Люди в защитных масках в Индии, архивное фото

Пешбинии СҶБ: ҷаҳонро фалокати маънавӣ фаро мегирад

1238
(Таҷдидшуда 19:12 18.01.2021)
Созмони Ҷаҳонии Беҳдошт бар ин аст, ки дастрасии нобаробар ба ваксинаи алайҳи коронавирус, ба бӯҳрони маънавӣ оварда мерасонад

ДУШАНБЕ, 18 янв — Sputnik. СҶБ аз дастрасии нобаробари бархе аз кишварҳо ба ваксинаи алайҳи коронавирус нигарон шудааст. Дар ин бора мудири кулли созмон Тедрос Аданом Гебрейесус гуфт.

Ӯ қайд кард, ки имрӯз дар 49 кишвари доро эмкунии сартосарӣ аз коронавирус идома дорад. Ба ин кишварҳо беш аз 39 миллион доза ваксина дастрас шуд. Дар баробари ин дар яке аз кишварҳои камбағалтарини дунё танҳо 25 нафар эм гирифт.

"Ҷаҳон дар рӯ ба рӯи хатогии маънавӣ қарор гирифтааст, ки нархи он ҳалокати инсонҳо ё зиндагӣ дар кишварҳои камбағал мебошад", - қайд кард Гербейесус.

Ӯ қайд кард, ки ин аз вайрон шудани як принсипи муҳими башардӯстона шаҳодат медиҳад, ки мувофиқи он ҳама одамон бояд ба ваксинаҳои зидди коронавирус дастрасии баробар дошта бошанд. Ин метавонад фалокатовар бошад.

"Ҳафтаҳои охир ба ман саволҳои якчанд кишварро дар бораи он, ки оё (механизми байналмилалии дастрасии баробар ба ваксинаҳо) ваксинаҳои COVAX мегирад ва оё кишварҳои доро ба ваъдаҳои худ вафо мекунанд, дода мешавад", - гуфт ӯ.

"Русия дунболи пул нест". Урупо пуштибони "Спутник V" шуд

Роҳбари ТУТ афзуд, ки баъзе давлатҳо принсипи тақсимоти одилонаи ваксинаи коронавирусро дастгирӣ мекунанд, аммо нархҳоро баланд мебардоранд ва созишномаҳои дуҷониба мебанданд.

1238
Барчаспҳо:
пешбинӣ, пешбинӣ, фалокат, Ҷаҳон
День 7 марта

Ихтироъи дастгоҳи телефон: имрӯзи таърих

22
(Таҷдидшуда 19:02 06.03.2021)
Рӯзи ҳафтуми март дар Албания – Рӯзи омӯзгор, дар Лаос – Рӯзи собиқадорон, дар Туркманистон – Рӯзи кормандони комплекси нақлиёт ва алоқа мебошад

Рӯзи 7 март дар ҷаҳон чӣ рух дод

Соли 1876 дастгоҳи телефон ихтироъ карда шуд.

Соли 1926 миёни Лондон ва Ню Йорк  алоқаи радиотелефонӣ барқарор карда шуд.

Соли 1966 Президенти вақти Фаронса Шарл Де Голл дар бораи мақсади баромадани Фаронса аз ҳайати ташкилоти ҳарбии Созмони Паймони Атлантикаи Шимолӣ хабар дод.

Соли 2013  маҷмӯаи ашъори шоирони муосири тоҷик бо номи "Бо чашми Рӯдакӣ" дар Беларус ба нашр расид. Ин китобро нашриёти "Звезда"-и Минск интишор карда, ба он адабиётшиноси маъруф Алес Карлюкевич пешгуфтор навиштааст.

Рӯзи 7 март дар Тоҷикистон чӣ рух дод

Соли 2013 дар чемпионати минтақавии Осиё дар пойтахти Шри Ланка-шаҳри  Коломбо дастаи футболи  ҷавонзанони Тоҷикистон (U-14) дастаи Бутанро бо ҳисоби 2:1 мағлуб намуд.

Соли 2016 хабар дода шуд, ки бо дастгирии сафорати Тоҷикистон дар назди кафедраи "Омӯзиши Осиёи Марказӣ"-и факултети "Муносибатҳои байналмилалӣ" — и Донишгоҳи Кангнами шаҳри Ёнгини Ҷумҳурии Корея шуъбаи забони тоҷикӣ ифтитоҳ карда шуд.

Соли 2017 дар шаҳри Душанбе машварати сиёсии байниидоравии Тоҷикистону Финландия баргузор гардид.

Ҷашнҳои рӯзи 7 март

  • Дар Албания – Рӯзи омӯзгор.
  • Дар Лаос – Рӯзи собиқадорон.
  • Дар Туркманистон – Рӯзи кормандони комплекси нақлиёт ва алоқа.

Рӯзи 7 март кӣ ба дунё омадааст

Шамсиддин Ашӯров (1962)- актёри театр.

Зулфия Баҳриддинова (1922-2013) – Рассоми халқии Тоҷикистон, Ходими шоистаи ҳунари ҷумҳурӣ, дорандаи Ҷойизаи давлатии ба номи Рўдакӣ.

Алӣ Бобоев (1936) – геолог, дорандаи Ҷойизаи давлатии ба номи Сино.

Сарвар Бурҳонова (1913-1998)- Китобдори Шоистаи Тоҷикистон.

Василий Кузин (1904 – 1978) – кинорежиссёр ва киноаператор, Ходими шоистаи ҳунари Тоҷикистон.

Ҷўра Латифов (1938) доктори илми таърих, профессор.

Дониёр Набиев (1962) – доктори илми техникӣ.

Ҳусейнов Мирзо Довуд (1894 – 1938) – арбоби ҳизбӣ (солҳои 1929-1932 Котиби якуми КМ ПК Тоҷикистон).

Достӣ Шарифов (1936) – муаррих, профессор.

22
Барчаспҳо:
ҷашн, Ҷаҳон, Тоҷикистон
Тарма дар роҳи Душанбе - Чаноқ

Дар Бадахшони Афғонистон 15 нафар зери тарма ҷон доданд

79
Тарма дар як гӯшаи дурдасти вилояти Бадахшони Афғонистон фаромадаст, ки зери назорати толибон қарор дорад

ДУШАНБЕ, 6 мар – Sputnik. Дар Афғонистон 15 нафар бар асари фаромадани баҳман ва ё тарма ҷон аз даст доданд.

Ба иттилои мақомоти Афғонистон, тарма рӯзи 4 март дар як гӯшаи дурдасти вилояти Бадахшони Афғонистон фаромад, ки он зери назорати толибон қарор дорад.

Макони фаромадани тарма рустои Зарандоб, ки дар ноҳияи Роғистон ҷойгир аст, гуфта мешавад. Дар ин макон кони тилло ҷойгир аст.

Масъулони Кумитаи ҳолатҳои фавқулодаи он кишвар хабар доданд, ки нахуст ҷасади 12 нафар аз зери тарма берун оварда шуд.

Сипас теъдоди қурбониёни ин офати табиӣ ба 15 нафар расид. Ҳамзамон панҷ нафари дигар бар асари фаромадани баҳман маҷрӯҳ шудаанд.

Дар Бадахшони Тоҷикистон бошад, рӯзи 24 феврал якбора 16 тарма дар масири Хоруғ - Ишкошим фаромад ва хушбахтона талафоти ҷонӣ дар пай надошт. Тарма танҳо барои чанд муддат баста шуд ва сипас бо талоши поксозони роҳ ин мушкилӣ бартарафгардид.

79
Барчаспҳо:
тарма, Афғонистон