Палатаи намояндагон Доналд Трампро импечмент кард

216
(Таҷдидшуда 20:23 14.01.2021)
Палатаи намояндагони Конгресси ИМА Доналд Трампро бо баландтарин овозҳо дар таърихи ин кишвар импичмент эълон кард

ДУШАНБЕ, 14 январ - Sputnik. Софя Мелничук.То маросими савгандёдкунии президенти нави ИМА як ҳафта мондааст ва демократҳо мехоҳанд ба раҳбари пешин дарси видоъ диҳанд - то абад аз қудрат маҳрум шавад.

Палатаи намояндагони Конгресси ИМА Доналд Трампро бо баландтарин овозҳо дар таърих импичмент кард. Аз 232 конгрессмене, ки импичменти Трампро ҷонибдорӣ карданд даҳ нафарашон аъзои ҳизби президент мебошанд.  Чаро ба ӯ иҷоза намедиҳанд, ки оромона мансабашро тарк кунад.

Манъи васеъ

Дастрасии Доналд Трамп ба Твиттер аллакай масдуд карда шуд. Ӯ дар Твиттер аслан  бо интихобкунандагонаш фаъолона муошират мекард.

Ҳоло дастрасии ӯро ба Кохи Сафед  низ манъ мекунанд. Палатаи намояндагони Конгресси ИМА бо қатъномае ба муовини президент Майк Пенс пешниҳод кард, ки сардорро аз вазифа сабукдӯш кунад.

Палатаи демократҳо бовар дорад, ки Трамп тарафдоронашро ба ошӯб даъват кард, бинобарин ҳамлаи 6 январ ба Капитолия аввалин маротиба дар ду аср рух дод.

Демократҳо бар инанд, ки даъват намудан ба чунин амалҳо ҷинояти сангин алайҳи кишвар аст ва аз ин рӯ раҳбар фавран бояд аз вазифа сабукдӯш карда шавад.

Айбдоркуниҳо дар мақолаи қаблан нашршудаи импичмент муфассал оварда шудааст. Худи Пенс ин амалҳоро маҳкум кард ва бино ба овозаҳо, ҳатто бо сабаби он, ки шӯришиён гӯё ният доштанд ба ноиби президент дар Капитолия ҳамла кунанд - ҳатто бо Трамп гуфтугӯ накард. Аммо, ӯ идеяи импичментро дастгирӣ накард. 

Трамп қисман гуноҳашро барои авҷи бетартибиҳо дар Амрико бар ӯҳда гирифт

Зимнан, демократҳо метавонанд бидуни кумаки муовини сарвари давлат корҳоро иҷро кунанд. Иловатан, ин раванд аз ҷониби ҷумҳурихоҳон низ дастгирӣ карда шуд. Дар байни онҳо севвумин намояндаи ҳизб дар палата - Лиз Чейнӣ, духтари ноиби президенти назди Ҷорҷ Буши хурдӣ Дик Чейнӣ низ ҳаст.

"Пешвои Иёлоти Муттаҳида ҳеҷ гоҳ ба маъмурияти худ ва Қонуни Асосӣ ин қадар хиёнат накардааст. Ман барои импичменти Трамп овоз медиҳам", -  гуфт вай пеш аз мулоқот.

Гузашта аз ин чор намояндаи ҷумҳурихоҳон низ иқрор намуданд, ки Трамп савганди худро шикаст.

"Косаи сабри мо лабрез шуд. Конгресс бояд Трампро ба ҷавобгарӣ кашад ва нишон диҳад, ки кишвар ба кӯшиши дахолат ба интиқоли осоиштаи қудрат таҳаммул нахоҳад кард", -  гуфт Фред Аптон аз Мичиган.

Тавре рӯзномаи The New York Times навиштааст, 20 ҷумҳурихоҳ омодаанд ба Трамп импичмент эълон кунанд. Аммо маълум нест, ки вақте сухан дар бораи он меравад, чӣ гуна рафтор хоҳанд кард.

Аммо, дар Сенат мухолифони импичмент низ ҳастанд. Аз ҷумла, сенатори собиқи Трамп, Линдсей Грэм бар зидди ихроҷи раҳбар аз вазифа баромад кард.

Ба таври фаврӣ

Роҳбари ҷумҳурихоҳон Митч МакКонелл қарори импичментро то 20 январ рад кард. Вай инчунин ёдовар шуд, ки ин раванди дурудароз аст: мурофиаи қаблӣ 83 рӯз, 37 рӯз ва 21 рӯзро дар бар мегирад.

Ҳоло коршиносон баҳс мекунанд, ки оё палатаи болоии Конгресс метавонад ба Трамп пас аз тарки вазифа ҳукм содир кунад. Сенаторҳо бояд расмиётро то чӣ андоза иҷро кунанд - на Конститутсия ва на қонунҳои дигари ИМА мушаххас намекунанд.

Зимнан, директори Бунёди Франклин Рузвелт оид ба омӯзиши Иёлоти Муттаҳидаи Донишгоҳи Давлатии Маскав, амрикоӣ Юрий Рогулев, дар мусоҳиба бо РИА Новости гуфтааст, "Ҳар як кӯшиши қаблӣ барои импичмент бо тартиби дигар баррасӣ мешуд, Конститутсия ин расмиётро ба таври умум тавсиф мекунад".

Ин корро пас аз савгандёдкунии Ҷо Байден - бо ҳайати навшудаи Сенат анҷом додан мумкин аст. Бо омадани раҳбари нав аксариятро дар палатаи боло демократҳо ишғол хоҳанд кард ва овоздиҳии ҳалкунанда ба ноиби президенти нав Камала Ҳаррис дода мешавад.

То охир рафтан

Аммо демократҳо манфиатдоранд, ки расмиёт ба поён расад, мегӯяд Юрий Рогулев. Агар демократҳо раванди импичментро пеш баранд, онҳо ду паррандаро бо як санг мекушанд, мегӯяд ӯ.

"Байден президенти як давра аст ва соли 2024 маъракаи нави интихоботӣ оғоз меёбад, масъалаи пешбари номзадҳо пеш меояд". Харрис худро чӣ гуна нишон медиҳад, ҳоло норушан аст, аз ин рӯ дар даври дигари интихоботи презилкентӣ шояд Трамп боз пайдо шавад", - мегӯяд ӯ.

Ғайр аз он, президенти мустаъфӣ, ки 20 январ аз масуният аз таъқибот маҳрум карда мешавад, бо таҳдиди мурофиаи додгоҳӣ барои саркашӣ аз андоз ва шантажи сиёсӣ рӯ ба рӯ шудааст - ки барои он дафъаи гузашта кӯшиш карда шуд, ки ӯро аз мақомаш барканор кунанд. Ва инчунин ба сабаби иттиҳоми таҷовуз ба номус ва таъқиб.

Дар моҳҳои охир нозирон имкони афви пешгирикунанда аз ҷониби худи президент ва тарафдоронашро баррасӣ карданд. То даме ки Трамп ба чунин иқдом даст назадааст, мутмаин аст, ки барои ҷазо додани ӯ чизе нест. "Чаро, агар ман коре накарда бошам?" - дар бораи бахшиши худ фикр кард роҳбар. Аммо, бо назардошти рушди рӯйдодҳо, шояд ба ӯ лозим ояд, ки дар ин бора андеша кунад.

216
Барчаспҳо:
Доналд Трамп

Русия аз рӯи теъдоди муҳоҷирон дар рӯйхати пешсафҳо ҷой гирифт

62
(Таҷдидшуда 19:17 17.01.2021)
Бино ба гузориши Созмони Милали Муттаҳид, феълан дар Русия дувоздаҳ миллион муҳоҷир кору зиндагӣ мекунанд

ДУШАНБЕ, 17 янв — Sputnik. Русия дар соли 2020 ба феҳристи топ 5 кишвар аз рӯи теъдоди муҳоҷирон ворид шуд.

Дар ин бора гузориши Шӯрои иқтисодӣ ва иҷтимоии Созмони Милали Муттаҳид нашр шудааст.

Омори муҳоҷират дар Тоҷикистон: чанд нафар омаду чӣ қадар кишварро тарк кард

Бино ба гузориши СММ, дар қаламрави Русия 12 миллион муҳоҷир аб сар мебарад. Аз рӯи ин нишондод Русия дар ҷаҳон дар ҷойи 4 - ум қарор дорад.

"ИМА макони асосии ҷолиб барои муҳоҷирон дар соли 2020 боқӣ мемонад. Дар ин кишвар 51 миллион муҳоҷир кору фаъолият мекунад. Ин миқдор 18 дарсади шумораи умумии муҳоҷирон дар ҷаҳонро ташкил медиҳад", - омадааст дар гузориш.

Дар баробари ИМА ва Русия ба панҷгонаи макони муҳоҷирпарвар - Олмон, Бритониё ва Арабистони Саудӣ ворид мешавад.

Тарҳи қонуни нав дар Русия: як гурӯҳи муҳоҷирон депорт нашаванд - кадом?

Манбаъ афзуда, ки аз се ду дарсади муҳоҷирон дар 20 кишвари дунё ба сар мебаранд.

62
Барчаспҳо:
ҷои аввал, Русия, муҳоҷират
Президент Дональд Трамп улыбается

Расонаҳо дурӯғҳои маҳзи Доналд Трампро ошкор карданд

378
(Таҷдидшуда 17:45 17.01.2021)
Масалан, боре президент эълон дошт, ки ба ӯ дар иёлоти Мичиган унвони "Одами сол" - ро додаанд, вале то ҳол ин хабар тасдиқи худро наёфтааст

ДУШАНБЕ, 17 янв — Sputnik. Шабакаи телевизионии CNN топ 15 дурӯғгӯиҳои Доналд Трампро дар давраи раҳбариаш нашр кард.

Ҳамин тавр, замони савгандёдкунии президент борон меборид. Ваел пас аз чанд соат сиёсатмадор изҳор дошт, ки то поёни суханронии ӯ ягон борон набуд.

Соли 2019 раисиҷумҳур аз хатаре тӯфони "Дориан" барои иёлати Албама ҳушдор дод. Хадамоти ҳавошиносии ИМА ин хабарро рад кардв онро бепоя хонд, вале президент пас аз чанд рӯз низ бо нашри харитаи хатар суханҳои худро рост бароварданӣ мешуд. Мушовири президент оид ба амният маҷбур буд, ба нафъи ӯ изҳорот кунад.

Бино ба гузориши манбаъ, Трамп боре гуфта буд, ки ӯро дар Мичиган хеле пеш аз раёсати ҷумҳурӣ бо унвони "Шахси сол" сарфароз карданд, аммо то ҳол тасдиқи ин суханон вуҷуд надорад.

Вай инчунин эълон кард, ки раиси Ҷунбиши Миллии Скаутҳо ба ӯ занг зада паёми президентро дар бораи онҳо, "бузургтарин суханронӣ" номидааст. Дар асл, чунин набуд, қайд мекунад CNN.

Трампро аз филми "Дар хона танҳо" ҳам хориҷ карданд - навор

Рӯзноманигорон инчунин изҳороти Трампро ба ёд оварданд, ки чӣ гуна ӯ аз пардохти ҷуброн ба ҳунарпешаи порнавӣ барои хомӯшӣ дар бораи алоқаашон, изҳори бехабарӣ кард.

Дар ин рӯйхат, иттиҳомоти бофтаи президент алайҳи рақибони сиёсӣ, аз ҷумла Ҷо Байден ва инчунин изҳорот дар бораи пирӯзии эҳтимолӣ дар интихобот ва вазъи коронавирус низ ҷой дода шудааст.

378
Барчаспҳо:
шабакаи телевизиони CNN, ИМА, Доналд Трамп, дурӯғ, дурӯғ

Афзоиши фавтидагон аз COVID-19 дар Эрон

0
Вазорати беҳдошти Эрон мегӯяд, теъдоди ҷонбохтагон аз COVID-19 дар ҷумҳурӣ ба 56 ҳазору 803 нафар расид

ДУШАНБЕ, 17 янв — Sputnik. Тибқи иттилои Вазорати беҳдошт, шабонарӯзи гузашта 86 нафар аз COVID-19 фавтида, теъдоди умумӣ ба 56 ҳазору 803 нафар расид.

Радиои тоҷикии Садои Хуросон аз қавли Вазорати беҳдошт, дармон ва омӯзиши пизишкии Эрон хабар додааст, ки дар 24 соати гузашта 6 ҳазору 16 бемори нави гирифтор ба корона дар Эрон шиносоӣ ва 631 нафар аз онҳо бистарӣ шуданд.

Бар асоси маҷмӯи беморони вируси  COVID-19 дар Эрон ба як миллиону 330 ҳазору 411 нафар расидааст, ки то кунун 1 миллиону 119 ҳазору 137 нафар аз ин беморон беҳбуд ёфта ва ё аз бемористонҳо ҷавоб шудаанд.

Манбаъ афзуд, бемории COVID-19бар асоси омори расмии кишварҳо то кунун беш аз наваду панҷ миллион нафарро дар дунё мубтало карда ва беш аз ду миллион нафар низ бар асари ин беморӣ ҷони худро аз даст додаанд.

0
Барчаспҳо:
Эрон