазору 695 нафар расид".

Лорӣ ҳамчунин гуфт: "Маҷмӯи беморони Ковид - 19 дар Эрон ба як миллиону 16 ҳазору 835 нафар расидааст, ки то кунун 708 ҳазору 106 нафар аз онон беҳбуд ёфтаву аз бемористонҳо мурраххас шудаанд".

Вазорати тандурустӣ: 41 нафарро пас аз табобат аз коронавирус рухсат додем

Теъдоди афроди олуда ба вируси корона дар ҷаҳон низ ба беш аз 65 миллион нафар расидааст, ки аз ин теъдод як миллиону 513 ҳазор нафар ҷони худро аз даст додаву беш аз 45 миллион нафар ҳам беҳбуд ёфтаанд.

25
Барчаспҳо:
таманнои шифои комил, беморӣ, вируси корона, Эрон
Мавзуҳо:
Пайомадҳои COVID-19 дар Тоҷикистон ва ҷаҳон
Морозное утро

Ҳушдор аз сардиҳо: чанд тавсияи КҲФ ба сокинон

9
(Таҷдидшуда 12:40 05.12.2020)
Кумитаи ҳолатҳои фавқулодда ва мудофиаи граждании Тоҷикистон ба далели сардии ҳаво аз 5 то 8 декабри соли равон ба сокинони кишвар чанд тавсия додааст

ДУШАНБЕ, 5 дек – Sputnik. КҲФ Тоҷикистон хабар додааст, ки тибқи маълумоти Агентии обуҳавошиносии кишвар, аз 5 то 8 декабри соли 2020 ҳаво сард мешавад. Даводиҳо борон меборад, дар доманакӯҳҳо ва кӯҳҳо барф, дар баъзе минтиақаҳо барф шадидтар меборад. Ҳарорати миёнаи рӯзонаи ҳаво дар водиҳо 5 ° С хоҳад буд.

Кумитаи ҳолатҳои фавқулодда ҳушдор медиҳад, ки барфи тар метавонад сабабгори хароб шудани хатҳои интиқоли барқ, қисман шикастану афтидани дарахтон, инчунин хароб гаштани сутунҳои сустниҳоди реклом дар кӯчаҳо шавад.

“Дар робита ба тағйири обо ҳаво ва сардиҳои чанд рӯзи ояндаву барфу боронҳо  Кумита аз шаҳрвандони кишвар хоҳиш мекунад, ки ҳангоми истифодаи асбобҳои гармидиҳандаи барқӣ қоидаҳои бехатарии сӯхторро қатъиян риоя кунанд, инчунин бехатарии ҳаракат дар роҳҳоро риоя намоянд, хусусан ҳангоми истифода аз роҳҳо ва гузаргоҳҳои кӯҳӣ то ҳадди имкон ҳушёр бошанд”,  - таъкид доштааст манбаъ.

Ҳамзамон КҲФ дар ин рӯзҳо аз шаҳрвандон даъват кардааст, ки ҳаракатро дар роҳҳои кӯҳӣ бидуни эҳтиёҷоти фаврӣ маҳдуд кунанд.

Инчунин ин ниҳод аз сокинон даъват кардааст, ки аз корҳои кишоварзӣ, чаронидани чорво, ҷамъоварии ҳезум ва шикор дар минтақаҳои кӯҳӣ худдорӣ намоянд.

9
Барчаспҳо:
Кумитаи ҳолатҳои фавқулодда, КҲФ Тоҷикистон, тавсия, сокинон, сарди ҳаво, Тоҷикистон