Хушнудии Абдулоҳ Абдуллоҳ аз гузоштани лавҳаи ёдгории Аҳмадшоҳ Масъуд дар Париж

311
(Таҷдидшуда 19:18 03.02.2021)
Шаҳрдории Порис қарор дод, ки ба хотири бузургдошти як муборизи афғонистонӣ, Аҳмадшоҳ Масъуд лавҳаи ёдгорӣ гузорад. Ин иқдоми шаҳрдорӣ боиси пазироии ҳаводорони фармондеҳи тоҷиктабор гаштааст

ДУШАНБЕ, 3 фев — Sputnik. Абдуллоҳ Абдуллоҳ, раиси Шӯрои олии мусолиҳаи миллии Афғонистон, аз хабари лавҳагузорӣ ба қаҳрамони миллии Афғонистон изҳори хушнудӣ намудааст.

Ӯ дар саҳифаи Фейсбук навиштааст, "аз ин иқдоми нек ва баҷои Шӯрои шаҳрдории Порис истиқбол ва ибрози ташаккур мекунем".

Дар зимн, пештар муовини шаҳрдори Порис, Арноуд Гатча хабар дод, ки Шӯрои шаҳрдории Париж ба гузоштани лавҳаи ёдгорӣ дар ноҳияи 8-уми шаҳр ба қумандон Масъуд овоз дод.

"Париж нахустин шаҳре дар ҷаҳон аст, ки пас аз 20 соли марги озодихоҳе, ки барои озодии Афғонистон аз Толибон меҷангид, ӯро қадрдонӣ кард", - навишт Гатча.

Тавре Абдуллоҳ Абдуллоҳ, ки яке аз ҷонибдорон ва дӯстони Масъуд баршуморида мешавад, навиштааст, бо масрурӣ иттилоъ ёфтем, ки Шӯрои шаҳрдории Париж файсала намудаст, то нишонеро дар ноҳияи 8-уми ин шаҳр барои ёдбуд аз шаҳид Аҳмадшоҳ Масъуд, қаҳрамони миллии кишвар насб намояд.

"Ин иқдом ба поси муборизоти озодихоҳона ва сулҳҷӯёнаи қаҳрамони миллӣ ва ҳурмат гузоштан ба андешаҳои озодибахши ӯ сурат гирифтааст", - афзудааст Абдуллоҳ.

Ёди Давлат Усмон аз вохӯриҳо бо Масъуд: суҳбат аз Тоҷикистон, Ҳикматёр, хости ИМА ва марг

Аҳмадшоҳ Масъуд, лақабаш шери Панҷшер, фармондеҳи маъруфи афғонистонӣ ва вазири вақти мудофиаи Афғонистон ва Қаҳрамони миллии Афғонистон аст. Ӯ дар дараи Панҷшери Афғонистон, дар хонаводаи тоҷик ба дунё омадааст.

Масъуд байни тоҷикистониён низ маҳбубияти зиёд дорад. Арҷгузории сокинони кишварро тариқи навиштаҳояшон дар шабакаҳои иҷтимоӣ ва пӯшидани либос бо акси Масъуд ва ё кулоҳи бо ном пакул, ки доим дар сари Аҳмадшоҳ буд, метавон мушоҳида кард.

311
Барчаспҳо:
бузургдошт, лавҳа, қаҳрамон, Афғонистон, Тоҷикистон, Аҳмадшоҳ Масъуд
Тарма дар роҳи Душанбе - Чаноқ

Дар Бадахшони Афғонистон 15 нафар зери тарма ҷон доданд

58
Тарма дар як гӯшаи дурдасти вилояти Бадахшони Афғонистон фаромадаст, ки зери назорати толибон қарор дорад

ДУШАНБЕ, 6 мар – Sputnik. Дар Афғонистон 15 нафар бар асари фаромадани баҳман ва ё тарма ҷон аз даст доданд.

Ба иттилои мақомоти Афғонистон, тарма рӯзи 4 март дар як гӯшаи дурдасти вилояти Бадахшони Афғонистон фаромад, ки он зери назорати толибон қарор дорад.

Макони фаромадани тарма рустои Зарандоб, ки дар ноҳияи Роғистон ҷойгир аст, гуфта мешавад. Дар ин макон кони тилло ҷойгир аст.

Масъулони Кумитаи ҳолатҳои фавқулодаи он кишвар хабар доданд, ки нахуст ҷасади 12 нафар аз зери тарма берун оварда шуд.

Сипас теъдоди қурбониёни ин офати табиӣ ба 15 нафар расид. Ҳамзамон панҷ нафари дигар бар асари фаромадани баҳман маҷрӯҳ шудаанд.

Дар Бадахшони Тоҷикистон бошад, рӯзи 24 феврал якбора 16 тарма дар масири Хоруғ - Ишкошим фаромад ва хушбахтона талафоти ҷонӣ дар пай надошт. Тарма танҳо барои чанд муддат баста шуд ва сипас бо талоши поксозони роҳ ин мушкилӣ бартарафгардид.

58
Барчаспҳо:
тарма, Афғонистон
Крокодил, архивное фото

Дар Индонезия тимсоҳ кӯдакро фурӯ бурд: шикамашро чок карда, ӯро бароварданд

1679
(Таҷдидшуда 19:16 06.03.2021)
Ҳарчанд падари кӯдак зуб бохабар шуд ва хост фарзандашро наҷот диҳад, вале тимсоҳ зуд худро ба даруни об андохта нопадид шуд

ДУШАНБЕ, 6 мар – Sputnik. Дар рӯдхонаи Темпакули Индонезия як фоҷиаи мудҳиш рух дод. Ба ҳангоми моҳидории падару писар, пимсоҳ ба кӯдак ҳамла намуда, ӯро комилан фурӯ бурд, менависад The ​​Sun.

Ба иттилои манбаъ, хазандаи шаш метра ҳангоми аз соҳил дур шудани падар ба фарзанди 8 - солаи ӯ ҳамла кард.

Вақте ки мард баргашт, ӯ кӯшиш кард, ки даррандаро набард кунаду фарзандашро наҷот диҳад, вале тимсоҳ зуд худро дар об нопадид  кард.

Манбаъ меафзояд, сокинони маҳаллӣ танҳо рӯзи дигар тимсоҳро дастгир намуданд. Онҳо шиками хазандаро чок карда, аз меъдаи ӯ кӯдакро берун оварданд.

Ҳарчанд ба кӯдак осебе нарасидааст, аммо ӯ мурда буд.

Ҳамин гуна ҳолат дар Филиппин соли 2019 рух дод. Хазанда ба наврас дар ҳоле ҳамла кард, ки ӯ ва бародари хурдиаш дар дарёи маҳаллӣ шиноварӣ мекарданд.

Даҳшат: тимсоҳи азимҷусса сагро дар пеши соҳибаш фурӯ бурд - видео

Он замон тимсоҳ аз дасти чапи кӯдак газида, ӯро ба қаъри дарё кашиданӣ буд, аммо падараш тавонист фарзанди худро наҷот диҳад.

Мард барои наҷоти фарзанд, тимсоҳро аз чанд ҷо газид, ки дар натиҷа ӯ кӯдакро раҳо кард ва худ зери об рафт.

1679
Барчаспҳо:
кӯдак, тимсоҳ, Индонезия