Верующие мусульмане в Мекке, архивное фото

Сафари Ҳаҷҷи умра шурӯъ мешавад: синни соли зоирин аз 18 то 50 - сола

1253
(Таҷдидшуда 13:07 09.11.2020)
Қарор аст, то поёни моҳи ноябр сафари сокинони Тоҷикистон, барои ба ҷо овардани ҳаҷҷи инфиродии умра шурӯъ шавад. Сокинон давоми ду ҳафта шаҳрҳои муқаддаси Исломро зиёрат хоҳанд кард

ДУШАНБЕ, 9 ноя – Sputnik. Ширкатҳои сайёҳӣ, ки масъулияти сафарбаркунии сокинон, барои адои ҳаҷҷи умраро дар кишвар бар зимма доранд, аз сафари қарибулвуқӯъи зиёрати шаҳрҳои муқаддаси Ислом хабар медиҳанд.

Абдулмаҷид Зокиров, як масъули ширкати сайёҳии "Расулсохтмон" дар суҳбат ба Sputnik Тоҷикистон гуфт, ҳоло гуфтушунид бо масъулони вазорати ҳаҷҷи Арабистони Саудӣ ҷараён дорад ва қарор аст баъди ба имзо расидани созишнома, дар поёни моҳи ноябр аввалин гурӯҳи сокинон ба зиёрати шаҳрҳои муқаддаси Ислом Маккаи Мукаррама ва Мадинаи Мунаввара сурат бигирад.

"Мо ҳуҷҷатҳоро барои ба имзо расидани шартнома пешниҳод кардем, ҳоло мунтазирем, ки барои қабули зиёраткунандаҳо дар шароити пандемия чӣ шарту шароитҳо пешниҳод мекунанд", -  гуфт Зокиров.

Бино ба иттилоъи масъули ширкати "Расулсохтмон", вазорати ҳаҷҷи кишвари Арабистон синну соли зиёраткунандаҳоро бо сабаби хуруҷи бемории ҳамагири COVID-19, маҳдуд намуда, ҳоло танҳо барои аз 18 то 50 солаҳо иҷозаи сафар ба ин кишвар дода мешавад.

Дар пайи хуруҷи ҳамагирии коронавирус ва сабти он дар Арабистони Саудӣ, ин кишвар баҳори имсол сафари зоирин ба шаҳрҳои муқаддаси Исломро манъ намуд ва барои аввалин бор соли ҷорӣ маросими Ҳаҷ баргузор нагардид.

Баъд аз маҳудудиятҳои чандмоҳа аз "вируси карона" ахиран дар оғози моҳи ноябр Арабистони Саудӣ барои ба ҷо овардани маносики инфиродии ҳаҷи умра руйхати кишварҳоро нашр кард.

Дар феҳристи интишоршуда кишварҳои Тоҷикистон, Қазоқистон, Ӯзбекистон, Чин, Туркия, Озарбойҷон ва Белорус шомил ҳастанд.

Сафари шаҳрвандони кишварҳои Эрон, Миср, Қатар, Италия ва Қирғизистон, Кувейт, Русия, Англия ва Иёлоти Муттаҳидаи Амрико барои сафар ба ҳаҷҷи умра ба таври муваққат манъ шудаанд.

Сафарбаркунии сокинон ба зиёрати инфиродии ҳаҷҷи умраро дар Тоҷикистон ҳоло ширкатҳои сайёҳии "Расулсохтмон" ва "Ормон" ба уҳда доранд.

Аммо масъулони ин ширкатҳо гуфтанд, ки ҳанӯз харҷи сафари сокинон маълум нест ва он баъди дуруст шудани шартнома бо вазорати ҳаҷи Арабистон муайян хоҳад шуд.

Ҳаҷи умра: Арабистони Саудӣ рӯйхати кишварҳоро эълон кард

Харҷи сафари ҳаҷҷи умраи қабл аз замони каронаӣ 20, 5 ҳазор сомонӣ, ё муодили 2, 5 ҳазор доллари амрикоӣ ҳисоб мешуд.

Ҷисман обутобёфта: эълони озмуни раҳбаладони "Ҳаҷ-2020"

Дар Тоҷикистон ҳамасола ҳазорҳо нафар, барои зиёрати маконҳои муқаддаси Ислом ба кишвари Арабистони Саудӣ сафар мекунанд.

1253
Барчаспҳо:
АМА, вируси нав, вируси корона, зиёрати Хонаи Худо, синну сол, Ҳаҷ
Хабиб Нурмагомедов

Талоши Ҳабиб барои ворид кардани набардҳои ММА ба барномаи бозиҳои тобистонаи Олимпӣ

111
(Таҷдидшуда 18:18 01.12.2020)
Ҳабиб Нурмуҳаммадов, размикори шинохтаи доғистонӣ талош дорад санъати муҳорибаҳои омехта ё худ ММА-ро ба рӯйхати барномаи бозиҳои тобистонаи Олимпиада шомил созад.

ДУШАНБЕ, 1 дек — Sputnik. Қаҳрамони UFC Хабиб Нурмуҳаммадов гуфт, ки ба наздикӣ бо роҳбари Кумитаи байналмилалии олимпӣ (КБО) Томас Бах мулоқот карда, масъалаи ба барномаи бозиҳои тобистонаи Олимпиадаи 2028 шомил кардани ҳунарҳои муҳорибаи омехтаро баррасӣ мекунад.

"Дохил кардани ММА ба Олимпиада яке аз вазифаҳои асосии ман барои ду соли оянда аст, мо аллакай дар ин самт кор карда истодаем. Дар ояндаи наздик ман мулоқотҳои зиёде хоҳам дошт, аз ҷумла бо Президенти Кумитаи Олимпӣ. Ба фикри ман, агар дар Париж набошад, пас дар Лос-Анҷелес, мо имкониятҳои зиёди таблиғи ММА дорем ", - навиштааст Sputnik Узбекистон аз қавли Нурмуҳаммадов.

Ба гуфтаи Нурмуҳаммадов, ягона мушкилӣ дар ин самт бераҳмӣ дар ин навъи варзиш аст, зеро дар Олимпиада ин истиқбол намешавад, онҳо намехоҳанд хуни зиёд бошад.

Дана Уайт: Ман ҳанӯз шарт мебандам, ки Ҳабиб рекорди 30:0 мегузорад. Инро падараш мехост

Дар робита ба эътирофу сарпарастӣ ва таваҷҷӯҳ ба ин навъи варзиш Нурмуҳаммадов гуфт, агар ММА ба барномаи Олимпиада шомил карда шавад , он аз ҷиҳати манфиат бо футбол ва варзиши сабук дар як саф хоҳад буд.

Ҳабиб Нурмуҳаммадов, қаҳрамони UFC ва яке аз ситораҳои санъати муҳорибаҳои омехта мебошад.

Гусфанду буқаҳо мепарварам: Ҳабиб аз нақшаҳои панҷсолааш гуфт

Ӯ ахиран дар пайи пирӯзӣ бар Ҷастин Гетҷи, бо 29 ғалаба ва бидуни шикаст изҳор дошт, ки фаъолияти касбияшро хотима медиҳад.

111
Барчаспҳо:
Олимпиада, муҳориба, Ҳабиб Нурмуҳаммадов, ММА

Маълум шуд, ки Майк Тайсон ва Рой Ҷонс дар муҳорибаи ахирашон чандпулӣ гирифтанд

1090
(Таҷдидшуда 17:40 01.12.2020)
Маълум шуд, ки нобиғаҳои бокси ҷаҳон Майк Тайсон ва Рой Ҷонс барои баргузории муборизаи ахирашон чӣ қадар маблағ гирифтанд

ДУШАНБЕ, 1 дек — Sputnik. Бино ба иттилои Комиссияи Атлетикии Калифорния, ки дар сафҳаи Твиттерияш нашр кард, ситораҳои ҷаҳонии бокс маблағи баробар мегиранд.

Ба иттилои манбаъ, пардохтҳо барои муҳориба пардохти бидуни тарҳ аз фурӯши пахши барномаҳои пулакӣ ва таблиғ ба ҳарду варзишгар 1 миллион долларӣ расидааст.

Ноибтғаи бокс, Майк Тайсон охири моҳи апрел аз бозгашти дубораи худ пас аз 15 сол ба майдони муҳориба эълон карда буд.

Ахиран 29 ноябр Дар Лос-Анҷелес муҳорибаи миёни ду муштзани машҳури ҷаҳон доир шуд. Майк Тайсон ба рақиби ҷавонтараш тавоноии худро пурра нишон дод, аммо ҳайати доварон эълон карданд, ки муҳориба бидуни ғолиб анҷом ёфт.

Ситораи ҷаҳониии бокс, Майк Тайсон охири моҳи апрели соли ҷорӣ аз бозгашти дубораи худ пас аз 15 сол ба майдони муҳориба эълон карда буд.

Ин варзишкори машҳур дар замони фаъолияти касбияш 50 муҳорибаро бурда, 44 рақобатро ба таври нокаут ба анҷом расонидааст. Ӯ ҳамчунин 6 рақобатро бохтааст. 

Гузашта аз ин боз ду набардӣ ӯ беэътибор дониста шуда буд.

Охирин баромади ӯ дар майдони бокс санаи 11-ми июли соли 2005 бо муштзани ирландӣ Кевин Макбрайди буд.

Рой Ҷонси хурдӣ 50 сол дошта, собиқ қаҳрамони ҷаҳон дар панҷ категорияи вазнӣ буд, карераи варзишиашро соли 2018 ҷамъбаст карда буд.

Натиҷаи баҳсбарангез: муҳорибаи Майк Тайсон ва Рой Джонс бидуни ғолиб анҷом ёфт

Номбурда дар умум 66 маротиба дар майдони бокс ғолиб омада, 47-тоашро бо нокаут анҷом дода, ду рақобаташро низ бохтааст.

1090
Барчаспҳо:
маблағи пулӣ, муҳориба, муштзанӣ, Майк Тайсон
День 2 декабря

Ҷашнҳои рӯзи 2 декабр дар Тоҷикистон ва ҷаҳон

0
(Таҷдидшуда 19:32 01.12.2020)
Рӯзи дуюми декабр Рӯзи байналмилалии ҳифзи иттилоот, Рӯзи байналмилалии ҳайвоноти хонагӣ ва дар Яман –Рӯзи истиқлолият ҷашн гирифта мешавад

Рӯзи 2 декабр дар ҷаҳон чӣ рух дод

Соли 1731 дар натиҷаи заминҷунбӣ қисмати зиёди Пекин хароб гардида, бештар аз 100 ҳазор нафар ба ҳалокат расиданд.

Соли 1804 — Наполеон I Бонапарт худро подшоҳи Фаронса эълон кард.

Репродукция портрета Наполеона, написанного неизвестным художником в конце XIX века
© Sputnik / Александр Поляков
Репродукция портрета Наполеона, написанного неизвестным художником в конце XIX века

Соли 1872 дар шаҳри Глазгои Шотландия аввалин мусобиқаи расмии байналмилалӣ оид ба футбол баргузор гардид.

День 1 декабря
© Sputnik/ Стас Этвеш/ Мария Вишнякова

Соли 1876 соҳибкор ва ихтироъкор Павел Николаевич Яблочков барои ихтироъ кардани трансфроматор патент ба даст овард.

 

Соли 1922 Ташкилоти байналмилалии кумак ба ҷанговарони инқилобӣ таъсис дода шуд.

Соли 1966 Барбадос истиқлолият ба даст овард.

Соли 2001 дар шаҳри Москваи Федератсияи Русия саммити ҷашнии Шӯрои Сарони давлатҳои аъзои ИДМ баргузор гардид.

Рӯзи 2 декабр дар Тоҷикистон чӣ рух дод

Соли 2015 раисҷумҳури Тоҷикистон  Эмомалӣ Раҳмон дар шаҳри Парижи Фаронса дар нишасти сарони кишварҳои тарафҳои Конвенсияи тағйири иқлим, ки ба мушкили бузурги сайёра — тағйирёбии иқлим бахшида шуд, суханронӣ карданд.

День 29 ноября
© Sputnik/ Стас Этвеш/ Мария Вишнякова

Соли 2016 Эмомалӣ Раҳмон баъд аз анҷом додани боздиди корӣ дар шаҳри Будапешти Венгрия бо сафари расмӣ ба шаҳри Прагаи Ҷумҳурии Чехия рафтанд.

Соли 2012 котибони матбуотӣ ва роҳбарони маркази матбуотии вазорату идораҳои мамлакат ташкилоти ҷамъиятии худ – Шӯрои котибони матбуотии Тоҷикистонро таъсис доданд.

Соли 2017 ҳайати Ҷумҳурии Тоҷикистон дар ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амнияти Созмони Аҳдномаи амнияти дастаҷамъӣ дар шаҳри  Минск иштирок намуд.

Ҷашнҳои рӯзи 2 декабр

  • Рӯзи байналмилалии ҳифзи иттилоот
  • Рӯзи байналмилалии ҳайвоноти хонагӣ
  • Дар Яман –Рӯзи истиқлолият

Рӯзи 2 декабр дар Тоҷикистон кӣ ба дунё омадааст

Соли 1894 года – гурғулисарои тоҷик Ҳикмат Ризо.

Соли 1933 года – ҳунарманди сирк, ҳунарманди халқии Тоҷикистон Пирназар Юсуфов.

Рӯзи 2 декабр кӣ даргузашт

Соли 1940 — Николай Колтсов (соли таваллуд 1872), биолог, асосгузор ва директори Донишгоҳи биологияи озмоишӣ.

Соли 1969 — Климент Ворошилов (соли таваллуд 1881), корманди низомӣ, ходими давлатӣ, яке аз аввалин маршалҳои Иттиҳоди Шӯравӣ.

0
Барчаспҳо:
Тоҷикистон, Ҷаҳон, ҷашн