Боец смешанного стиля, чемпион абсолютного бойцовского чемпионата (UFC) в легком весе Хабиб Нурмагомедов

Раҳбари UFC беҳтарин размикор дар таърихи ММА - ро ном бурд: Ҳабиб?

789
(Таҷдидшуда 18:26 31.01.2021)
Раҳбари UFC Дана Уайт гуфт, кадом варзишкор ба фикри ӯ дар таърихи муҳориабаҳои омехта беҳтарин аст

ДУШАНБЕ, 31 янв — Sputnik. Раҳбари UFC Дана Уайт номи беҳтарин размикор дар таърихи ММА - ро ном бурд. Дар ин бора ӯ дар мусоҳиба бо TMZ нақл кард.

Ба гуфти Уайт қаҳрамони кунунии UFC варзишкори русиягӣ Ҳабиб Нурмуҳаммадов варзишкори беҳтарини имрӯзи ММА аст, вале на таърихан.

Раҳбари UFC қайд кард, ки ӯ Ҷон Ҷонсро дар таърихи ММА беҳтарин мешуморад. Ин варзишкор 28 маротиба вориди октагон шудааст ва 26 бор дар ин муборизаҳо дастболо шудааст.

Ёдрас мешавем, ки Ҳабиб Нурмуҳаммадов моҳи октябри соли 2020 аз хотимаи фаъолияти варзишияш эълон кард. Ӯ пас аз пирӯзӣ бар Гетҷӣ хулосаи худро гуфта буд. Нурмуҳаммадов гуфт, ки намехоҳад, бидуни сармураббии худ - падараш, ки тобистони соли 2020 дар паи бемории коронавирус ба ҳалокат расид, фаъолияташро идома диҳад.

Дар давоми карераи худ Ҳабиб 29 бор вориди октагон шудаву боре ҳам мағлуб нагардидааст.

Чанде пеш Нурмуҳаммадов изҳор дошт, ки раҳбарияти UFC талош дорад, ӯро ба октагон бозгардонад. Ба ӯ маблағи ҳангуфт ва рақибони гуногун пешниҳод мешаванд, вале варзишкор мегӯяд, ӯро дар ҳайрат гузоштан душвор аст.

Ҳамсари Поре пас аз анҷоми рақобат ба утоқи Макгрегор даромад - видео

"Эҳтимоли ҷанг кардан, намехоҳам, ки чунин эҳтимол умуман бошад", - гуфт Ҳабиб дар посух ба суоли бозгашт ба майдон.

Ӯ қайд кард, ки бо раҳбарияти UFC, Дана Уайт дар тамос аст ва охирӣ бисёр мехоҳад, ки ӯро ба октагон бозгардонад.

789
Барчаспҳо:
ҷаҳон, беҳтарин, размикор, Ҳабиб Нурмуҳаммадов, қаҳрамони UFC, ММА
Абдул Рашид Дустум. Архивное фото

Дустум ба Толибон ҳушдор дод

390
Генерал Абдуррашид Дустум, ки ихтилофоти бисёре бо Ашрафғанӣ-раиси ҷумҳӯрии Афғонистон доштааст, пас аз ҳудуди ду сол рӯзи гузашта вориди Кобул шуд

ДУШАНБЕ, 28 фев – Sputnik. Генерал Абдуррашид Дустум аз фармондеҳони машҳeри ҷиҳодии Афғонистон ба Толибон (гурӯҳи террористӣ мамнӯъ дар Тоҷикистон) ҳушдор дод, ки ба хушунату қатли оми мардум поён диҳанд.

Бино бар иттилои "Парс тудей", раиси Ҷумбиши миллӣ-исломии Афғонистон, ки дар чаҳор даҳаи ҷанги ин кишвар аз ҷумла бо Шуравӣ ва Толибон таҷрибаи арзанда дорад хитоб ба Толибон гуфт: Ҳамла ба занон, кудакон, хабарнигорон ва кормандони расонаҳо, ки ҳеч гуна дифое аз худ надоранд, таҷовуз ба ҳуқуқи инсонҳо ва каромати инсонӣ аст .

Генерал Абдуррашид Дустум, ки ихтилофоти бисёре бо Ашрафғанӣ-раиси ҷумҳӯрии Афғонистон доштааст, пас аз ҳудуди ду сол рӯзи гузашта вориди Кобул шуд.

"Агар гуфтугуҳои сулҳ ба шикаст мунҷар шавад, дар ҷанг ширкат хоҳад кард ва ба яқин нерӯҳои тарафдори ӯ ин гурӯҳи ҷангталабро шикаст хоҳанд дод", - таъкид кард вай.

Дустум афзудааст, ки Афғонистон дар шароити ҳассосе қарор дорад ва бояд тамоми гурӯҳҳо бо давлати Ашрафғанӣ муттаҳид шаванд, то манотиқи таҳти тасарруфи Толибонро озод кунанду оромишро ба зиндагии мардум боз гардонанд.

Вазири корҳои хориҷа: Тоҷикистон иртиботе бо Толибон надорад ва гуфтушунид низ накардааст

Раиси Ҷумбиши миллӣ-исломии Афғонистон рӯзи шанбе пас аз вуруд ба шаҳри Кобул мавриди истиқболи Абдуллоҳ Абдуллоҳ-раиси Шӯроии олии мусолиҳаи миллии Афғонистон ва ҷамъи зиёде аз шаҳрвандону чеҳраҳои сиёсӣ қарор гирифт.

Дустум қарор аст бо Ашрафғанӣ-раиси ҷумҳӯрӣ ва шуморе аз шахсиятҳои сиёсӣ ва ҷиҳодии Афғонистон низ дидор ва дар бораи охирин таҳаввулоти ин кишвар гуфтугӯ кунад.

390
Принц Саудовской Аравии М. ибн Салман Аль Сауд

Амрико дар куштори Хошуқҷӣ шаҳзодаи арабро муттаҳам мекунад

222
(Таҷдидшуда 19:58 27.02.2021)
Дар гузориши истихбороти ИМА қайд карда мешавад, ки шоҳзодаи валиаҳд рӯзноманигор Хошуқҷиро ҳамчун таҳдид ба Арабистони Саудӣ мешуморад

ДУШАНБЕ, 27 фев — Sputnik. Амалиёти боздошт ё куштани рӯзноманигор Ҷамол Хошуқҷӣ дар Истамбул, дар соли 2018 аз ҷониби шахсан валиаҳди Арабистони Саудӣ Муҳаммад бин Салмон тасдиқ карда шуда буд. Дар ин бора дар гузориши дафтари мудири иктишофи миллии ИМА омадааст, менависад РИА Новости.

Масъулони иктишоф муътақиданд, ки сатҳи шоҳзода аз болои тасмимгирӣ дар кишвар ба ҳадде баланд аст, ки ин бидуни ризоияти ӯ ба вуқӯъ намеомад.

"Валиаҳд Хошуқҷиро таҳдид ба подшоҳӣ арзёбӣ кард ва дар сурати зарурат барои хомӯш кардани ӯ истифодаи чораҳои зӯровариро дастгирӣ кард", - омадааст дар гузориш.

Дар ин санад омадааст, ки мақомоти Арабистони Саудӣ ин амалиётро тарҳрезӣ кардаанд ва 21 нафареро номбар кардаанд, ки ИМА онҳоро "бо итминони баланд" гумонбарони қатли Хошуқҷӣ қарор додааст. Дар айни замон, иктишоф наметавонад иддао кунад, ки шахсони алоқаманд медонистанд, ки ниҳояти ин амалиёт чӣ мешавад.

Пас аз интишори гузориши иктишофӣ, Котиби давлатии ИМА Энтони Блинкен аз ҷорӣ кардани "Таҳримҳои Хошуқҷӣ" хабар дод.

"Ин имкон медиҳад, ки маҳдудиятҳои раводид алайҳи шахсоне ҷорӣ карда шаванд, ки ҳангоми намояндагӣ аз ҳукуматҳои хориҷӣ ба амалҳои ҷиддии экстерриториявӣ алайҳи дигарандешон, аз ҷумла саркӯб кардан, таъқиб, мушоҳида кардан, таҳдид ё зарар расонидан ба рӯзноманигорон, фаъолон ва дигар шахсон анҷом додаанд ", - гуфт вай.

Пас аз интишори гузориш, арӯсшавандаи рӯзноманигори кушташуда Хадиҷа Ҷенгиз хештеги #justiceforjamal ("адолат барои Ҷамол") -ро дар Twitter нашр кард.

Гузоришгари вижаи СММ оид ба қатлҳои ғайриҳуқуқӣ Агнес Калламард аз Иёлоти Муттаҳида даъват кард, ки алайҳи валиаҳди Арабистони Саудӣ Муҳаммад бин Салмон таҳримот ҷорӣ кунанд.

"Ҳукумати Иёлоти Муттаҳида бояд алайҳи валиаҳд, тавре ки бо дигар ҷинояткорон кардааст, нисбати дороиҳои шахсии ӯ ва инчунин ӯҳдадориҳои байналмилалии худ таҳримот ҷорӣ кунад" гуфт ӯ дар изҳорот.

Дар навбати худ, мақомоти Арабистони Саудӣ хулосаҳои гузориши иктишофии ИМА дар бораи иштироки валиаҳд дар куштори Хошуқҷиро рад карданд.

"Ҳукумати Шоҳигарии Арабистони Саудӣ баҳои манфӣ, дурӯғин ва ғайри қобили қабул дар бораи ҳисоботи роҳбарияти Салтанатро, ки дар гузориш омадааст, комилан рад мекунад ва қайд мекунад, ки дар ин гузориш иттилоот ва хулосаҳои носаҳеҳ мавҷуд аст", - омадааст дар изҳороти Вазорати корҳои хориҷӣ.

Вазорати корҳои хориҷии салтанати Ховари Миёна инчунин қайд кард, ки байни ИМА ва салтанат "шарикии қавӣ" вуҷуд дорад.

Бернӣ Сандерс аз Трамп хост муколамаи телефониашро бо Муҳаммад бин Салмон ифшо намояд

Рӯзноманигори маъруфи саудӣ Ҷамол Хошуқҷӣ аз соли 2017 дар Иёлоти Муттаҳида зиндагӣ мекард ва дар Washington Post кор мекард. Вай моҳи октябри соли 2018 дар Истамбул кушта шуд.

Дар ибтидо мақомоти Арабистони Саудӣ нопадид шудани ӯро дар консулгарии Арабистон рад карданд, аммо пас аз муддате пас аз пайдо шудани сабтҳои видео ва аудио, онҳо эътироф карданд, ки Хошуқҷӣ "дар натиҷаи муноқиша бо масъулони консулгарӣ" кушта шудааст. Полиси Туркия ҳеҷ гоҳ натавонистааст ҷасади ӯро пайдо кунад.

Расонаҳои арабӣ версияҳоеро пешниҳод карданд, ки фармони куштори Хошуқҷӣ, ки амалҳои мақомоти Арабистони Саудиро танқид мекунад, метавонист ба довталаби тахти салтанат - шоҳзодаи валиаҳд дода шавад. Аммо, Вазорати корҳои хориҷии Салтанат изҳор дошт, ки валиаҳд бо ин ҷиноят ҳеҷ иртибот надорад.

222
Горы в  Таджикистане, архивное фото

Қарорҳои Ҳукумат барои тағйири номҳо: аз номи нави фурудгоҳи Хоруғ то қуллаи Боми Ҷаҳон

0
(Таҷдидшуда 22:03 28.02.2021)
Ҳукумати ҷумҳурии Тоҷикистон бо қабули як қатор қарорҳо пешниҳоди вакилони маҳаллиро барои тағйири номи муассисаҳо ва мавзеъҳои ҷуғрофӣ дар ВМКБ ҷонибдорӣ кардааст

ДУШАНБЕ, 28 фев – Sputnik. Қарорҳои Ҳукумати Тоҷикистон дар бораи номгузориҳои ҷадид зимни Маҷлиси вакилони халқи ВМКБ қироат карда шуданд.

Тибқи иттилои котиботи ҳукумати ВМКБ, фурудгоҳи шаҳри Хоруғ ба номи собиқ сардори фурудгоҳи мазкур, корманди шоистаи авиатсия ва нақлиёти ҷумҳурӣ, Махсутшоев Дилдорбек гузошта шуд.

Ҳукумати Тоҷикистон инчунин қарори Маҷлиси вакилони халқи ноҳияи Ишкошимро дар бораи тағйир додани номи қуллаи Комсомоли Украина ҷонибдорӣ намудааст. Номи нави ин қулла Боми Ҷаҳон мебошад.

Инчунин Ҳукумат қарори маҷлиси вакилони халқи ноҳияи Дарвоз дар бораи номгузорӣ намудани мактаби №39-и деҳаи Пастироҳи ноҳияи Дарвоз ба номи Сафаров Сафар ва мактаби № 23 –и деҳаи Жаки ноҳияи Дарвоз ба номи Исломов Садриддинро тасдиқ кардааст.

Маҷлиси вакилони халқи ВМКБ дар бораи номгузориҳои ҷадид қарорҳои дахлдорро қабул намудааст.

0
Барчаспҳо:
Хоруғ, фурудгоҳ, Тоҷикистон