Интервью с президентом Армении Арменом Саркисяном

Президенти Арманистон фавран бо маризии вазнин бистарӣ карда шуд

285
(Таҷдидшуда 17:33 13.01.2021)
Президенти Арманистон Армен Саркисянро ба таври фаврӣ ба далели гирифтор шудан ба маризии вазнин ба бемористон интиқол доданд

ДУШАНБЕ, 13 янв – Sputnik. Раисиҷумҳури Арманистон фавран ба беморисон интиқол дода шуд, хабар медиҳад котиботи президенти кишвар.

Чунин қарор дар паи вазнин шудани аҳволи президент аз бемории илтиҳоби шуши дутарафа қабул шудааст.

Хадамоти матбуотии президент мегӯяд, Саркисян нишонаҳои бемории навро низ дорад, аз ҷумла ҳарорати баданаш ҳам баланд аст.

То интиқол ёфтан ба беморхона президент ба таври амбулаторӣ таҳти назорати пизишкон табобат мегирифт, вале аҳволаш якбора бад шуд.

Маълум шуд, ки Саркисян дар Бритониё ба бемории коронавирус гирифтор шудааст. Ӯ пас аз ҷароҳии пой дар яке аз беморхонаҳои Лондон табобат мегирифт ва ҳамон вақт аз вируси корона сироят шуд. Ҷарроҳии пой рӯзи 3 январ гузаронида шудааст ва пас аз чанд рӯз дар бадани Саргисян нишонаҳои вируси корона ҳувайдо шудааст.

Хонаводаи президент низ ҳамроҳи ӯ дар Бритониё қарор доштааст.

Песков гуфт, чигуна Путинро аз коронавирус ҳимоя мекунанд

Хабар дар бораи бад шудани аҳволи президенти Арманистон ҳанӯз 8 январ паҳн шуда буд, вале он замон раисиҷумҳур дар хона табобат мегирифт ва дуркор буд.

Котиботи президент таъкид мекунад, ки Саркисян танҳо пас аз беҳтар шудани вазъи саломатиаш ба Ереван боз мегардад.

285
Барчаспҳо:
беморӣ, вируси корона, президент, Арманистон

"Муҳаббат бояд дуҷониба бошад": Путин дар бораи муносибати Русия бо Аврупо

82
(Таҷдидшуда 18:07 27.01.2021)
Раҳбари Русия инчунин вазъи кунунии ҷаҳонро тавсиф карда, онро бо солҳои сиюми асри гузашта муқоиса кард

ДУШАНБЕ, 27 январ - Sputnik. Президенти Русия Владимир Путин мутмаин аст, ки Русия ва Аврупо бояд ҳаросҳои гузаштаро дур кардаву "якҷоя бошанд".

"Муносибатҳои Федератсияи Русия ва Аврупо ҳоло муқаррарӣ нестанд, мо бояд ба муколама ва рӯзномаи мусбат баргардем. <...> Федератсияи Русия ва Аврупо шарикони комилан табиии иқтисод ва илм мебошанд, аммо муколама бояд ростқавл бошад, мо бояд ҳаросҳои гузаштаро дур кунем",-гуфт Путин.

Ба гуфтаи ӯ, Маскав омода аст муколама барқарор кунад, мехоҳад ва талош мекунад, аммо "муҳаббат бояд дуҷониба бошад."

Сарвари давлат ин суханонро дар Форуми умумиҷаҳонии иқтисодӣ дар Давос - ва бори аввал пас аз соли 2009 гуфт.

Путин вазъи кунунии ҷаҳонро бо солҳои 30-юм муқоиса кард: ба ақидаи ӯ, табақабандии иҷтимоӣ шиддат гирифта, радикализми рост ва чап афзоиш меёбад ва равандҳои сиёсӣ дар кишварҳои пешрафта шадидтар мешаванд.

Кушиши Аврупо барои ҳифзи муносибат бо Русия ва ояндаи худ

Дар ҳамин ҳол, раҳбари Русия қайд кард, ки "робитаи мутақобилаи кишварҳои гуногун дар ҳалли мушкилоти кунунӣ метавонад ба афзоиши эътимоди тарафайн имкон диҳад".

"Ҳоло муҳим аст, ки аз як изҳороти умумӣ ба тиҷорат гузарем, саъй ва захираҳои воқеиро барои ноил шудан ба ҳам коҳиши нобаробарии иҷтимоӣ дар дохили кишварҳои алоҳида ва ҳам тадриҷан ба ҳам наздик шудани сатҳи иқтисодҳои кишварҳои мухталиф ва минтақаҳои сайёра равона кунем. Пас аз он бӯҳрони муҳоҷират нахоҳад буд ",-илова кард ӯ.

Кишвардори Русия инчунин дар бораи яке аз мушкилоти муҳимтарини сайёра - пандемияи COVID-19 истода гузашт.

Ба гуфтаи Путин, мубориза бо коронавирус дар ҷаҳон бояд муштарак бошад.

"Ҷомеаи ҷаҳонӣ бояд шароит фароҳам оварад, то олимон ва мутахассисон якҷоя кор кунанд, то фаҳманд, ки чаро ва чӣ гуна мутатсия ба амал меояд, масалан, коронавирус чӣ гуна намудҳо дорад ва аз ҳамдигар чигуна фарқ мекунанд", - шарҳ дод президент.

Нахустин гуфтугӯи телефонии Путин бо Байден: сарони кишварҳои қудратманд аз чӣ гуфтанд?

Раҳбари Русия мӯътақид аст, ки "акнун тамаркуз ба рафъи мушкилоти на хаёлӣ, балки воқеӣ дар ҷаҳон муҳим аст".

82
Барчаспҳо:
иқтисод, Аврупо, муносибат, Владимир Путин
Президент РФ В. Путин выступил на сессии онлайн-форума Давосская повестка дня 2021

Путин ҷаҳонро аз поёни тамаддун ҳушдор дод

589
(Таҷдидшуда 17:46 27.01.2021)
Президенти Русия Владимир Путин ҷаҳонро аз рушди муноқишаи ҷаҳонӣ дар дунё ҳушдор дод

ДУШАНБЕ, 27 январ - Sputnik. Президенти Русия Владимир Путин изҳори умедворӣ кард, ки муноқишаи ҷаҳонӣ дар ҷаҳони муосир ғайриимкон аст.

Ба гуфтаи сарвари давлат, чунин вазъ боиси поёнёбии тамаддун мегардад.

"Тавре ки шумо медонед, нотавонӣ ва хоҳиши ҳалли чунин мушкилот аслан дар асри ХХ ба фалокати Ҷанги Дуюми Ҷаҳонӣ табдил ёфт. Албатта, ҳоло чунин як муноқишаи ҷаҳонӣ, гарм, умедворам, усулан ғайриимкон аст. Умедворам ҳамин тавр аст. Ин маънои поёни тамаддунро дошт", - гуфт Путин.

Путин зимни суханронӣ дар Форуми ҷаҳонии иқтисодӣ дар Давос қайд кард, ки дар ҳоли ҳозир ҷаҳон заифшавии институтҳои байналмилалиро аз сар мегузаронад, муноқишаҳои минтақавӣ зиёд мешаванд ва системаи амнияти ҷаҳонӣ паст мешавад.

Ҷанги Дуюми Ҷаҳонӣ аз 1 сентябри 1939 то 2 сентябри 1945 давом кард. Ин низоъ бузургтарин муноқишаи мусаллаҳона дар таърихи башарият гардид, аз 73 давлати дар он замон мавҷудбуда 62 давлат (80% аҳолии кураи замин) дар он иштирок карданд.

Суханронии Путин дар форуми Давос: пахши мустақим

Амалиёти ҷангӣ дар Аврупо, Осиё ва Африцо ва дар обҳои тамоми уқёнусҳо гузаронида мешуд. Ин ягона ҷангест, ки дар он силоҳи ҳастаӣ истифода шудааст.

589
Барчаспҳо:
муноқиша, Ҷаҳон, ҳушдор, суханронӣ, Владимир Путин
Мужчина с автоматом в руке, архивное фото

Ҳимояи худу фарзандон: шарҳи дастгиршуда дар Турсунзода дар бораи нигоҳдории силоҳ - видео

0
(Таҷдидшуда 20:55 27.01.2021)
Вазорати умури дохилии Тоҷикистон аз парвандаи ҷиноӣ алайҳи сокини шаҳри Турсунзода барои нигоҳдории ғайриқонунии силоҳ ва лавозимоти ҷангӣ хабар додааст

ДУШАНБЕ, 27 янв — Sputnik.  Бар асоси гузориши ВУД, маъмурини Раёсати кофтукоби ҷиноӣ дар пайи як амалиёт Маъбурҷон Таҳоров, сокини кӯчаи Айнии шаҳри Турсунзодаро дастгир кардаанд.

Дар пайи кофтукоб дар боми хонаи падари дастгиршуда, дар деҳаи Шукурови шаҳри Турсунзода як автомати Калашников бо 29 дона тир ва норинҷак пайдо карда шуд. Таҳоров дар гузориш изҳор медорад, ки ин аслиҳаро солҳои 1997 ё  1998 ба ивази 300 доллар бо ҳадафи ҳимоя харид.

Ӯ тавзеҳ дод, ки ин силоҳро он замон барои ҳимояи худу фарзандонаш гирифта буд.

Вазорати умури дохилии Тоҷикистон таъкид намуд, ки феълан алайҳи Таҳоров парвандаи ҷиноӣ оғоз шудааст. Ин ниҳод зикр намуд, афроде, ки ихтиёран ба мақомоти умури дохилӣ силоҳи оташфишон месупоранд аз ҷавобгарӣ озод мешаванд.

0
Барчаспҳо:
силоҳ, шаҳри Турсунзода, Тоҷикистон