Боевые корабли НАТО совершили деловой заход в порт Балтийска

НАТО ба Баҳри сиёҳ роҳ ёфт: оё ин созмон мавқеи Русияро дар Қрим танг хоҳад кард

263
Ба хотири кӯч додани Ҷо Байден ба ба Кохи сафед НАТО ба ислоҳот даст задааст

ДУШАНБЕ, 3 дек – Sputnik, Галия Ибрагимова. Дар  ҷаласаи роҳбарони вазорати хориҷаи кишварҳои узви НАТО принсипҳои асосии созмон ва тағйри кори он таҷдид назар карданд. Аммо мушкили асосӣ бокӣ монд – рақобат бо Чин ва Русия. РИА Новости таҳлил кард, ки чигуна НАТО метавонад худро “таҳдидҳои Русия” ҳимоят кунад.

Мутобиқ кардани НАТО ба буҳрон

Йенс Столтенберг ба конфронси видеоӣ бо вазирони хориҷаи узви кишварҳои НАТО омодагии ҷидди гирифта буд. Дидор дар сатҳи вазирони хориҷа – охирин ҷаласа пеш аз ҷаласаи солонаи НАТО аст. Дар ин ҷаласа вазирони хориҷаи узви кишварҳои НАТО пешакӣ масалаҳои мубрамро баррасӣ мекунанд, то аз ҳолатҳои ғайричашмдошт дар ҷаласаи солона пешгирӣ кунанд. Қаблан ингуна нофаҳмоиҳо буданд.

Барои мисол, пеш аз ҷаласаи соланаи НАТО дар соли гузашта Эммануэл Макрон эълон кард, ки “НАТО мағзи сараш мурдааст”. Ин мавзӯи баррасӣ шуд ва тамоми барномаҳои пешбинишударо барбод дод. Кишварҳои узви НАТО ба раисҷумҳури Фаронса ва ба як дигар исбот мекарданд, ки дар дохилӣ НАТО ҳама хуб аст ва мушкилоте вуҷуд надорад.

Шаккоки асосии НАТО Доналд Трамп боқӣ монд. Дар ҷавоб ба далелҳои муҳим будани ҷилавгирӣ аз хатари Русия, Чин ва Эрон, раисҷумҳури Амрико дар аввал талаб кард, кишварҳои НАТО маблағгузориро барои мудофиа  афзоиш диҳанд. Вай бар он буд, ки мубориза бо таҳдидҳои беруна аз ҳисоби қудрати Амрико дуруст нест.

Дар саммити қарибувуқӯъ Амрикоро Ҷо Байден муаррифӣ хоҳад кард ва ба ҳамин хотир дабири кулли НАТО умед дорад созмон ба рӯзҳои хуби пеш бармегардад. Столтенберг удевор аст, ки Амрико бори дигар муҳим будани нақши шарикии низомию сиёсии худро бо кишварҳои узви НАТО таъид мекунад.

 Ба ҳамин хотир пеш аз оғози ҷаласаи солона дабири кулли НАТО ба мутахассисонаш супориш дод, то мушкилоти созмон ва роҳҳои ҳалли онро омӯзанд ва барои даҳ соли оянда барномаҳои мушаххас пешниҳод намоянд.   

Ба таҳқиқи натиҷаи кори мутахассисон ва ворид кардани тағйирот ба натиҷаҳои кори онҳо вазирони хориҷаи кишварҳои узви НАТО низ оғоз карданд. Кулли ширкаткунандагон, ҳатто намояндаи Фаронса таъкид карданд, ки “марги мағзи сар” ба НАТО таҳдид намекунад, аммо ислоҳот бояд ҷорӣ шавад.

“Муҳим дуруст истифода кардани буҷаи дифоии НАТО бар вазъияти байналмилалӣ аст. дар вазъияти буҳронӣ созмон бояд зуд ва якҷоя вокуниш нишон диҳад, ҳатто агар ин ба принсипҳои асосӣ муғоират кунад”, - гуфта шудааст дар гузориш.

Гузоришгарон тағйрот дар ҳуқуқи веторо муҳим медонанд. Ҳоло аз ҳуқуқи вето  тамоми кишварҳои узви НАТО бархурдор ҳастанд. “Агар мо бояк овозиро барҳам диҳем кор дар дохили созмон низ ба як тартиб медарояд”, гуфта шудааст дар гузориши пешниҳодшуда.

На ҳамаи вазирон ба ин идао розӣ ҳастанд, вале таъкид карданд, ки ин барои созмон навгонӣ аст.    

Ва боз ҳам “дасти Маскав”

Дар масъалаи хатарҳои беруна тамоми кишварҳои узв якдил ҳастанд: хатари бештар ба НАТО Русияву Чин таҳдид мекунанд.

“Маскав имкониятҳои ядроии худро тақвият мебахшад ва мушакҳои ҷадидашро аз Шимоли дур то Сурияву Либия мустақар кардааст. Ҳузури Русия бар асари буҳрон дар Беларус ва Қарабоғи Кӯҳӣ мутаҳкамтар шуд” – гуфт Столтенберг.

“Кремл мехоҳад мавқеъашро дар кишварҳои собиқ Шӯравӣ пурзур кунад ва ба ҳамин хотир соҳибихтиёрии онҳоро заиф мекунад. НАТО муҳим аст ба ин раванд мутобиқ шавад, то ба Русия рақобат кунад”, - гуфта шудааст дар гузориш.

Кор барои аз байн бурдани хатари Русия идома дорад. Столтенберг ҳамкории НАТО бо Украина ва Гурҷистонро мисол овард. Ҳоло ҳар ду ин кишварҳо – бо имкониятҳои васеъ шарики ин созмон ҳастанд. ба онҳо технология ва маълумоти кашшофӣ аз кишварҳои Ғарб дастрас аст. Аммо ин кишварҳо дар ин созмон комилҳуқуқ нестанд.

Барои ҷилавгирӣ аз Русия НАТО мехоҳад ҳузури худро дар Баҳри Сиёҳ зиёд намояд. Ин ҷавоб ба пурзур намудани нерӯҳои Русия дар Қрим аст. Аммо ҷухъиёт то ҳол шарҳ дода нашудааст.

Мақомдорони Рус ба ин гуфтаҳо вокуниш нишон доданд. “Фаъолияти НАТО ба хусус дар Баҳри сиёҳ руҳияи САҲА-ро зери пой мекунад. Принсипҳои ягонагии амният аз байн меравад”, - гуфт роҳбари Кумитаи Шӯрои Федератсияи Русия оид ба корҳои байналмилалӣ Константин Косачёв.

Авлавияти Баҳри сиёҳ

“Мақсади асосии НАТО – омода шудан бар ивази раисҷумҳури Амрикост. НАТО умедвор аст, ки Байден ба ҳамгироӣ, ки дар замони Трамп як каме коста шуда буд, мусоидат хоҳад кард. Шояд ӯ аз тамоми кишварҳои узви НАТО барои равона намудани ду дарсади ММД кишварҳояшон ба масоили дифоӣ талаб кунад”,  - гуфт роҳбари Шӯрои Русия оид ба корҳои байналмилалӣ Андрей Кортунов.

Таҳлилгари сиёсӣ бар онаст, ки омадани Байден шиддат миёни Русия ва НАТО-ро тағйир нахоҳад дод. Вале ба гуфтаи коршинос дар ҳоле, ки Русия ба масоили зиёд вобастагӣ дорад НАТО наметавонад аз гуфтугӯ худро канор бигирад.

Кортунов мегуяд баррасии масаъали Баҳри сиёҳ миёни кишварҳои узви НАТО, ин аз он шаҳодат медиҳад, ки мавқеъи Русия дар моварои Қафқоз мустаҳкам шудааст. “Ҷанг дар Қарабоғи Кӯҳӣ ва ҳузури сулҳбонони Русия аз мадди назари НАТО низ дур нарафтааст Ин минтақа наздик ба Баҳри сиёҳ аст, ки онро НАТО макони манфиатҳои худ медонад. Пурзуршудани Маскавро онҳо ҳамчун даъват ба рақобат медонанд. Ба ҳамин хотир онҳо аз  аввалият минтақаи Баҳри сиёҳ сухан мекунанд”.

Коршинос бар онаст, ки Русия ягона омили хавфи НАТО дар минтақаи баҳри сиёҳ нест. “Нақшаи онҳо, пурзур намудани мавқеъи худ дар Баҳри сиёҳ аст, ва ин раванд на ба Русия балки ба Туркия равона шудааст. Новобаста аз узвияти Туркия дар Созмон, НАТО дар чандин масъалаҳо бо Анкара назари дигар дорад. Раҷаб Тайип Эрдуғон бо Юнон, Фаронса, Олмон ва Амрико назари мухталиф дорад. Аммо НАТО мехоҳад Туркияро ба созман баргардонад. Мақсади дигар ин коҳиш додани ҳамкории Туркияву Русия аст”.

Ба гуфтаи коршинос мавзӯи ҳамкорӣ дар Баҳри сиёҳро низ Украина ба миён мегузорад. Мавзуи асосӣ ин ҳузури Русия дар Қрим хоҳад буд. “Сохтмони иншоотҳои нави низомӣ дар Қримро Украина ҳамчун далел барои таҳдиди НАТО пешниҳод хоҳад кард. Украина мехоҳад исбот кунад, ки мустақар намудани мушакҳои Русия дар Қрим ба НАТО хатар ворид мекунад, ки онро бояд ҳал кард”,  -илова кард коршинос Кортунов. 

Бадруд ба афсонаҳо

Коршиноси гурҷӣ Торнике Шарашенидзе таъкид кард, ки аҳамияти ҳуззури  НАТО дар Баҳри сиёҳро низ Тифлис дастгири хоҳад кард. Вай инро ба ҳузури низомиёни рус дар Осетияи ҷанубӣ рабт медиҳад.

Гурҷистон дарк кардааст, ки дар миёнамуҳлат ба узвияти НАТО қабул нахоҳад шуд. Аммо мехоҳад ҳамкориашро бо созмон тақвият бахшад”, - таъкид кард коршиноси гурҷӣ.

Вай бар онаст, ки ҷанг дар минтақаи Қарабоғи Кӯҳӣ мавқеъи Русияро дар Қафқоз  боз ҳам қавитар кард. “Арманистон шарик дорад – Русия. Озарбойҷон низ шарик дорад Туркия. Миёни ин кишварҳои алянси низомӣ барпо шудааст. Гурҷистон ингуна шарикро надорад ва танҳо ба умеди НАТО аст”, - илова кард коршинос.

Новобаста аз ин мушкилот НАТО дар аввал мехоҳад муносибаташро бо Байден хуб кунад ва  ҷаласаи солона дар моҳҳои аввали соли оянда озмоиши аввал барои ин Созмон аст.

263
Барчаспҳо:
Амрико, ислоҳот, НАТО, Русия
Американский актер Питер Марк Ричман с супругой Хелен. Архивное фото

Даргузашти ҳунарманде, ки дар филми "Санта Барбара" нақши Сисиро бозид

150
(Таҷдидшуда 18:18 15.01.2021)
Ричман яке аз ҳунармандоне буд, ки дар филми машҳури бисёрсериягии "Санта Барбара" нақши Сисиро бозида буд

ДУШАНБЕ, 15 янв — Sputnik. Ҳунарманди амрикоӣ Питер Марк Ричман, ки бо нақши Сиси Кэмпвелла дар сериоли "Санта Барбара" машҳур аст, вафот кард.

Дар ин бораи даргузашти ҳунарманд, The Hollywood Reporter хабар медиҳад.

Даргузашти ҳунарманди машҳур Шон Коннери

Ҳунарманд 93 сол дошт. Ӯ дар манзилаш дар Лос-Анҷелес дунёро падруд гуфт.

Ричман яке аз ҳунармандоне буд, ки дар филми машҳури бисёрсериягии "Санта Барбара" нақши Сисиро бозид.

Соли мотам: бузургони рафта дар соли 2020

"Санта Барбара" - яке аз машҳуртарин сериолҳои истеҳсоли Амрико мебошад, ки аз соли 1984 то соли 1993 тариқи шабакаи NBC намоиш дода мешуд.

Ҳамагӣ 2137 серияи ин филм рӯи экран баромадааст.

150
Барчаспҳо:
даргузашт, ИМА
Cудно работает на шельфе Балтийского моря на газопроводе Nord Stream 2, архивное фото

ИМА боз "Маҷрои Шимолӣ - 2" - ро "сахт" гирифт

143
Расонаҳо менависанд, ки ширкати даниягии Ramboll, ки дар сохтмони "Маҷрои Шимолӣ - 2" ширкат мекунад, аз таҳримҳои Вашингтон дар ҳарос шудааст.

ДУШАНБЕ, 15 янв — Sputnik, Наталя Дембинская. Дар воқеъ, аз 1 январ Иёлоти Муттаҳида чораҳоро зидди он давлатҳое, ки бо лоиҳа алоқаманданд, пурзӯр кардааст.

Аммо, сохтмон идома дорад. Дар Урупо ҳавасҳо дубора ба ин ҷӯш мезананд: дар ҳоле, ки олмониҳо барои ҳимоят аз таҳримот як сандуқ омода мекунанд, бритониёиён мехоҳанд аз амрикоиҳо пайравӣ кунанд ва шведҳо аз сар задани "ҷанги газӣ" метарсанд. Дар ниҳоят бо лоиҳа чӣ мешуда бошад?

Қисми заминии "Маҷрои Шимолӣ - 2" бомуваффақият анҷом ёфт. Ҳоло қубурҳо дар обҳои Олмон, сипас дар Дания гузошта мешаванд. Лоиҳа ба ниҳоят расида истодааст. Аммо Вашингтон инро эътироф карданӣ нест. Қонуни нав дар бораи дифои буҷа, ки аз 1 январ амал мекунад, таҳримҳои иловагӣ алайҳи лӯлаи гази Русияро дар бар мегирад.

Аз ҷумла, сухан дар бораи ташкилотҳое меравад, ки хидматҳои санҷишӣ ё сертификатсияро пешниҳод мекунанд. Ширкати норвегии DNV GL аллакай эълом дошт, ки тамоми фаъолиятҳои санҷиши лӯлаи газро қатъ мекунад ва наметавонад онро тасдиқ кунад.

Чуноне раҳбари ҷумҳурихоҳон Митч Макконелл қаблан гуфт, қонуни дифоъи буҷа барои амнияти миллӣ муҳим аст ва "ҷилавгирӣ аз абарқудратҳои рақиб мисли Чин ва Русия" қабул шудааст. Ин санад бартарии ИМА-ро "дар баҳр, хушкӣ, ҳаво, фазои киберӣ ва кайҳон" мустаҳкам мекунад.

"Газпром" бояд тақрибан 150 километри дигар лӯла кашад: 120 дар Дания ва дар Олмон каме бештар аз 30 қубур. Лӯлаи газ 94% омода шудааст.

Сарфи назар аз кӯшишҳои Вашингтон барои пешгирӣ аз анҷоми лоиҳа, ки аз ҷониби панҷ ширкати бузурги энергетикии Урупо маблағгузорӣ мешавад, кор дар обҳои ҳудуди Олмон пас аз танаффуси яксола рӯзи 11 январ аз сар гирифта шуд. Аз 15 январ дар соҳили Дания низ қубурҳо гузошта мешаванд.

Ба қубургузори "Фортуна" аз ҷониби Мурман ва Пажӯҳишгари Балтикаи Хадамоти наҷоти баҳрии Русия ва инчунин дигар киштиҳои ёрирасон кумак расонида мешавад. Дар баҳр дар ду тарафи хатти қубуркашӣ минтақаи холигии муваққатӣ, ки паҳноияш 200 метр аст, сохта мешавад.

Тавре директори кулли "Газпром" Елена Бурмистрова қаблан гуфта буд, мӯҳлати ба анҷом расонидани сохтмон аз як қатор ҳолатҳо, алахусус обу ҳаво вобаста аст.

Механизми дифоъ

Дар ҳамин ҳол, дар ИМА боз ба ширкатҳои урупоӣ, ба гуфтаи Вашингтон дар сохтмони "Маҷрои Шиомлӣ - 2" ба Русия кумак мекунанд, таҳдид менамоянд.

"Мо мекӯшем, онҳоро дар бораи хатар огоҳ кунем ва онҳоро даъват кунем, ки пеш аз дер шудан аз ҳамкорӣ даст кашанд",- гуфт як манбаъ дар Департаменти давлатӣ аз қавли Reuters. Ба гуфти хабаргузорӣ дар рӯзҳои наздик, Кохи Сафед рӯйхати созмонҳои носазоро нашр хоҳад кард.

Вазорати корҳои хориҷии Русия таъкид мекунад, ки Маскав сарфи назар аз фишорҳои Вашингтон ба шарикони ғарбии Русия, ба муваффақияти "Маҷрои Шимолӣ - 2" шубҳа надорад.

Дар Олмон "Маҷрои Шимолӣ -2" -ро лоиҳаи иқтисодӣ мешуморанд ва таҳримҳои ИМА-ро қабул намекунанд. Дар ин бора бори дигар муовини намояндаи расмии Девони Вазирони Олмон Улрике Деммер ёдоварӣ кард. Гузашта аз ин, дар аввали моҳи январ парлумони иёлати федеролии Мекленбург-Верпоммерн бо аксарияти овозҳо ташаббуси ҳукумати минтақаро дар бораи ташкили фонди экологии "Иқлим ва ҳифзи муҳити зист" дастгирӣ кард.

Ин фондро барои канорагирӣ аз таҳримҳои ИМА ташкил кардаанд. Ташкилот метавонад таҷҳизоти барои сохтмон заруриро харидорӣ кунад. Ва пеш аз ҳама, лӯлаи газро барои муҳити атроф безарар эътироф мекунад. Бино ба гузориши хабаргузории Bild, ин имкон медиҳад, ки "Маҷрои Шимолӣ -2" ҳамчун "унсури асосии ҳифзи муҳити зист" қабул карда шавад.

Иқтисоддон гуфт, дар робита ба "Маҷрои шимолӣ 2" аз Байден бояд чиро интизор шуд

Ин бунёд ният дорад як корхонаеро сабти ном кунад, ки танҳо бо "Маҷрои Шимолӣ -2" сарукор дорад. Ширкатҳое, ки ба онҳо таҳримҳо таҳдид мекунанд, бо ҷониби Русия тавассути василаҳои иқтисодии пешниҳодкардаи ин корхона ҳамкорӣ хоҳанд кард.

Вақтро аз даст медиҳад

Оё олмониҳо вақт доранд, ки худро аз таҳримҳо муҳофизат кунанд? Нозирон тақсим шуданд. Аз як сӯ, ин фонд сармоягузорӣ ва салоҳиятҳоро ба даст овард, ки талошҳои Вашингтонро беэътибор мекунад, мегӯяд директори ТМТ Даниил Ростовцев.

"Бо вуҷуди ин, ташаббус бо ин фонд боиси норозигии ҷомеа, бахусус "сабзҳо" шудааст. Муҳити зист дар ин тарҳ саҳм гузоштанро ба як лоиҳае, ки ба ақидаи онҳо, "тамоман" сабз нест, балки барои муҳити зист хатарнок аст, ғайримуқаррарӣ мешуморад", - мегӯяд таҳлилгар. Ҳоло ҳама чиз аз он вобаста аст, ки оё ҷонибдорони МШ-2 метавонанд бо мардум ба мувофиқа расанд.

Ҳамзамон, коршиноси мустақили саноатӣ Леонид Хазанов итминон медиҳад, ки Берлин ба ҳеҷ ваҷҳ ба Вашингтон гузашт намекунад: Олмон ба сӯзишвории кабуди Русия ниёз дорад, ки аз сӯзишвории Амрико арзонтар аст. Ва боз ҳам бештар ҳифзи муносибатҳои иқтисодӣ бо Русия зарур аст: ин бозор барои ширкатҳои олмонӣ стратегӣ аст.

"Албатта, ин бунёд таҳти таҳримот қарор хоҳад гирифт, аммо онҳо асаре нахоҳанд дошт. Ва бар хилофи пудратчиёни онҳо бояд лоиҳаи қонуни наверо омода кунанд, онро тавассути Конгресс қабул намоянд ва имзои президентро интизор шаванд. Ин метавонад то шаш моҳ тӯл кашад, ки дар ин муддат Маҷрои Шимолӣ - 2" ба анҷом хоҳад расид" , - мегӯяд коршинос.

Бо вуҷуди ин, ӯ мушкилотро дар марҳилаи ба истифодадиҳӣ истисно намекунад - танҳо ба сабаби таҳримоте, ки ба дифоъи буҷаи ИМА ворид карда мешаванд.

Тарс ва нафрат

Бритониёиҳо мехоҳанд ба амрикоиҳо пайравӣ кунанд. Ба гуфтаи вакили бритониёӣ Даниэл Кочинский, лӯлаи гази Русия "бениҳоят хатарнок" аст, зеро он на тавассути шабакаҳои газ ва нафт, ки дар қаламрави кишварҳои НАТО ҷойгиранд балки "мустақиман ба Русия" мегузарад. Ба гуфти ӯ, Бритониёро акнун узвият дар Иттиҳоди Урупо маҳдуд намекунад ва аз ин рӯ "мо бояд дӯстони амрикоиро пайравӣ кунем ва алайҳи ҳар як ширкате, ки дар сохтмони МШ -2 даст дорад, таҳримот ҷорӣ кунем.

Дар ҳамин ҳол, дар Шветсия метарсанд, ки раёсати Ҷо Байден "ҷанги газӣ" -ро дар наздикии ин кишвар бар сари лӯла оғоз мекунад. Тавре ки Свенска Дагбладет қайд кард, демократии амрикоӣ нисбат ба Доналд Трамп "рақиби ҳатто сахттари ӯ" аст. Ва барои Скандинавия ин масъала аллакай ҳалли худро ёфтааст: ҳукумат гузоштани қубурҳоро тавассути минтақаи иқтисодии Шветсия тасдиқ кард.

Сиёсати энержии Байден, ба истилоҳ, роҳи сабз, ҷанбаи манфии раёсати ӯ дониста мешавад. Демократҳо нақша доранд, ки то соли 2035 барои гузаштан ба энергияи тоза ду триллион доллар сарф кунанд. Ва то соли 2050 - партовҳоро ба сифр баробар намоянд. Аммо, ин ҳам ба нафъи  Русия бозӣ мекунад: "Маҷрои Шимолӣ - 2" метавонад на танҳо гази табиӣ, балки гидрогенро низ интиқол диҳад. Дар Урупо талабот ба сӯзишвории гидрогенӣ эҳтимолан хеле зиёд аст.

Насби қубурҳои "Маҷрои шимолӣ - 2" наздик омадаст

Худи ИМА ба имконпазирии ҳамаи он чизе, ки Кохи Сафед ба "Маҷрои Шимолӣ - 2" ваъда додааст, шубҳа дорад. Тавре ки сенатори собиқ аз Вирҷиния Ричард Блэк итминон медиҳад, Байден хостори он аст, ки бо Маскав оромона гуфтушунид кунад. Ва дар навбати худ, вай кӯшиш хоҳад кард, ки барои Вашингтон баъзе фоидаҳо ба даст орад.

143
Барчаспҳо:
таҳримот, шикоят, Русия, ИМА

Эмгузаронии оммавӣ алайҳи COVID-19 дар Русия оғоз мешавад-навор

0
Дар Русия аз ҳафтаи оянда, эмгузаронии оммавӣ алайҳи коронависрус оғоз мешавад. Президенти Русия, Владимир Путин дар ин бора ҳукумати кишварашро муваззаф кардааст

Раисиҷумҳури Русия зимни дастури эмгузаронии оммавии аҳолӣ таъкид карда буд, ки ваксинаи русӣ алайҳи коронавирус шароити хоси интиқолро талаб намекунад ва зарур хонд, ки инфрасохтори зарурӣ ҳарчӣ зудтар фароҳам шавад.

Ваксинаи “Sputnik V” аллакай дар бисёр кишварҳои ҳамсоя истифода мешавад. Аз ҷумла дар як пойгоҳи низомии Русия дар Арманистон, ҳайати шахсӣ бо ин ваксина эмгузаронӣ шуданд.

Таъкид мешавад, ки дар ваксинагузаронӣ ҳама чиз ихтиёрӣ, бо розигии хаттии ҳайати низомӣ ва ҳам дигар гуруҳи шаҳрвандон сурат мегирад.

Дар Беларус "Sputnik V"-ро аввалин шуда, табибон гирифтанд.  Баъдтар, дар саросари ҷумҳурӣ беш аз 5,5 миллион нафар эм карда мешаванд.

Дар Қазоқистон ваксинагузаронӣ ҳанӯз оғоз нашудааст, аммо дар Караганда истеҳсоли доруи Русия аллакай дар авҷ аст. 

Дар Украина низ ба "Sputnik V" таваҷҷуҳ доранд. Онҳо аллакай ба ҷамъоварии имзоҳо барои сабти ном ва истеҳсоли ваксинаи Русия шурӯъ кардаанд.

Bloomberg самаранокии ваксинаи русии "Спутник V" -ро тасдиқ кард

Барои онҳое, ки имкони эмгузаронӣ ҳанӯз ба даст наомадааст, хабари хуш низ ҳаст: Озмоишҳои иловагии пӯсти тӯс барои пешгирии коронавирус ба анҷом расиданд. Даво аз ҷониби олимони ёқутистонӣ сохта шудааст. Тадқиқотҳо нишон доданд, ки он хавфи бемориҳоро кам мекунад ва инчунин раванди барқарорсозиро осон месозад.

0
Барчаспҳо:
вируси корона, беморӣ, навор, Русия, Русия