Президент США Дональд Трамп

YouTube ҳам Трампро таҳрим кард

288
(Таҷдидшуда 17:02 13.01.2021)
Доналд Трамп пас аз маҳдуд шудан дар Фейсбуку Твиттер ва дигар шабакаҳои иҷтимоӣ ҳоло дар YouTube ҳам наметавонад видео боргузорӣ кунад

ДУШАНБЕ, 13 янв – Sputnik. Ба нақли хабаргузории РИА Новости, YouTube, ки бахше аз ширкати Гугл маҳсуб мешавад, дастрасии шабакаи Доналд Трамп, раисҷумҳури Амрикоро ба таври муваққат тағйир дод, то ӯ наметавонад пас аз рухдодҳои чаҳоршанбеи ҳафтаи гузашта ва ҳамла ба Конгресс, ба боргузории видео бипардозад.

YouTube илова бар пок кардани видеоҳои раисҷумҳури Амрико маҳдудият барои ҳисоби ӯро дасти кам ба муддати 7 рӯз иҷро мекунад.

Амрико дар арафаи инқилоб: тарафдорони Трамп Капитолияро муҳосира карданд

Ҳамчунин YouTube эълом кард ба далели муҳтавои хушунат‌талабона, имкони фиристодани дидгоҳ ба шабакаи Трамп дар ин сомонаи барои ҳамеша ғайрифаъол боқӣ хоҳад монд.

Пеш‌тар шабакаҳои иҷтимоии Фейсбук ва Твиттер низ Доналд Трампро аз гузоштани шарҳҳои нав манъ карда буданд.

288
Барчаспҳо:
раисҷумҳур, Доналд Трамп, таҳрим, шабакаи Твиттер, Ютюб, Тоҷикистон

Ҳукумати Қирғизистон боз истеъфо дод

2
(Таҷдидшуда 13:28 21.01.2021)
Тасмими истеъфои кабинаи вазирони Қирғизистон баъд аз эълони натиҷаҳои интихобот сурат гирифтааст

ДУШАНБЕ, 21 янв — Sputnik. Ҳукумати Қирғизистон бо роҳбарии Содир Ҷабборов дубора ба истеъфо рафт, иттилоъ додааст ба хабарнигорон роҳбари дастгоҳи президент Суюнбек Касмамбетов.

Ин тасмимро кабинаи вазирони Қирғизистон дар робита ба эълони натиҷаҳои интихоботи президентӣ гирифтааст.

"Ҳамин ки натиҷаҳои интихобот эълом шуданд, Содир Нургожоевич аз мақоми сарвазир истеъфо дод. Ҳукумат истеъфо дод ва аъзои кабинаи вазирон вазифаҳои худро то ташкили ҳайати нави ҳукумат иҷро хоҳанд кард", - таъкид дошт Касмамбетов.

Ёдрас мешавем, ки Ҷабборов дар ҷараёни тазоҳуротҳо, ки пас аз интихоботи парлумонии моҳи октябр сар зада буд, нахуствазир интихоб шуд. Дар интихобот ҳузури райдиҳандагон ба 56,5 дарсад расида буд.

Тибқи маълумоти Комиссияи марказии интихоботии Қирғизистон, дар интихобот ду ҳизби ҷонибдори давлат "Биримдик" ("Ваҳдат") ва "Мекеним Қирғизистон" ("Ватани Қирғизистон") раъйи бештарро ба даст оварданд. Инчунин дар интихобот ду ҳизби марказгаро - "Қирғизистон" ва "Бутун Қирғизистон" низ пирӯз шуданд. Қисми боқимондаи фраксияҳо ҳатто то 7 дарсад раъй ба даст наоварданд.

Пас аз эълони натиҷаҳо, дар Бишкек эътирозҳои тарафдорони ҳизбҳое, ки ба парлумон роҳ наёфтанд, оғоз ёфт. Баъдтар, КМИ Қирғизистон натиҷаҳои интихоботи гузаштаро бекор кард ва овоздиҳии нав эълон кард ва Сооронбай Жээнбеков аз вазифаи президентӣ истеъфо дод.

Баъд аз истеъфои Жээнбеков Ҷабборов иҷрокунандаи вазифаи раисҷумҳур интихоб шуд.

2
Барчаспҳо:
Кабинаи вазирони Қирғизистон, интихобот, истеъфо, Ҳукумат, Қирғизистон

Байден чанд фармони Трампро бекор кард: ӯ ба вуруди мусалмонон иҷозат дод

590
(Таҷдидшуда 12:02 21.01.2021)
Қаблан собиқ кишвардори Амрико Доналд Трамп бо судури фармоне вуруди мусалмонони аксар кишварҳоро манъ карда буд

ДУШАНБЕ, 21 янв— Sputnik. Ҷо Байден рӯзи 20 январ расман савганд ёд кард. Пас аз анҷоми маросими савгандёдкунӣ нахустин коре, ки Байден анҷом дод, ин бекор кардани чандин фармонҳои Трамп буд.

Кишвардори феълӣ аз ҷумла фармон дар мавриди манъи вуруд барои мусалмонони аксар кишварҳо ба Амрикоро лағв кард. Гузашта аз ин, Амрикоро дигарбора ба Созмони ҷаҳонии беҳдошт ва Созишномаи иқлими Порис баргардонд.

Паёми хайрбодии Трамп: Амрико кишвари инсонҳои ноустувор нест

Ҳамчунин дар робита ба вазъият дар марзи Мексика вазъи фавқулодаро бекор ва сохтмони деворро дар марз бо он давлат низ лағв намуд.

Байден аз тамоми амрикоиҳо даъват кард, ки давоми 100 рӯз режими ниқобро риоя кунанд ва дар ҳама ҷо ниқоб пӯшанд.

Илова бар ин, Байден 20 январро ҳамчун Рӯзи ваҳдати миллӣ эълон кард.

Мушовири Байден аз нақшаи музокира бо Русия гуфт

Қаблан, Қасри сафед хабар дода буд, ки Доналд Трамп чор соат пеш аз маросими савгандёдкунӣ Вашингтонро тарк мекунад.

590
Барчаспҳо:
фармон, Доналд Трамп, Амрико