Оё ихтилофот дар Амрико барои ҷаҳон хатар дорад?

202
(Таҷдидшуда 19:18 12.01.2021)
Шиддат гирифтани бӯҳрони сиёсии дохилӣ Амрикоро боз ҳам барои ҷаҳон хатарноктар мекунад

ДУШАНБЕ, 12 янв — Sputnik, Петр Акопов.  Қисми қудратмандоне, ки ақидаҳои глобалистӣ, доранд ва Трампи миллатгароро дар интихобот шикаст доданд, мехоҳанд вақти аз дастдодаро дар арсаи байналмилалӣ ҷуброн намоянд. Онҳо кӯшиш доранд, диққати мардуми Амрикоро аз мушкилоти дохилӣ ба мушкилоти беруна ҷалб намоянд.

Дар вақтҳои охир чунин пешгӯиҳо дар Русия зиёдтар шунида мешавад.

Ҳамаи ин пешгӯиҳо аз он бармеоянд, ки Амрико на танҳо як кишвари абарқудрат, балки як гегемони ҷаҳонист, ки ҳоло рақибе надорад ва ҳама ҳар як мушкилот дар ин кишвар ба тамоми ҷаҳон таъсири ҷиддӣ мерасонад. Гарчанде бӯҳрони имрӯза дар Амрико ба нафъи мо бошад ҳам, аммо ин ҷои чандон шодӣ нест. Мо бояд ба озмоишҳои нав омода бошем – чун ҳамлаҳо аз ҳар тараф ба кишвари мо идома хоҳанд ёфт.

Ин мавқеъ пас аз пирӯзии Трамп ва "ҳамла ба  Капитолия" авҷ гирифт: даҳшат, Амрико аввал раҳбарии ҷаҳониро аз даст доду, сипас ҳамчун муҳофизи демократия дар тамоми ҷаҳон дониста намешавад ва худи ин кишвар ба бетартибиҳо гирифтор шуд! Ҳоло кӣ сулҳро дар тамоми ҷаҳон нигоҳ медораду инсониятро бо роҳи ҷаҳонишавӣ пеш мебарад? Кадом кишвар пеши роҳи Чин, Русия ва дигар кишварҳоро мегирад, ки рӯз ба рӯз қудратмандтар мешаванду ба дастовардҳои демократии Ғарб таҳдид мекунанд?

Бидуни шубҳа, ки Амрико дар ҳақиқат як кишвари абарқудрат аст ва ҳоло даъвои гегемон дорад.  Аммо кишвари қудратманд бемор аст ва ин беморӣ пеш аз ин рӯйдодҳо пайдо шудааст.

Яъне Амрико, ки пас аз Ҷанги Дуюми Ҷаҳон нақши созандаи тартиботи ҷаҳониро ба зимма гирифт, аз дохил вайронe хароб мешавад.  Фурӯпошии Амрико дар шоҳидии мо сурат мегирад - аммо ҳамеша душвор аст суръати тағиротро пешгӯӣ кард.

Амрико як давлати хеле ҷавон аст ва дар тӯли нисфи таърихи кӯтоҳи худ ин кишвар бо ҳалли мушкилоти худ машғул буд. Ҳамчун як кӯдаки саркаши Аврупо, Амрико ба сохти дунёи худ машғул буд - ва танҳо дар охири асри 19 аз худкунии заминҳои кишварҳои аврупоии колониалӣ оғоз кард.

Дар аввали асри XX Амрико ба сатҳи ҷаҳонӣ ворид шуданд - ва ба шарофати иштироки худ дар ду ҷанги аврупоӣ ва ҷаҳонӣ, ба гегемон табдил ёфтан, аввал дар Ғарб сипас дар тамоми ҷаҳон.

Бояд гуфт, дар роҳи бунёди Бобили нав Амрико муваффақ шудааст, аз ҷумла дар муддати хеле кӯтоҳ дар сохти қудрати низомӣ, таъсири молиявӣ, идеологӣ ва кадрӣ хеле пешрафт кардааст. Аммо ҳоло хатаре вуҷуд дорад, ки онҳо метавонанд ҳамаи дастовардҳояшонро аз даст диҳанд. Бале, ҳоло барои аксар ин ҳолатро тасаввур кардан душвор аст: Бояд рус ё чинӣ бошӣ, ки суръати тағйиротро дарк намоӣ.

Амрико метавонист аз ин бӯҳрон наҷот ёбад. Танҳо лозим буд, ки аз имкони ҳукмронии глобалӣ даст кашад ва худро аз нақши гегемон канор гираду, ба бунёди инфрасохтору иқтисоди худ оғоз намояд. Ҳамин нуктаро Трамп мехост матраҳ намояд. Аммо барои қудратмандони Амрико ин муҳим нест ва онҳо дар фикри давлат ҳам нестанд.

Дар қиёс ба Чин, Русия, Олмон ва дигар кишварҳо, Амрико на танҳо реша балки дорои миллати давлатофар нест, ки онҳоро тавонад қудратмандтар кунад. Бидуни реша ягон давлат устувор буда наметавонад, ҳатто кишвари абарқудрат.

Ҳоло ҳукумати Байден дар арсаи байналмилалӣ хеле эҳтиёткорона рафтор хоҳад кард - ҳеҷ шиддатёбиву низоъҳо сурат намегирад. Чунки ҳукумати нав дар воқеъ бояд ба мушкилоти шадиди дохилӣ диққат ва нерӯи зиёди худро масраф кунад.

Ҳукумати нави Амрико бояд фарқияти худро аз даврони Трамп нишон диҳад - гарчанде Трамп, дар  ягон кишвар ҷанги навро оғоз накард ва ҳатто ваъда дод, ки то охири баҳори имсол нерӯҳояшро аз Афғонистон комилан хориҷ хоҳад кард.

Дар ҳамин ҳол, ҳукумати Байден, албатта  "ҳамбастагии Атлантики" -ро тақвият медиҳад,  ва аз сӯи дигар ба Чину Русия фишор хоҳад овард. Аммо самаранокии ҳамаи ин тадбирҳо хеле ночиз хоҳад буд. Амрико торафт дар ҷаҳон нуфузашро аз даст хоҳад дод. Ҷаҳон билохира мутмаин шудааст, ки "асри Амрико" на танҳо дар арсаи ҷаҳонӣ, балки дар худи  Иёлоти Муттаҳида низ ба поён расида истодааст.

202
Барчаспҳо:
Трамп, сиёсӣ, бӯҳрон, хатар, ҷаҳон, Амрико
Американский актер Питер Марк Ричман с супругой Хелен. Архивное фото

Даргузашти ҳунарманде, ки дар филми "Санта Барбара" нақши Сисиро бозид

154
(Таҷдидшуда 18:18 15.01.2021)
Ричман яке аз ҳунармандоне буд, ки дар филми машҳури бисёрсериягии "Санта Барбара" нақши Сисиро бозида буд

ДУШАНБЕ, 15 янв — Sputnik. Ҳунарманди амрикоӣ Питер Марк Ричман, ки бо нақши Сиси Кэмпвелла дар сериоли "Санта Барбара" машҳур аст, вафот кард.

Дар ин бораи даргузашти ҳунарманд, The Hollywood Reporter хабар медиҳад.

Даргузашти ҳунарманди машҳур Шон Коннери

Ҳунарманд 93 сол дошт. Ӯ дар манзилаш дар Лос-Анҷелес дунёро падруд гуфт.

Ричман яке аз ҳунармандоне буд, ки дар филми машҳури бисёрсериягии "Санта Барбара" нақши Сисиро бозид.

Соли мотам: бузургони рафта дар соли 2020

"Санта Барбара" - яке аз машҳуртарин сериолҳои истеҳсоли Амрико мебошад, ки аз соли 1984 то соли 1993 тариқи шабакаи NBC намоиш дода мешуд.

Ҳамагӣ 2137 серияи ин филм рӯи экран баромадааст.

154
Барчаспҳо:
даргузашт, ИМА
Cудно работает на шельфе Балтийского моря на газопроводе Nord Stream 2, архивное фото

ИМА боз "Маҷрои Шимолӣ - 2" - ро "сахт" гирифт

144
Расонаҳо менависанд, ки ширкати даниягии Ramboll, ки дар сохтмони "Маҷрои Шимолӣ - 2" ширкат мекунад, аз таҳримҳои Вашингтон дар ҳарос шудааст.

ДУШАНБЕ, 15 янв — Sputnik, Наталя Дембинская. Дар воқеъ, аз 1 январ Иёлоти Муттаҳида чораҳоро зидди он давлатҳое, ки бо лоиҳа алоқаманданд, пурзӯр кардааст.

Аммо, сохтмон идома дорад. Дар Урупо ҳавасҳо дубора ба ин ҷӯш мезананд: дар ҳоле, ки олмониҳо барои ҳимоят аз таҳримот як сандуқ омода мекунанд, бритониёиён мехоҳанд аз амрикоиҳо пайравӣ кунанд ва шведҳо аз сар задани "ҷанги газӣ" метарсанд. Дар ниҳоят бо лоиҳа чӣ мешуда бошад?

Қисми заминии "Маҷрои Шимолӣ - 2" бомуваффақият анҷом ёфт. Ҳоло қубурҳо дар обҳои Олмон, сипас дар Дания гузошта мешаванд. Лоиҳа ба ниҳоят расида истодааст. Аммо Вашингтон инро эътироф карданӣ нест. Қонуни нав дар бораи дифои буҷа, ки аз 1 январ амал мекунад, таҳримҳои иловагӣ алайҳи лӯлаи гази Русияро дар бар мегирад.

Аз ҷумла, сухан дар бораи ташкилотҳое меравад, ки хидматҳои санҷишӣ ё сертификатсияро пешниҳод мекунанд. Ширкати норвегии DNV GL аллакай эълом дошт, ки тамоми фаъолиятҳои санҷиши лӯлаи газро қатъ мекунад ва наметавонад онро тасдиқ кунад.

Чуноне раҳбари ҷумҳурихоҳон Митч Макконелл қаблан гуфт, қонуни дифоъи буҷа барои амнияти миллӣ муҳим аст ва "ҷилавгирӣ аз абарқудратҳои рақиб мисли Чин ва Русия" қабул шудааст. Ин санад бартарии ИМА-ро "дар баҳр, хушкӣ, ҳаво, фазои киберӣ ва кайҳон" мустаҳкам мекунад.

"Газпром" бояд тақрибан 150 километри дигар лӯла кашад: 120 дар Дания ва дар Олмон каме бештар аз 30 қубур. Лӯлаи газ 94% омода шудааст.

Сарфи назар аз кӯшишҳои Вашингтон барои пешгирӣ аз анҷоми лоиҳа, ки аз ҷониби панҷ ширкати бузурги энергетикии Урупо маблағгузорӣ мешавад, кор дар обҳои ҳудуди Олмон пас аз танаффуси яксола рӯзи 11 январ аз сар гирифта шуд. Аз 15 январ дар соҳили Дания низ қубурҳо гузошта мешаванд.

Ба қубургузори "Фортуна" аз ҷониби Мурман ва Пажӯҳишгари Балтикаи Хадамоти наҷоти баҳрии Русия ва инчунин дигар киштиҳои ёрирасон кумак расонида мешавад. Дар баҳр дар ду тарафи хатти қубуркашӣ минтақаи холигии муваққатӣ, ки паҳноияш 200 метр аст, сохта мешавад.

Тавре директори кулли "Газпром" Елена Бурмистрова қаблан гуфта буд, мӯҳлати ба анҷом расонидани сохтмон аз як қатор ҳолатҳо, алахусус обу ҳаво вобаста аст.

Механизми дифоъ

Дар ҳамин ҳол, дар ИМА боз ба ширкатҳои урупоӣ, ба гуфтаи Вашингтон дар сохтмони "Маҷрои Шиомлӣ - 2" ба Русия кумак мекунанд, таҳдид менамоянд.

"Мо мекӯшем, онҳоро дар бораи хатар огоҳ кунем ва онҳоро даъват кунем, ки пеш аз дер шудан аз ҳамкорӣ даст кашанд",- гуфт як манбаъ дар Департаменти давлатӣ аз қавли Reuters. Ба гуфти хабаргузорӣ дар рӯзҳои наздик, Кохи Сафед рӯйхати созмонҳои носазоро нашр хоҳад кард.

Вазорати корҳои хориҷии Русия таъкид мекунад, ки Маскав сарфи назар аз фишорҳои Вашингтон ба шарикони ғарбии Русия, ба муваффақияти "Маҷрои Шимолӣ - 2" шубҳа надорад.

Дар Олмон "Маҷрои Шимолӣ -2" -ро лоиҳаи иқтисодӣ мешуморанд ва таҳримҳои ИМА-ро қабул намекунанд. Дар ин бора бори дигар муовини намояндаи расмии Девони Вазирони Олмон Улрике Деммер ёдоварӣ кард. Гузашта аз ин, дар аввали моҳи январ парлумони иёлати федеролии Мекленбург-Верпоммерн бо аксарияти овозҳо ташаббуси ҳукумати минтақаро дар бораи ташкили фонди экологии "Иқлим ва ҳифзи муҳити зист" дастгирӣ кард.

Ин фондро барои канорагирӣ аз таҳримҳои ИМА ташкил кардаанд. Ташкилот метавонад таҷҳизоти барои сохтмон заруриро харидорӣ кунад. Ва пеш аз ҳама, лӯлаи газро барои муҳити атроф безарар эътироф мекунад. Бино ба гузориши хабаргузории Bild, ин имкон медиҳад, ки "Маҷрои Шимолӣ -2" ҳамчун "унсури асосии ҳифзи муҳити зист" қабул карда шавад.

Иқтисоддон гуфт, дар робита ба "Маҷрои шимолӣ 2" аз Байден бояд чиро интизор шуд

Ин бунёд ният дорад як корхонаеро сабти ном кунад, ки танҳо бо "Маҷрои Шимолӣ -2" сарукор дорад. Ширкатҳое, ки ба онҳо таҳримҳо таҳдид мекунанд, бо ҷониби Русия тавассути василаҳои иқтисодии пешниҳодкардаи ин корхона ҳамкорӣ хоҳанд кард.

Вақтро аз даст медиҳад

Оё олмониҳо вақт доранд, ки худро аз таҳримҳо муҳофизат кунанд? Нозирон тақсим шуданд. Аз як сӯ, ин фонд сармоягузорӣ ва салоҳиятҳоро ба даст овард, ки талошҳои Вашингтонро беэътибор мекунад, мегӯяд директори ТМТ Даниил Ростовцев.

"Бо вуҷуди ин, ташаббус бо ин фонд боиси норозигии ҷомеа, бахусус "сабзҳо" шудааст. Муҳити зист дар ин тарҳ саҳм гузоштанро ба як лоиҳае, ки ба ақидаи онҳо, "тамоман" сабз нест, балки барои муҳити зист хатарнок аст, ғайримуқаррарӣ мешуморад", - мегӯяд таҳлилгар. Ҳоло ҳама чиз аз он вобаста аст, ки оё ҷонибдорони МШ-2 метавонанд бо мардум ба мувофиқа расанд.

Ҳамзамон, коршиноси мустақили саноатӣ Леонид Хазанов итминон медиҳад, ки Берлин ба ҳеҷ ваҷҳ ба Вашингтон гузашт намекунад: Олмон ба сӯзишвории кабуди Русия ниёз дорад, ки аз сӯзишвории Амрико арзонтар аст. Ва боз ҳам бештар ҳифзи муносибатҳои иқтисодӣ бо Русия зарур аст: ин бозор барои ширкатҳои олмонӣ стратегӣ аст.

"Албатта, ин бунёд таҳти таҳримот қарор хоҳад гирифт, аммо онҳо асаре нахоҳанд дошт. Ва бар хилофи пудратчиёни онҳо бояд лоиҳаи қонуни наверо омода кунанд, онро тавассути Конгресс қабул намоянд ва имзои президентро интизор шаванд. Ин метавонад то шаш моҳ тӯл кашад, ки дар ин муддат Маҷрои Шимолӣ - 2" ба анҷом хоҳад расид" , - мегӯяд коршинос.

Бо вуҷуди ин, ӯ мушкилотро дар марҳилаи ба истифодадиҳӣ истисно намекунад - танҳо ба сабаби таҳримоте, ки ба дифоъи буҷаи ИМА ворид карда мешаванд.

Тарс ва нафрат

Бритониёиҳо мехоҳанд ба амрикоиҳо пайравӣ кунанд. Ба гуфтаи вакили бритониёӣ Даниэл Кочинский, лӯлаи гази Русия "бениҳоят хатарнок" аст, зеро он на тавассути шабакаҳои газ ва нафт, ки дар қаламрави кишварҳои НАТО ҷойгиранд балки "мустақиман ба Русия" мегузарад. Ба гуфти ӯ, Бритониёро акнун узвият дар Иттиҳоди Урупо маҳдуд намекунад ва аз ин рӯ "мо бояд дӯстони амрикоиро пайравӣ кунем ва алайҳи ҳар як ширкате, ки дар сохтмони МШ -2 даст дорад, таҳримот ҷорӣ кунем.

Дар ҳамин ҳол, дар Шветсия метарсанд, ки раёсати Ҷо Байден "ҷанги газӣ" -ро дар наздикии ин кишвар бар сари лӯла оғоз мекунад. Тавре ки Свенска Дагбладет қайд кард, демократии амрикоӣ нисбат ба Доналд Трамп "рақиби ҳатто сахттари ӯ" аст. Ва барои Скандинавия ин масъала аллакай ҳалли худро ёфтааст: ҳукумат гузоштани қубурҳоро тавассути минтақаи иқтисодии Шветсия тасдиқ кард.

Сиёсати энержии Байден, ба истилоҳ, роҳи сабз, ҷанбаи манфии раёсати ӯ дониста мешавад. Демократҳо нақша доранд, ки то соли 2035 барои гузаштан ба энергияи тоза ду триллион доллар сарф кунанд. Ва то соли 2050 - партовҳоро ба сифр баробар намоянд. Аммо, ин ҳам ба нафъи  Русия бозӣ мекунад: "Маҷрои Шимолӣ - 2" метавонад на танҳо гази табиӣ, балки гидрогенро низ интиқол диҳад. Дар Урупо талабот ба сӯзишвории гидрогенӣ эҳтимолан хеле зиёд аст.

Насби қубурҳои "Маҷрои шимолӣ - 2" наздик омадаст

Худи ИМА ба имконпазирии ҳамаи он чизе, ки Кохи Сафед ба "Маҷрои Шимолӣ - 2" ваъда додааст, шубҳа дорад. Тавре ки сенатори собиқ аз Вирҷиния Ричард Блэк итминон медиҳад, Байден хостори он аст, ки бо Маскав оромона гуфтушунид кунад. Ва дар навбати худ, вай кӯшиш хоҳад кард, ки барои Вашингтон баъзе фоидаҳо ба даст орад.

144
Барчаспҳо:
таҳримот, шикоят, Русия, ИМА

Эмгузаронии оммавӣ алайҳи COVID-19 дар Русия оғоз мешавад-навор

0
Дар Русия аз ҳафтаи оянда, эмгузаронии оммавӣ алайҳи коронависрус оғоз мешавад. Президенти Русия, Владимир Путин дар ин бора ҳукумати кишварашро муваззаф кардааст

Раисиҷумҳури Русия зимни дастури эмгузаронии оммавии аҳолӣ таъкид карда буд, ки ваксинаи русӣ алайҳи коронавирус шароити хоси интиқолро талаб намекунад ва зарур хонд, ки инфрасохтори зарурӣ ҳарчӣ зудтар фароҳам шавад.

Ваксинаи “Sputnik V” аллакай дар бисёр кишварҳои ҳамсоя истифода мешавад. Аз ҷумла дар як пойгоҳи низомии Русия дар Арманистон, ҳайати шахсӣ бо ин ваксина эмгузаронӣ шуданд.

Таъкид мешавад, ки дар ваксинагузаронӣ ҳама чиз ихтиёрӣ, бо розигии хаттии ҳайати низомӣ ва ҳам дигар гуруҳи шаҳрвандон сурат мегирад.

Дар Беларус "Sputnik V"-ро аввалин шуда, табибон гирифтанд.  Баъдтар, дар саросари ҷумҳурӣ беш аз 5,5 миллион нафар эм карда мешаванд.

Дар Қазоқистон ваксинагузаронӣ ҳанӯз оғоз нашудааст, аммо дар Караганда истеҳсоли доруи Русия аллакай дар авҷ аст. 

Дар Украина низ ба "Sputnik V" таваҷҷуҳ доранд. Онҳо аллакай ба ҷамъоварии имзоҳо барои сабти ном ва истеҳсоли ваксинаи Русия шурӯъ кардаанд.

Bloomberg самаранокии ваксинаи русии "Спутник V" -ро тасдиқ кард

Барои онҳое, ки имкони эмгузаронӣ ҳанӯз ба даст наомадааст, хабари хуш низ ҳаст: Озмоишҳои иловагии пӯсти тӯс барои пешгирии коронавирус ба анҷом расиданд. Даво аз ҷониби олимони ёқутистонӣ сохта шудааст. Тадқиқотҳо нишон доданд, ки он хавфи бемориҳоро кам мекунад ва инчунин раванди барқарорсозиро осон месозад.

0
Барчаспҳо:
вируси корона, беморӣ, навор, Русия, Русия