Масочный режим

Пешгӯии Созмони Ҷаҳонии Беҳдошт: ҳамагирии COVID - 19 охирин нест

550
(Таҷдидшуда 18:36 27.12.2020)
Ба гуфти раҳбари СҶБ давоми 12 моҳи охир ҷаҳон "чаппагардон" шуд, ҳамагирӣ на танҳо ба саломатӣ, балки барои ҷомеа ва иқтисодиёт пайомадҳои зиёде ба бор хоҳад овард

ДУШАНБЕ, 27 дек — Sputnik. Директори кулли Созмони Ҷаҳонии Беҳдошт Тедрос Адханом Гебрейесус ҳушдор дод, ки ҳамагирии кунунӣ охирон нахоҳад буд.

"Таърих мегӯяд, ки ин ҳамагирии охирон нест ва пандемия далели зиндагӣ аст", - гуфт Гебрейесус зимни як паёми видеоӣ дар робита ба Рӯзи байналмилалии омодагӣ ба эпидемия, ки 27 декабр таҷлил карда мешавад.

Ба гуфти раҳбари СҶБ давоми 12 моҳи охир ҷаҳон "чаппагардон" шуд, ҳамагирӣ на танҳо ба саломатӣ, балки барои ҷомеа ва иқтисодиёт пайомадҳои зиёде ба бор меорад.

Ӯ аз ҳама даъват кард, ки аз вазъи мавҷуда ибрат гиранд.

Ва якум ин аст, ки ҳамаи кишварҳо бояд "ба иқтидори омодагӣ сармоягузорӣ кунанд", ки оқибатҳои ҳолатҳои фавқулоддаро пешгирӣ, ошкор ва сабук кунанд.

Ҳамзамон, Гебрейесус аҳамияти кӯмаки аввалияи тиббиро қайд кард. Вай инчунин гуфт, ки омодагӣ ба ҳолати фавқулода равиши тамоми ҳукуматро дар бар мегирад, ки тамоми ҷомеаро дар бар мегирад.

Ҳушдори СҶБ аз авҷи COVID - 19 дар Урупо

Роҳбари СҶБ қайд кард, ки "пандемия муносибати наздики саломатии одамон, ҳайвонот ва сайёраро нишон дод" ва талошҳо барои беҳбуди саломатии инсон бояд муносибати муштараки одамон ва ҳайвонот, инчунин таҳдидҳои мавҷудаи тағирёбии иқлимро ба назар гиранд.

Созмони Ҷаҳонии Беҳдошт сирояти нави коронавируси COVID-19-ро 11 марти соли 2020 пандемия эълон кард. Тибқи маълумоти охирини СҶБ, дар ҷаҳон аллакай 78 миллион ҳолат сироят шуда, беш аз  1,7 миллион нафар қурбони ин вабои аср шудаанд.

550
Барчаспҳо:
вируси нав, вируси корона, Ҷаҳон, СҶБ

Мелания дар фикри ҷудошавӣ аз Доналд Трамп аст

148
(Таҷдидшуда 15:32 28.01.2021)
Нашрияи англисӣ навиштааст, ки Мелания Трамп дар фикри ҷудошавӣ аз раисҷумҳури собиқи Амрико Доналд Трамп мебошад

ДУШАНБЕ, 28 янв – Sputnik. Нашрияи англисии Mirror, менависад, ки ҳамсари Доналд Трамп дар садади ҷудошавӣ аз собиқ кишвардори Амрико қарор дорад.

Ин нашрия аз қавли вакилони маъруфи Ню-Йорк хабар медиҳад, ки  Мелания метавонад байни 20 то 50 миллион доллар пул ва ҳамчунин сарпарастии писари 14 солааш Баронро аз Доналд Трамп бигирад.

Мелания Трамп пеш аз тарки Қасри Сафед анъанаи 70-соларо вайрон кард

Манобеи огоҳ ба ин рӯзнома гуфтаанд, ки Мелания дар рӯзҳои поёнии раёсати ҷумҳурии ҳамсараш барои тарки Кохи Сафед лаҳзашуморӣ мекард.

Манбаъ меафзояд, издивоҷи Трамп ва Мелания ҳамчун робитае тиҷорӣ буда ва иртиботи сарди ин ду дар тӯли чаҳор соли раёсати ҷумҳурии Трамп борҳо мавриди тавваҷӯҳи расонаҳо қарор гирифта буд.

Сиёсати зебо: чаро пӯшоку рафтори Мелания Трамп расонаҳоро шефта кард?

Трамп ҳоло ба курорти Флоридаи Ҷанубии худ баргаштааст ва ба назар чунин мерасад, ки Мелания музокиротро барои ҷудо шудан аз шавҳараш, ки вай қабл аз раёсати ҷумҳурии Трамп оғоз карда буд, аз сар мегирад.

148
Барчаспҳо:
ҷудошавӣ, ҳамсар, Доналд Трамп
Табличка на столе представителей движения Талибан, архивное фото

Ҳадаф поёни ҷанг дар Афғонистон: музокироти Эрон бо намояндагони Толибон дар Теҳрон

47
(Таҷдидшуда 15:02 28.01.2021)
Дабири Шӯрои олии амнияти миллии Эрон дар дидор бо ҳайати сиёсии "Толибон" дар Теҳрон таъкид кард, ки роҳбурди Амрико дар Афғонистон идомаи ҷангу хунрезӣ аст

ДУШАНБЕ, 22 фев — Sputnik. Ба гузориши дабирхонаи Шӯрои олии амнияти миллии Эрон, Алии Шамхонӣ дар ин дидоре, ки рӯзи чаҳоршанбе баргузор шудааст, бо ишора ба собиқаи шарорату ҷангафрӯзии Амрико дар минтақа гуфт, ки ИМА намоиши музокироти сулҳро бо ҳадафи эҷоди бунбаст дар музокироти миёни тарафҳои мухталифи афғонистонӣ дунбол мекунад то онҳоро муқассири ноамнӣ ва бесаботӣ нишон диҳад, иттилоъ додааст хабаргузории “Парстудей”.

Дабири Шӯрои олии амнияти миллии Эрон бо баёни ин ки Ҷумҳурии исломии Эрон ҳечгоҳ ҷараёнеро, ки бихоҳад бо ҷанг дар Афғонистон ба ҳокимият бирасад, ба расмият нахоҳад шинохт, бар зарурати мушорикати ҳамаи ақвом дар таъйини сарнавишти Афғонистон дар раванде комилан мусолиматомез таъкид кард.

Шамхонӣ амнияти Афғонистон, ба вижа дар устонҳои ҳаммарз бо Эронро амре ғайриқобили чашмпӯшӣ барои Эрон донист ва бар ҳамкории Толибон бо давлати Афғонистон барои мубориза бо ҳар гуна ноамнӣ ва муқобила бо таҳаррукоти ДИИШ таъкид кард.

Ёдрас мешавем, ки ахиран вазорати умури хориҷаи Афғонистон дар баёнияе эълом кард: "давлати Эрон дар мавриди сафари ҳайати Толибон ба Эрон давлати Афғонистонро огоҳ намуда ва дар ин маврид назариёти давлати Афғонистонро қаблан мутолиба ва дарёфт кардааст".

Бар асоси ин эълом, ҳадаф аз танзими сафари ҳайати Толибон ба Эрон ин аст то Эрон, афзун бар шарҳи дидгоҳҳои худ, "Толибон" - ро дар мавриди иҷмоъи минтақаӣ дар бораи таъмини оташбаси фаврӣ, дастёбӣ ба як тавофуқи ҷомеъи сулҳ дар чорчӯби низоми ҷумҳурӣ ва ҳифзи арзишҳои қонӯни асосии Афғонистон, огоҳ созад.

Вазорати хориҷаи Афғонистон ҳамчунин таъкид кард, Эрон мехоҳад итминон ҳосил кунад, ки Афғонистон пасомунозиа бори дигар ба пойгоҳи амни гурӯҳҳои террористӣ табдил нахоҳад шуд ва ҳамчун маркази иттифоқ ва ҳамкориҳои минтақаӣ ва байналмилалӣ боқӣ хоҳад монд.

47
Барчаспҳо:
сулҳ, Теҳрон, музокирот, Толибон, Эрон, Афғонистон
Министр МВД Таджикистана Рахимзода Рамазон Хамро

Сипоси Кабиров ба Раҳимзода: агар шумо намебудед, бозор пурра месӯхт

0
(Таҷдидшуда 16:34 28.01.2021)
Раҳимзода Рамазон бевосита худ дар ҷараёни хомӯш кардани алангаи оташ дар бозори "Султони Кабир" иштирок кардааст. Муассиси ин бозор ба вазири тоҷик изҳори миннатдорӣ намуд

ДУШАНБЕ, 28 янв – Sputnik. Авазхон Кабиров муассиси бозори "Султони Кабир" ба вазири корҳои дохилӣ, генерал - полковники милиса Раҳимзода Рамазон Ҳармо изҳори сипосу миннатдорӣ намудааст, хабар медиҳад нашрияи СССР.

Манбаъ аз қавли Кабиров менависад, ки баробари аланга гирифтани оташ, раёсати ВКД ва ҳатто худи вазир ба макони ҳодиса ташриф оварда, кори оташнишононро назорат ва сафарбар мекард.

Муассиси бозори мазкур саҳми оташнишонону кормандони раёсати ВУД - ро махсусан қайд карда, изҳор доштааст, ки "агар ҷонфидоии кормандон, ба вежа раҳбарияти ВУД намебуд, хатари пурра ба коми сӯхтор фурӯ рафтани бахши аъзами бозори "Султони Кабир" вуҷуд дошт".

Ёдовар мешавем, рӯзи 25 январ дар бозори "Султони Кабир" сӯхтор сар зад. Омили асосии сӯхтор ба расиши кӯтоҳи ноқилҳо рабт дода шуд.

Боздошти як гурӯҳ дуздони кисабур дар бозори “Султони Кабир”

Зарари расонидашуда аз сӯхтор тахминан 800 ҳазор сомониро ташкил медиҳад.

Бори дувум аст, ки давоми се соли ахир дар бозори "Султони Кабир" оташсӯзӣ сар мезанад. Дар оташсӯзии моҳи июни соли 2018 бистуяк мағозаву дӯкони ин бозор ба коми оташ рафта буд.

"Султони Кабир" яке аз бозорҳои аслии фурӯши маҳсулоти сохтмон ва қисмҳои эҳтиётӣ мебошад, ки соли 2000 бунёд шуда, дар он 1700 соҳибкор фаъолият мекунанд мекунанд.

0
Барчаспҳо:
сипосгузорӣ, сӯхтор, Султони Кабир, бозор, Рамазон Раҳимзода