Барак Обама выступает на саммите по борьбе с экстремизмом в Вашингтоне

Обама гуфт эътирозҳои ахир дар Капитолия "беобрӯии бузург" барои Амрико аст

492
(Таҷдидшуда 13:23 14.01.2021)
Собиқ кишвардори Амрико, Барак Обама дар нооромиҳои ахири ин кишвар президенти феълӣ, Доналд Трампро муттаҳам намуд

ДУШАНБЕ, 7 январ - Sputnik. Барак Обама, собиқ раисҷумҳури Амрико, нооромиҳои ахири ин кишварро шарҳ дод. Ӯ дар сар задани эътирозҳо ва забти Капитолия, президенти феълӣ Доналд Трампро муттаҳам мекунад.

Обама дар сафҳаи Твиттери худ навиштааст, ки руйдодҳои ахир абадан дар таърих ин кишвар сабт мешаванд ва он "беобрӯии бузург" барои Амрико аст.

Гирдиҳамоии тарафдорони Трамп дар Амрико

"Таърих ба таври возеҳ ваҳшонияти имрӯзаи Капитолияро абадан сабт мекунад, ки барангезандаи он президенти амалкунанда мебошад. Ӯ ки дар робита ба натоиҷи интихоботи қонунӣ, беасос дурӯғ гуфтанро идома медод, барои миллати мо бешармиву беобрӯӣ овард", - навиштааст Барак Обама.

Президенти собиқи Иёлоти Муттаҳида қайд кард, ки ҳамзамон ин ҳодисаро чизи ғайричашмдошт намешуморад.

"Дар тӯли ду моҳи охир, ҳизби сиёсӣ ва васоити ахбори оммаи он, аксар вақт намехостанд ба шунавандагон ва хонандагон ҳақиқатро бигӯянд - ин интихоботҳои баҳсталаб набуданд ва президенти тозаинтихоб Ҷо Байден бояд рӯзи 20 январ расман савганд ёд кунад", - изҳор дошт ӯ.

Тасвире, ки расонаҳои наздик ба ҷумҳурихоҳон онро барои хонандагони худ тавсиф кардаанд, Обама "ривояти тахайюлӣ" ва тасвири дур аз воқеият номидааст.

Ёдовар мешавем, ки бегоҳи дирӯз ҷонибдорони Доналд Трамп Капитолияро муҳосира карданд ва ҷаласае, ки интихоботи ниҳоиро бояд эълом мекард, лағв намуданд.

Дар ниҳоят Байден пирӯз шуд: чаро Трамп реванш пешниҳод накард

Бар асоси хабарҳои ахир, дар натиҷаи нооромиҳо дар Капитолия дасти кам 4 нафар ба ҳалокат расида, чандин тани дигар захм бардоштанд.

Раиси шаҳри Вашингтон, дирӯз соати коммендантӣ барои як шабонарӯз эълон кард, аммо имрӯз онро то 15 рӯзи дигар тамдид кард.

492
Барчаспҳо:
Амрико, шарҳ, эътироз, Барак Обама
Вакцина

Эрон ҳам ба зуддӣ эмгузарониро оғоз мекунад

6
(Таҷдидшуда 00:34 25.01.2021)
Вазири беҳдошт, дармон ва омӯзиши пизишкии Эрон гуфт, эмгузаронӣ бо ваксини зидди вируси корона дар Эрон ба зудӣ оғоз мешавад

ДУШАНБЕ, 25 янв— Sputnik.  Саиди Намакӣ, вазири беҳдошт, дармон ва омӯзиши пизишкии Эрон ахиран  бо ишора ба талош барои сохти ваксинаи коронаии Эрон афзуд, ки воридоти ваксинаи зидди корона ба кишвар ба зудӣ оғоз мешавад, иттилоъ додааст радиои тоҷикии Садои Хуросон.

Намакӣ афзуд, ки бо воридоти ваксинаи зииди вируси корона, эмгузаронӣ барои гурӯҳҳои ҳассосу пурхатар оғоз мешавад.

СММ ба тақсими ваксина алайҳи COVID - 19 шурӯъ кард: Тоҷикистон низ дар рӯйхат аст

 Ҳамчунин Ҳуҷҷатуллоҳи Некии Маликӣ, раиси маркази итилоърасонии ситоди иҷроии фармони ҳазрати Имом (р) гуфт: “Пас аз баррасии саломати 21 довталабе, ки ваксинаи корони тавлидшуда дар Эрон ба онҳо тазриқ шуда аст,  муҷаввизи тазриқ барои 14 довталаби дигар содир шуд”.

Марҳилаи аввали тазриқи инсонии мутолиъоти болинии нахустин ваксинаи коронаи сохти муҳаққиқони эронӣ бо номи  “Кув Эрон баракат” 29 декабри 2020 рӯй довталабон оғоз шуд.

6
Барчаспҳо:
беҳдошт, вазир, вируси корона, эмгузаронӣ, Эрон
День 25 января

Аз зодрӯзи Фаррух Ҳамралиеву Субҳон Ибодов то Рӯзи кормандони соҳаи меҳнат: имрӯзи таърих

91
(Таҷдидшуда 22:22 24.01.2021)
Рӯзи биступанҷуми январ дар Тоҷикистон аз Рӯзи кормандони соҳаи меҳнат ва ҳифзи иҷтимоии аҳолӣ ҷашн гирифта мешавад

Рӯзи 25 январ дар ҷаҳон чӣ рух дод

Соли 1908 дар Боку аввалин маротиба намоиши операи "Лайлӣ ва Маҷнун" барпо гардид.

Соли 1924 дар шаҳри Шамони Фаронса маросими кушодашавии аввалин Бозиҳои  олимпии зимистона баргузор гардид.

Соли 1949 аввалин маротиба маросими ҷоизасупории телевизиони амрикоии "Эмми" гузаронида шуд.

Соли 2016 дар Амстердам Маркази Урупо оид ба мубориза бо терроризм ифтитоҳ гардид.

 

Рӯзи 25 январ дар Тоҷикистон чӣ рух дод

Соли 2001 Раёсати назорати давлатии молиявии назди Президенти Тоҷикистон таъсис дода шуд.

Соли 2010 бо супориши Президент Эмомалӣ Раҳмон вазири вақти корҳои хориҷии Ҷумҳурии Тоҷикистон Ҳамрохон Зарифӣ барои иштирок дар кори Саммити минтақавии кишварҳои ҳамсояи Афғонистон ба шаҳри Истанбули Туркия сафар кард.

Соли 2011 раисҷумҳури Тоҷикистон Эмомалӣ Раҳмон "Дар бораи таъсиси Раёсати хизмати давлатии назди Президенти Ҷумҳурии Тоҷикистон" Фармон ба имзо расониданд.

Соли 2011 Эмомалӣ Раҳмон аз ҳодисаи мудҳиши террористӣ, ки бегоҳии 24 январ дар фурудгоҳи Домодедоваи шаҳри Москва рух дод, андӯҳгин гардида, аз дақиқаҳои аввал ҷараёни расондани кумакҳо ба шаҳрвандони осебдидаи Тоҷикистонро зери назорати пайваста қарор доданд.

Соли 2017 қарори Ҳукумати Тоҷикистон дар бораи Қоидаҳои барасмиятдарорӣ, додани раводид ва раводиди электронии Ҷумҳурии Тоҷикистон ба шаҳрвандони хориҷӣ ва шахсони бешаҳрвандӣ ба имзо расид.

Соли 2017 Президенти Ӯзбекистон Шавкат Мирзиёев як гурӯҳ фаъолони марказҳои фарҳангӣ, аз ҷумла, 2 нафар тоҷиконро "барои саҳмгузорӣ дар таҳкими дӯстии байналмилалӣ ва ризоият дар ҷумҳурӣ" бо ордену медалҳо сарфароз гардонид.

Ҷашнҳои рӯзи 25 январ

  • Дар Тоҷикистон — Рӯзи кормандони соҳаи меҳнат ва ҳифзи иҷтимоии аҳолӣ.

Рӯзи 25 январ кӣ ба дунё омадааст

Соли 1944 – доктори илмҳои физика- математика Субҳон Ибодов.

Соли 1966 – иқтисодчӣ Фаррух Ҳамралиев.

91
Барчаспҳо:
Ҷаҳон, Тоҷикистон, ҷашн
Мавзуъ
Таъсиси "ЦРУ" ва тасдиқи лоиҳаи "CASA-1000" аз ҷониби Тоҷикистон: имрӯзи таърих
Ҳалокати 300 кас дар паи заминларзаи шадид дар Тоҷикистон: имрӯзи таърих
Аз рӯзи байналмилалии эскимо то фавти 50 ҳазор нафар дар Чилӣ: имрӯзи таърих
Аз Рӯзи оғӯш то ниҳолшинонии Эмомалӣ Раҳмон дар боғи "Наврӯзгоҳ": имрӯзи таърих