Чин намояндагони Созмони ҷаҳонии тандурустиро ба Вуҳан роҳ дод

114
(Таҷдидшуда 16:30 30.01.2021)
Намояндагони Созмони ҷаҳонии тандурустӣ ҳамчунин аз бозоре дидан хоҳанд кард, ки тибқи баъзе маълумотҳо коронавирус аз он хуруҷ кардааст

ДУШАНБЕ, 30 янв — Sputnik. Чин намояндагони Созмони ҷаҳонии тандурустиро ба Вуҳан роҳ додааст.

Мутахассисони Созмони ҷаҳонии тандурустӣ ба бемористоне дар Вуҳони Чин, ки аввалин гирифторони коронавирус муолиҷа шуда буданд, ворид шуданд.

Онҳо тасмим доранд ҳамчунин аз як қатор озмоишҳое дидан кунанд, ки аввалин ташхисҳо гузаронида шуда буданд.

Мехоҳанд аз бозори фурӯши гӯшти паранда, ки бисёр вақт онро чун сарчаш маи аввали хуруҷи вирус медонанд, низ дидан кунанд. Вашингтон гуфт, ки тафтишу санҷиш бояд асоснок бошад ва натиҷаҳои он рушану мутмаин.

Шумори гирифторон ба вируси корона дар олам ба 102 миллиону 649 ҳазору 949 нафар расид ва бар асари ин беморӣ 2 миллиону 216 ҳазору 723 нафар ҷон бохтанд.

Дар шабонарӯзи гузашта боз 224 ҳазору 733 нафар мубталоёни нав сабт шуданд ва 6 576 тан ҷони худро аз даст доданд.

Замони эмгузаронӣ аз коронавирус дар Тоҷикистон маълум шуд: киҳо ваксин мегиранд?

Теъдоди муолиҷашудагон дар олам 74 миллиону 347 ҳазору 236 нафар эълон шуд ва гуфта мешавад, ки ҳамин лаҳзаҳо боз 109 ҳазору 431 нафар дар ҳоли вазнин мебошанд.

Дар ҳамин ҳол, хушбахтона дар Тоҷикистон шабонурӯзи гузашта ва инчуниналлакай давоми бештар аз ду ҳафта аст, ки коронавирус ба қайд гирифта нашуд.

114
Барчаспҳо:
вируси корона, Созмони ҷаҳонии тандурустӣ, Чин
Принц Саудовской Аравии М. ибн Салман Аль Сауд

Амрико дар куштори Хошуқҷӣ шаҳзодаи арабро муттаҳам мекунад

96
(Таҷдидшуда 19:58 27.02.2021)
Дар гузориши истихбороти ИМА қайд карда мешавад, ки шоҳзодаи валиаҳд рӯзноманигор Хошуқҷиро ҳамчун таҳдид ба Арабистони Саудӣ мешуморад

ДУШАНБЕ, 27 фев — Sputnik. Амалиёти боздошт ё куштани рӯзноманигор Ҷамол Хошуқҷӣ дар Истамбул, дар соли 2018 аз ҷониби шахсан валиаҳди Арабистони Саудӣ Муҳаммад бин Салмон тасдиқ карда шуда буд. Дар ин бора дар гузориши дафтари мудири иктишофи миллии ИМА омадааст, менависад РИА Новости.

Масъулони иктишоф муътақиданд, ки сатҳи шоҳзода аз болои тасмимгирӣ дар кишвар ба ҳадде баланд аст, ки ин бидуни ризоияти ӯ ба вуқӯъ намеомад.

"Валиаҳд Хошуқҷиро таҳдид ба подшоҳӣ арзёбӣ кард ва дар сурати зарурат барои хомӯш кардани ӯ истифодаи чораҳои зӯровариро дастгирӣ кард", - омадааст дар гузориш.

Дар ин санад омадааст, ки мақомоти Арабистони Саудӣ ин амалиётро тарҳрезӣ кардаанд ва 21 нафареро номбар кардаанд, ки ИМА онҳоро "бо итминони баланд" гумонбарони қатли Хошуқҷӣ қарор додааст. Дар айни замон, иктишоф наметавонад иддао кунад, ки шахсони алоқаманд медонистанд, ки ниҳояти ин амалиёт чӣ мешавад.

Пас аз интишори гузориши иктишофӣ, Котиби давлатии ИМА Энтони Блинкен аз ҷорӣ кардани "Таҳримҳои Хошуқҷӣ" хабар дод.

"Ин имкон медиҳад, ки маҳдудиятҳои раводид алайҳи шахсоне ҷорӣ карда шаванд, ки ҳангоми намояндагӣ аз ҳукуматҳои хориҷӣ ба амалҳои ҷиддии экстерриториявӣ алайҳи дигарандешон, аз ҷумла саркӯб кардан, таъқиб, мушоҳида кардан, таҳдид ё зарар расонидан ба рӯзноманигорон, фаъолон ва дигар шахсон анҷом додаанд ", - гуфт вай.

Пас аз интишори гузориш, арӯсшавандаи рӯзноманигори кушташуда Хадиҷа Ҷенгиз хештеги #justiceforjamal ("адолат барои Ҷамол") -ро дар Twitter нашр кард.

Гузоришгари вижаи СММ оид ба қатлҳои ғайриҳуқуқӣ Агнес Калламард аз Иёлоти Муттаҳида даъват кард, ки алайҳи валиаҳди Арабистони Саудӣ Муҳаммад бин Салмон таҳримот ҷорӣ кунанд.

"Ҳукумати Иёлоти Муттаҳида бояд алайҳи валиаҳд, тавре ки бо дигар ҷинояткорон кардааст, нисбати дороиҳои шахсии ӯ ва инчунин ӯҳдадориҳои байналмилалии худ таҳримот ҷорӣ кунад" гуфт ӯ дар изҳорот.

Дар навбати худ, мақомоти Арабистони Саудӣ хулосаҳои гузориши иктишофии ИМА дар бораи иштироки валиаҳд дар куштори Хошуқҷиро рад карданд.

"Ҳукумати Шоҳигарии Арабистони Саудӣ баҳои манфӣ, дурӯғин ва ғайри қобили қабул дар бораи ҳисоботи роҳбарияти Салтанатро, ки дар гузориш омадааст, комилан рад мекунад ва қайд мекунад, ки дар ин гузориш иттилоот ва хулосаҳои носаҳеҳ мавҷуд аст", - омадааст дар изҳороти Вазорати корҳои хориҷӣ.

Вазорати корҳои хориҷии салтанати Ховари Миёна инчунин қайд кард, ки байни ИМА ва салтанат "шарикии қавӣ" вуҷуд дорад.

Бернӣ Сандерс аз Трамп хост муколамаи телефониашро бо Муҳаммад бин Салмон ифшо намояд

Рӯзноманигори маъруфи саудӣ Ҷамол Хошуқҷӣ аз соли 2017 дар Иёлоти Муттаҳида зиндагӣ мекард ва дар Washington Post кор мекард. Вай моҳи октябри соли 2018 дар Истамбул кушта шуд.

Дар ибтидо мақомоти Арабистони Саудӣ нопадид шудани ӯро дар консулгарии Арабистон рад карданд, аммо пас аз муддате пас аз пайдо шудани сабтҳои видео ва аудио, онҳо эътироф карданд, ки Хошуқҷӣ "дар натиҷаи муноқиша бо масъулони консулгарӣ" кушта шудааст. Полиси Туркия ҳеҷ гоҳ натавонистааст ҷасади ӯро пайдо кунад.

Расонаҳои арабӣ версияҳоеро пешниҳод карданд, ки фармони куштори Хошуқҷӣ, ки амалҳои мақомоти Арабистони Саудиро танқид мекунад, метавонист ба довталаби тахти салтанат - шоҳзодаи валиаҳд дода шавад. Аммо, Вазорати корҳои хориҷии Салтанат изҳор дошт, ки валиаҳд бо ин ҷиноят ҳеҷ иртибот надорад.

96
Сотрудники службы безопасности Афганистана осматривают место взрыва бомбы в Кабуле, 20 декабря 2020

Ду ҷангҷӯи тоҷикистонӣ дар Афғонистон кушта шуданд

157
Эҳтимоли ғолиб кушташудаҳо аъзои гурӯҳи ДИИШ ҳастанд, ки ба дуруғ худро вобаста бо Толибон муаррифӣ мекунанд

ДУШАНБЕ, 27 фев — Sputnik. Ду ҷангҷӯи тоҷикистонӣ дар Афғонистон кушта шуданд, хабар медиҳад "Парс тудей" дар истинод ба "Топ Тиҷи".

Бино бар иттилои манбаъ, ду ҷангҷӯи тоҷикистонӣ дар даргирии ахири нерӯҳои амниятии Афғонистон бо гурӯҳи Толибон дар шаҳристони Нусайи вилояти Бадахшон кушта шудаанд.

Гуфта мешавад, Эшон Зайналобиддин, фармондори шаҳристони Нусайи вилояти Бадахшони Афғонистон гуфтааст, ки дар ин даргирӣ се нерӯи амниятӣ ва 9 узви гурӯҳи Толибон кушта шудаанд, ки ду нафар аз онон шаҳрвандони Тоҷикистон будаанд.

"Ҷасадҳои ин ду тоҷик ба номҳои Муҳаммадюнус ва Хизифа дар минтақаи Хугад ба хок супурда шудааст", - омадааст дар иттилои манбаъ.

Ӯ муътақид аст, ки авомили даргире бо нерӯҳои амниятӣ дар ин минтақа аъзои гурӯҳи ДИИШ ҳастанд, ки ба дуруғ худро вобаста бо Толибон муаррифӣ мекунанд.

Фармондори шаҳристони Нусайи вилояти Бадахшони Афғонистон ҳамкории наздики мақомоти амниятии Тоҷикистону Афғонистонро барои муқобила бо гурӯҳҳои террористӣ дар ин вилоят хостор шудааст то дар оянда дардисаре барои кишвари ҳамсоя эҷод нашавад.

Душанбе аз сарбозони кушташуда дар Афғонистон ёд кард: 11 акс аз маросими поси хотири онҳо

Пас аз ин даргирӣ генерал Анатолий Сидоров, раиси Ситоди кулли нерӯҳои мусаллаҳи Созмони Паймони Амнияти Дастаҷамъӣ (СПАД) теъдоди аъзои гурӯҳҳои террористӣ дар наздикии марзҳои Тоҷикистону Туркманистон дар шимоли Афғонистонро 15 ҳазор нафар эълом кард.

Вай афзуд, теъдоди нерӯҳои гурӯҳҳои террористӣ дар хоки Афғонистон низ ҳудӯди 70 ҳазор нафар аст.

Сидоров аз тасмими ин созмон барои баргузории 4 размоиши роҳбурдӣ дар наздикии марзи муштараки Тоҷикистон бо Афғонистон дар соли 2021 хабар дод.

157
Президент Туркменистана Гурбангулы Бердымухамедов, архивное фото

Ашқободҷон ё Пойтахтҷон: Бердимуҳаммадов ба навзодҳо ном мегузорад

140
Қурбонгулӣ Бердимуҳаммедов, раисҷумҳури Туркманистон феҳристе аз номҳои духтар ва писарро барои навзодҳо пешниҳод кардааст

ДУШАНБЕ, 27 фев — Sputnik. Қурбонгулӣ Бердимуҳаммадов ба навзодҳо ном мегузорад.

Тавре "Парс тудей" менависад, раисиҷумҳури Туркманистон барои навзодоне, ки қарор аст 25 майи соли 2021 ва дар 140-умин соли таъсиси Ашқобод мутаваллид шаванд, феҳристе аз номҳоеро пешниҳод кардааст.

 Туркманистон рӯзи шанбе Комиссиюни вижаи давлатиро барои созмондиҳии ин маросим эҷод кард ва Қурбонгулӣ Бердимуҳаммедов, раисиҷумҳури ин кишвар низ феҳристе аз номҳои духтар ва писарро барои хонаводаҳое, ки фарзандонашон 25 май ва ҳамзамон бо солгарди таъсиси Ашқобод (Aşgabat) мутаваллид мешаванд, пешниҳод кардааст.

"Раисиҷумҳури Туркманистон гуфта, ки ин иқдоми намодин аст, ки исми писари нахусти хонаводаро, ки 25 майи соли 2021 мутаваллид мешавад "Пойтахт" ё "Ашқобод" ва исми духтари нахустро ҳам " Марҷон" ё "Мая" бигузоранд", - менависад манбаъ.

Раисиҷумҳури Туркманистон ҳамчунин дастур додааст то ҳадяҳое барои ин навзодон, ки дар 25 моҳи май мутаваллид мешаванд, таҳия шавад.

Петар хабар дода шуд, ки раисиҷумҳури Туркманистон, Қурбонгулӣ Бердимуҳаммадов писарашро ба симмати муовини сарвазир таъйин кард.

Сардор Бердимуҳаммадов ба вазифаи муовини сарвазир ва раиси Палатаи олии назорат таъйин гардид. Гузашта аз ин, узви Шӯрои амнияти миллӣ низ интихоб шуд.

"Дунёи маънавии туркманҳо": нашри китоби дигари Бердимуҳаммадов, раҳбари Туркманистон

Кишвардори Туркманистон гуфтаст, ки тасмим гирифт, ба кабинаи вазирон боз як вазифаи муовини раисро ворид кунад. Ба гуфтаи ӯ, муовини нави раиси ҳукумат, Палатаи олии назоратро низ сарварӣ карда, узви Шӯрои амният хоҳад буд.

Вазифаҳои муовини сарвазир, рақамисозӣ ва ҷорӣ намудани технологияҳои инноватсионӣ дар системаи ташкилотҳои давлатӣ ва ҷамъиятӣ, тандурустӣ, маориф, молия ва иқтисодро дарбар мегиранд.

Ҳамзамон, Сардор Бердимуҳаммадов аз вазифаи вазири саноат ва истеҳсолоти сохтмон озод карда шуд.

140
Барчаспҳо:
номгузорӣ, навзод, Қурбонқулӣ Бердимуҳаммадов, Туркманистон