Открытие ресторана в Германии

Олмон боз қарантинро шадид мекунад: аксар мағозаҳо баста мешаванд

127
(Таҷдидшуда 17:50 13.12.2020)
Дар Олмон сар аз 16 - уми декабр қарантин шадидтар мешавад. Маҳдудиятҳо то 10 - уми январ идома хоҳанд ёфт

ДУШАНБЕ, 13 дек — Sputnik. Ангела Меркел, канслери Олмон  изҳор доштааст, ки дар робита ба бад шудани вазъи коронавирус дар кишвар қарантинаи шадид ҷорӣ мешавад.

Маҳдудиятҳои ҷорибуда, аз 16 уми ин моҳ шадидтар шуда, то 19 уми январ идома меёбад.

"Дар робита ба маҳдуд кардани тамосҳо, на бештар аз 5 нафар намояндагони ду хонавода иҷозат доранд, ки мулоқот кунанд", - гуфт Меркел ва илова кард, ки каме сабукӣ дар Мавлуди Масеҳ, 24-26 декабр ба нақша гирифта шудааст, аммо сабукӣ дар соли нав пешбинӣ нашудааст.

Сартарошхонаҳо ва мағозаҳои чакана ба истиснои муассисаҳои фурӯши хӯрокворӣ ва молҳои ҳаррӯза аз 16 декабр баста мешаванд. Фурӯши пиротехникӣ дар рӯзҳои Соли нав манъ аст. Ба корфармоён тавсия дода мешавад, ки кормандони худро ба режими дуркорӣ фиристанд.

Тибқи маълумоти Пажӯҳишгоҳи Роберт Кох, табибон дар Олмон давоми 24 соати охир 20 200 ҳолати сироятро сабт кардаанд.

Дар саросари ҷаҳон дар як шабонарӯз беш 233 ҳазор нафар гирифтори коронавирус шуданд

Ҳамин тариқ, шумораи умумии бемориҳои сироятӣ дар кишвар ба 1.320.716 расида, шумораи қурбониён 21787 нафар буда, беш аз 967 ҳазор нафар шифо ёфтанд.

Рӯзи 11 март Созмони Ҷаҳонии Тандурустӣ хуруҷи сирояти нави коронавируси COVID-19-ро пандемия эълон кард.

127
Барчаспҳо:
баста, мағозаҳо, Олмон
Мавзуҳо:
Пайомадҳои COVID-19 дар Тоҷикистон ва ҷаҳон (917)
Водохранилище Таджикское море

Паҳнкунандагони хабари дурӯғ дар бораи рахнашавии обанбори Қайроққум боздошт шуданд

80
Дар ин бора аз эфири телевизиони минтақавии Sirdaryo MTRK маълум шуд. Дар ҳоли ҳозир, аз рӯи ин далел тафтишоти пешакӣ идома дорад.

ДУШАНБЕ, 16 янв – Sputnik. Мақомоти ҳифзи ҳуқуқи Ӯзбекистон шаҳрвандонеро боздошт карданд, ки дар бораи рахнашавии сарбанди обанбори Қайроққум маълумоти бардурӯғ паҳн кардаанд.

Дар ин бора шабакаи телевизиони минтақавии Sirdaryo MTRK маълумот додааст.

Дар ҷараёни тафтиш маълум шудааст, ки як сокини минтақаи Сардоба ба маълумоти беасоси шиносҳояш бовар карда, ба ҳамсараш амр додааст, ки фавран ба кӯча барояд.

Ин овозаҳо дар маҳаллаи "Дӯстлик" -и минтақаи Сардоба ваҳмро ба вуҷуд овард.Ғайр аз ин, як блогер аз минтақаи Акалтин дар Ютюб видеоеро нашр карда, мардумро ба тарки хонаҳо даъват кардву аз обхезӣ дар Тоҷикистон ҳушдор додааст.

Ғайр аз он, як сокини ноҳияи Мирзоободи ин хабарро аз шаҳрвандони ду ноҳияи дигар шунида, ба бедор кардани ҳамсояҳо шурӯъ кардаву  гуфтааст, ки ҳарчи зудтар аз хонаҳо бароянд.

Дар ҳоли ҳозир, аз рӯи ин далел тафтишоти пешакӣ идома дорад.

Истеҳсоли барқ дар неругоҳи "Қайроққум"-ро то 38% зиёд мекунанд: барқрасонӣ хубтар мешавад

Ёдовар мешавем шаби 14 ба 15-уми январ овозаи рахнашавии сарбанди обанбори “Қайроққум”-и Тоҷикистон аъолиии чанд минтақаи Ӯзбекистонро дар таҳлука андохт.

"Қайроққум" то соли 2023 таҷдид мешавад

 Дар пайи ин ҳолат,  Вазорати ҳолатҳои фавқулодаи Ӯзбекистон хабарҳо дар бораи рахнашавии обанбори Қайроққумро рад кард ва мардумро ба оромӣ даъват карда гуфт, иншоот солим ва муътадил кор мекунанд.

80
Американские военные в Афганистане

Амрико аз коҳиши шумори низомиёнаш дар Ироқу Афғонистон эълон кард

50
(Таҷдидшуда 15:36 16.01.2021)
Вазорати дифои Амрико дар баёнияе аз коҳиши шумори низомиёни ин кишвар дар Ироқу Афғонистон ба ду ҳазору 500 нафар хабар дод

ДУШАНБЕ, 16 январ - Sputnik. Бар асоси эъломи Пентагон, теъдоди низомиёни амрикоӣ дар Ироқ аз се ҳазору 200 нафар ба ду ҳазору 500 нафар коҳиш ёфтааст, иттилоъ додааст хабаргузории Форс.

Аз сӯи дигар тибқи иттилои манбаъ, артиши Амрико рӯзи ҷумъа эълом кард, шумори низомиёни ин кишвар дар Афғонистон низ ба ду ҳазору 500 нафар коҳиш ёфтааст.

Christopher Miller, сарпарасти Вазорати дифои Амрико пештар аз тасмими Кохи Сафед барои коҳиши шумори низомиёни амрикоӣ дар Ироқу Афғонистон хабар дода буд.

Бисёре аз мардум ва гурӯҳҳои ироқӣ ва афғонистонӣ хоҳони хурӯҷи нерӯҳои террористи амрикоӣ аз кишварҳояшон ҳастанд ва порлумони Ироқ низ тарҳе дар бораи хурӯҷи ин нерӯҳо тасвиб кардааст.

Ироқиҳо ва афғонҳо муътақиданд, ҳузури нерӯҳои амрикоӣ дар кишварҳояшон ҷуз афзоиши ноамнӣ ва терроризму густариши тавлиди маводи мухаддир дар Афғонистон натиҷае надоштааст.

50
Барчаспҳо:
коҳиш, нерӯҳо, Афғонистон, Амрико
Хуроки шом дар хонаводаи тоҷик. Акс аз бойгонӣ

Қадами "лимит" ба Мурғоб низ, ки 30 дараҷа сард аст, расидааст

0
(Таҷдидшуда 17:26 16.01.2021)
Расонаҳо иттилоъ медиҳанд, ки дар ноҳияи Мурғоб, ки минтақаи сардтарини Тоҷикистон аст, интиқоли барқ маҳдуд шудааст

ДУШАНБЕ, 16 янв – Sputnik. Сармо кӯҳистоннишинони Тоҷикистонро бо камбуди барқ рӯбарӯ кард, гузориш медиҳад "Парс тудэй дар истинод ба "Топ тиҷи".

Манбаъ менависад, сармои шадиди зери 30 дараҷа сокинони ноҳияи Мурғоб баландтарин минтақаи вилояти Бадахшони Тоҷикистонро бо камбуди барқ рӯбарӯ кардааст.

"Бо вуҷуди ин ки дар ду соли ахир аз нерӯгоҳи барқи обии ҳазору 500 мегаватӣ, нерӯгоҳи офтобии 220 киловаттӣ дар ноҳияи Мурғоб баҳрабардорӣ шуда, аммо акнун ба хонаҳои сокинони ин ноҳияи кӯҳистонӣ, ки дар иртифоъи 3 ҳазору 600 метрӣ аз сатҳи дарё воқеъ шудааст, 12 соат дар шабонарӯз барқ мунтақил мешавад", - менависад хабаргузорӣ.

Дар ҳамин ҳол, Шоҳфозил Шоҳнизиров, корманди ширкати барқи вилояти Бадахшон гуфтааст, ки кам будани об дар нерӯгоҳи барқи обии Мурғоб мӯҷиби таваққуфи фаъолияти яке аз ду турбини ин нерӯгоҳ шудааст. Бо ҳамин далел масъулон маҷбуранд даст ба маҳдудияти барқ бизананд.

Вай афзуд, ин ширкат қасд дорад, ки дар 61 рӯстои ноҳияи Мурғоби вилояти Бадахшон нерӯгоҳҳои офтобӣ бисозад то аз манобеи оби камтаре истифода шавад ва нерӯгоҳҳои барқи обӣ низ таъмин шавад.

Ин дар ҳоле аст, ки қимат ҳар киловатт/соат барқ дар вилояти Бадахшон 27 дирам аст, ки дар муқоиса бо соири манотиқи Тоҷикистон гаронтар аст.

Мақомоти Ширкати давлатии “Барқи Тоҷик” аз рӯзи 6 январи имсол ба далели камбуди об дар сади нерӯгоҳи барқи обии Норак интиқоли барқро маҳдуд кардаанд.

Лимити барқ нархи ангишт ва ҳезуму таппакро боло бурд

Дар чорчӯби ин маҳдудияти сокинони манотиқи рустоии Тоҷикистон танҳо аз соати 6 субҳ то 23 шаб барқ доранд.

Аҳолии ноҳияи Мурғоб, тибқи омори соли 2010,  6 ҳазору 300 нафар гуфта мешавад.

0