Трейдер на в Нью-Йоркской фондовой бирже

Мавҷи нав: болоравии нархи нафт пешгӯӣ шуд

247
(Таҷдидшуда 18:11 17.02.2021)
Коршиносон ва мутахасисони аз болоравии нархи нафт ва талабот ба он дар бозорҳои ҷаҳонӣ хушбин шуданд. Коршиносон умедворанд, ки ин болоравӣ ба барқарорсозии иқтисоди ҷаҳон кумак хоҳад кард

ДУШАНБЕ, 17 фев — Sputnik. Дар ҳоле, ки ҳама фикри он ҳастанд, ки кай талабот ба нафт, ки бар асари пандемия коҳиш ёфта буд барқарор мешаваду, то кай нархҳои баланд боқӣ мемонанд, коршиносони яке аз бузургтарин бонкҳои сармоягузори ҷаҳон, JP Morgan Chase, эълон намуданд, ки дар бозорҳои фурӯши нафт давраи супер болоравии нафт оғоз ёфт – ин болоравӣ бори панҷум дар сад соли охир будааст.

Барқарории ноустувор

Дар соли 2020, саноати истихроҷи нафт якчанд мавҷи коҳишёбиро паси сар кард. Ба ин раванд чанд омил таъсир расонд. Яке аз омили муҳими таъсиррасон ин аз ҳад зиёд истеҳсол намудани нафт ва ба шадат коҳиш  ёфтани талабот ба он мебошад. Ҳамчунин ба ин раванд пандемия ва маҳдудиятҳо низ дар бархе кишварҳо таъсир расонидааст. Дар моҳи март нархи нафт бештар аз ду баробар поин рафт.  Аммо бо вуҷуди ин, дар охири фасли тирамоҳ, бозори нафт як такони ҷиддиро ҳис кард - хабари озмоишҳои муваффақи ваксинаҳои ғарбӣ, натиҷаи интихоботи президентии Амрико.

Ҷо Байден ҷонибдори технологияҳои сабз аст ва ба фарқ аз Доналд Трамп, намехоҳад ширкатҳои нафтии Амрикоро дастгирӣ кунад. Алакай то моҳи январ,арзиши нафт дар бозорҳои ҷаҳонӣ боло рафт. Болоравии нархи нафт дар пасманзари қарорҳои навбатии ОПЕК+ дар бораи маҳдуд кардани истеҳсолот сурат гирифт. Дар натиҷа, ҳоло як арзиши як бушка нафт ба 63 доллар расид.

Ин раванд аз он шаҳодат медиҳад, ки бозори нафт барқарор мешавад ва шароити рушди минбаъда, низ пеш аз ҳама, аз ҳисоби эҳёи талабот дар кишварҳои Осиё, ки онҳо барои гузаштан ба энергияи сабз шитоб намекунанд, ба вуҷуд омада истодааст.

Аммо як моҳ пеш, пешгӯиҳо бинобар вазъи ноустувор чандон хушбин набуданд. Ҳамин тариқ, Агентии байналмилалии рейтингии Fitch хабар додааст, ки тағироти мусбатро дар ин соҳа танҳо метавон пас аз эмгузаронии сартосарӣ интизор шуд. Таҳлилгарон таъкид карданд ҳатто дар ҳамин ҳолат низ беҳбудиҳо дар сатҳи мӯътадил хоҳанд буд.

Доираи панҷум

Аммо тавре, ки дар аввали моҳи феврал мутахассисони бонки бузурги сармоягузори JP Morgan Chase эълом доштанд, дар бозори нафт даври нави афзоиш аллакай оғоз ёфт. Онҳо ба нишонаҳои зерин ишора мекунанд: болоравии нархи маҳсулоти кишоварзӣ, металлҳо ва аз 50 доллар боло рафтани як бушка нафт.

Дар ҳамин ҳол, Bloomberg эълон доштааст, ки нафт "роҳи боэътимоди раҳоӣ аз қаъри пандемияро нишон медиҳад, зеро ҳаҷми изофаи нафт дар тамоми ҷаҳон коҳиш меёбад".

Тамоюли устувор

Тамоюли болоравии дарозмуҳлати арзиш дар бозори нафт эҳтимол дорад, зеро маҷалаи Wall Street ба зуд барқароршавӣ иқтисод баъд аз пандемия боварӣ дорад.

Болоравии арзиши нафт дар бозорҳоро на танҳо JP Morgan Chase, балки дигар муассисаҳои молиявӣ, ба монанди Goldman Sachs Group, Bank of America, Ospraie Management интизоранд. Далелҳо монанд ҳастанд - барномаҳои васеи ҳавасмандгардонӣ барои дастгирии иқтисод ва ваксинаҳои оммавӣ.

Аз ҷумла, Goldman Sachs дар семоҳаи чорум арзиши як бушка нафти Brent-ро 65 доллар тахмин мезанад.

Бонки дигари амрикоӣ Bank of America арзиши як бушка нафтро ҳудуди 60 доллар пешбинӣ кардааст.

ОПЕК ва Агентии Байналмилалии Энергетика (IEA) низ пешгӯӣ карданд, ки дар нимаи дуюми сол талабот нисбат ба истеҳсолот зудтар афзоиш меёбад ва ин раванд "захираҳои" нафти зиёдро, ки аз аввали пандемия ҷамъ шудаанд, кам мекунад.

Дар ҳамин ҳол, коршиносони Citigroup барои як бушка нафти навъӣ Brent 70 доллар ва барои WTI 68 доллар тахмин мезананд. Коҳиши истеҳсолот аз ҷониби Арабистони Саудӣ ба кам кардани захираҳои рекордӣ кумак хоҳад кард.

247
Барчаспҳо:
коршиносон, талабот, бозор, нафт, Амрико
Премьер-министр Никол Пашинян проходит по улицам столицы (25 февраля 2021). Еревaн

Пашинян мегӯяд, ба ҳеҷ ваҷҳ тарки Арманистонро намекунад

20
(Таҷдидшуда 17:57 25.02.2021)
Сарвазири Арманистон Никол Пашинян сару садоҳо дар мавриди берун рафтани ӯ аз қаламрави кишварро шарҳ дода, мегӯяд, нияти тарк кардани ватанро надорад

ДУШАНБЕ, 25 фев — Sputnik. Сарвазири Арманистон Никол Пашинян зимни эътироз бо ҷонибдорони худ дар маркази Ереван изҳор дошт, ки аз Арманистон берун намеравад.

Қаблан Telegram-канал, хабар дод, ки ҳавопаймои махсус аллакай омода аст ва дар сурати бад шудани вазъият Пашинян зуд ватанро тарк мекунад.

Ситоди генералии Арманистон истеъфои Пашинянро талаб кард

Аммо сарвазир ин гуна маълумоҳоро терроризми иттилоотӣ номида гуфт, "ҳар чӣ мардуми мо бо ингуна ахборот одат кардаанд".

"Ман нияти тарк карадни давлатро надорам ва ба ҳеҷ ваҷҳ аз Арманистон берун намеравам. Хонаводаи ман ҳам дар ҳамин ҷо аст. Шумо ҳоло худ шоҳид мешавад, зеро онҳо маҳз ба мо ҳамроҳ мешаванд", - афзуд Пашинян.

Аз наворҳо маълум аст, ки зимни эътирозҳо, Пашинянро писари ӯ Ашот ҳамроҳӣ мекунад.

Бӯҳрони сиёсӣ дар Арманистон пас аз он шиддат гирифт, ки Ситоди Генералии Қувваҳои Мусаллаҳ рӯзи 25 феврал истеъфои сарвазирро талаб кард ва гуфт, ки роҳбарияти сиёсӣ давлатро ба дами хатар мерасонад. Ин пас аз он рух дод, ки сарвари ҳукумат муовини аввали сардор генерал-лейтенант Тиран Хачатрянро, ки қаблан изҳороти сарвазирро дар бораи Искандар танқид карда буд, аз вазифа сабукдӯш кард.

Занозанӣ дар Ереван: ҷонибдорону мухолифони Пашинян вориди муноқиша шуданд - навор

Дар посух, сарвазир дар бораи кӯшиши табаддулот эълон кард ва шаҳрвандонро даъват кард, ки дар майдони ҷумҳурӣ ба хотири "дифоъ аз инқилоб" ҷамъ оянд.

Вай инчунин гуфт, ки дар бораи аз вазифа сабукдӯш кардани Сардори Ситоди Генералии Арманистон Оник Гаспарян қарор имзо кардааст. Аммо, президент то ҳол зери ин санад имзо нагузоштааст.

20
Барчаспҳо:
тарк, Арманистон, Никол Пашинян

Дар Чин ягон камбизоат намонд? Син Ҷинпин аз пирӯзӣ бар фақр хабар дод

65
Кишвардори Чин мегӯяд, давоми ҳашт соли ахир тақрибан 100 миллион нафар дар ин кишвар тавонист аз фақр берун оянд

ДУШАНБЕ, 25 фев — Sputnik. Раиси Ҷумҳурии Мардумии Чин Син Ҷинпин аз пирӯзии давлаташ бар камбизоативу нодорӣ хабар дод, менависад агентии "Синхуа".

Ба иттилои манбаъ, кишвадори Чин дар ин бора зимни суханронӣ дар ҳамоиш бахшида ба натиҷаҳои мубориза бо камбизоатӣ иброз дошт.

Ба гуфтаи роҳбари Чин, дар тӯли ҳашт соли охир тақрибан 100 миллион нафар дар ин кишвар тавонистанд аз сатҳи камбизоатӣ бароянд.

"Ба туфайли саъю кӯшиши якҷояи Ҳизби коммунистӣ ва халқи Чин мо дар мубориза ба муқобили камбизоатӣ ғалабаи комил ба даст овардем", - шарҳ дод Ҷинпин.

Ӯ инчунин зикр кард, ки тайи солҳои охир 98,99 миллион нафар сокинони деҳот аз сатҳи камбизоатӣ бароварда шуданд.

Илова бар ин, ӯ хабар дод, ки 832 шаҳристон ва 128 ҳазор деҳа аз рӯйхати минтақаҳои камбизоати Чин хориҷ карда шуданд.

"Бо чунин муваффақиятҳо Чин мӯъҷизаи дигаре эҷод кард, ки дар таърих боқӣ хоҳад монд", - илова намудаст роҳбари Чин.

Бояд тазаккур дод, ки бори аввал Син Ҷинпин ғояи коҳиши мақсадноки камбизоатиро ҳанӯз соли 2013 зимни сафари санҷишӣ ба музофоти Хунан дар маркази Чин эълон карда буд.

Аз оғози сиёсати ислоҳот ва бози Ҷумҳурии Мардумии Чин, ки аз охири солҳои 70-уми асри гузашта амалӣ мешавад, 770 миллион сокини деҳот аз камбизоатӣ раҳо карда шуданд.

65
Барчаспҳо:
фақр, пирӯзӣ, Чин
Пассажиры в зале ожидания аэропорта в городе Худжанде

Аз рухсатии бемузди кормандон то қарзи маош: зарбаи ҷиддии пандемия ба Фурудгоҳи Хуҷанд

0
(Таҷдидшуда 17:36 25.02.2021)
Парвоз нест, даромад ҳам нест: гуфта шуд, ки COVID-19, чи қадар ба хазинаи Фурудгоҳи Хуҷанд зарба задааст

ДУШАНБЕ, 25 фев – Sputnik. Бино ба маълумоте, ки имрӯз зимни нишасти матбуотӣ ироа гардид, дар қиёс ба соли 2019, сатҳи даромади Фурудгоҳи байналмилалии Хуҷанд соли гузашта 122 милиону 848 ҳазор сомонӣ кам шудааст.

Соли 2019 ин корхонаи вилояти Суғд ба андозаи 81 миллиону 660 ҳазор сомонӣ даромади соф ба даст оварда буд.

Юсуф Маюсуфов, котиби матбуотии Фурудгоҳи Хуҷанд иброз намуд, ки ба дунболи коҳиш ёфтани сатҳи даромад ҳаҷми хароҷот ҳам дар ин давра ба маблағи 34 милиону 819 ҳазор сомонӣ кам гардид.

“Фурудгоҳ натиҷаҳои молиявии худро дар соли 2020 ба маблағи 6 милиону 368 ҳазор сомонӣ зарар ҷамбаст намудааст”, гуфт Маюсуфов.

Масъулин дар нишасти матбуотӣ иброз намуданд, ки соли 2020, аз 2592 адад ҷамъи хатсайрҳои банақшагирифташуда, танҳо 619 парвоз сурат гирифта, бо сабаби хуруҷи пандемияи COVID-19, 1979 парвози ҳавопаймоӣ иҷро нашудааст.

Фурудгоҳи Хуҷанд дар давраи ҳисоботӣ ба 152 621 мусофир хизмат расонидааст, ки ин рақам нисбат ба ҳамин давраи соли 2019, 77 % коҳиш ёфтааст.

“Соли гузашта 94 ҳазору 528 мусофир гусел карда шуда ва ҳамагӣ 58 ҳазору 93 мусофир қабул карда шудааст. Ин нишондиҳандаҳо дар муқоиса ба соли 2019, 510 ҳазору 814 мусофир кам гуфта мешавад”, гуфта шуд дар нишасти матбуотӣ.

Парвозҳо дар Фурудгоҳи байналмилалии Хуҷанд аз ҷониби ширкати ватании “Somon Air” ва ширкатҳои байналмиллалии “Сибир”, “Ют Эйр”, “Уралские авиалинии”, “Рус Аэро”, “Tianjin Airnines” ва “Bon Air Havacilik” анҷом дода шудааст.

Роҳбарони Фурудгоҳи Хуҷанд ҳамчунин гуфтанд, ки бинобар қатъ гардидани парвозҳои мунтазами ҳавопаймоӣ ва коҳиш ёфтани ҳаҷми кору хизматрасонӣ, шурӯъ аз моҳи марти соли 2020, 70 % ё ҳудуди 600 нафар аз 824 кормандро ба рухсатии бемузд фиристодаанд.

Коҳиши парвозҳо: ширкатҳои ҳавоию фурудгоҳҳо чанд миллиард зарар диданд?

Айни ҳол маблағи қарзи музди меҳнати кормандони ин корхона ба 1 миллиону 90 ҳазор сомонӣ баробар шудааст.

Қаблан Кумитаи андози Тоҷикистон низ гуфта буд, солҳои қаблӣ бо фурудгоҳҳо мушкил дар андозсупорӣ надошт, аммо имсол Фурудгоҳи байналмилалии Хуҷанд 31 миллион сомонӣ қарздор шудааст.

Масъулин таъкид меварзанд, ки Фурудгоҳи Хуҷанд барои қабул ва гусели парвозҳои байналмилалӣ омода аст.

0
Барчаспҳо:
парвоз, фурудгоҳ, Суғд, Тоҷикистон