Люди идут по новому подземному пешеходному переходу в Москве.

Олимон ҷаҳонро боз бо вируси Нипаҳ метарсонанд: аз коронавирус гӯё мудҳиштар аст

2981
(Таҷдидшуда 19:29 21.02.2021)
Вируси марговари Нипаҳ метавонад барои инсоният чолиши нав шавад, дар муқоиса бо он, коронавирус қариб ҳеҷ аст

ДУШАНБЕ, 21 фев — Sputnik. Ба ҷои коронавирус метавонад парамиксовирус пайдо шавад, ки барои тамоми инсоният таҳдиди марговар дорад, менависад РИА Новости бо истинод ба The Sun.

Ребекка Долланд, раиси кафедраи биохимияи молекулавӣ ва ҳуҷайравии Донишгоҳи Кентуккӣ, ҳушдор додааст, ки вирусе бо номи Нипаҳ комилан қодир аст, ки пандемияи нав эҷод кунад.

Ӯ мегӯяд, миқёси онро на бо миқёси COVID-19, балки бо миқёси Марги Сиёҳ (ин номи пандемияи дуввуми вабо дап таърих аст, ки муддати тӯлонӣ давом кард ва ҷони даҳҳо миллион нафарро рабуд) муқоиса кард.

Меъёри фавт аз Нипаҳ аз 45% то 75% -ро ташкил медиҳад, дар ҳоле, кифавт аз коронавирус ба маротиб камтар буд. Илова бар ин,Датч қайд кард, ки Нипаҳ метавонад мутатсия кунад ва зараровартар шавад.

Донишманди дигар доктор Мелани Севиля низ дар тасдиқи суханони ҳамкасби худ қайд кард, ки ҷаҳон бояд ба пандемияи "хеле калон" омодагӣ гирад.

Ҳамзамон, нависандаи экологӣ ва коршиноси бемориҳои тавассути ҳайвонот гузаранда Ҷон Видал фалокатеро дар миқёси Марги Сиёҳ пешгӯӣ карда буд.

Пешгӯии Билл Гейтс: ҷаҳонро пандемияи нав фаро мегирад

Видал ишора кард, ки вируси марговар метавонад тавассути интиқолдиҳандаҳои асимптоматикӣ ҳамагӣ дар чанд ҳафта паҳн шавад.

Дар ҳақиқат мувофиқи маълумоти Созмони ҷаҳонии беҳдошт, Нипаҳ метавонад дар баъзе одамони сироятёфта бидуни аломат зуҳур кунад, вале барои нафарони дигар он метавонад марговар бошад. Гузашта аз ин, дар рӯйхати СҶБ вируси Нипаҳ ҳамчун яке аз вирусҳои хатарнок барои инсоният қайд карда шудааст.

Беморӣ метавонад бо нишонаҳои маризии зуком ба мисли тасф, дарди сар ва дарди мушакҳо, қайкунӣ ва дарди гулӯ сар шавад. Пас аз он метавонад чарх задани сар, хоболудӣ, тағир ёфтани шуур ва аломатҳои неврологиро нишон медиҳанд. Нипаҳ инчунин метавонад боиси SARS ва мушкилоти шадиди роҳи нафас, аз ҷумла норасоии шадиди нафаскашӣ гардад.

Олимон давраи инкубатсионии ин бемориро аз 4 то 45 рӯз пешгӯи мекунанд.

Ҳоло бошад, суръати паҳншавии маризии коронавирус дар ҷаҳон то андозае суст шудааст ва қисмати зиёди давлатҳо тавонистанд ин пандемияро паси сар кунанд.

 Аз ҷумла, Тоҷикистон ҳоло ба қатори он кишварҳо шомил мешавад, ки пандемия дар он ҷо хотима ёфтааст. Беш аз як моҳ моҳ мешавад, ки дар Тоҷикистон ягон мавриди сироятшавӣ ба ин вирус сабт нагардидааст.

2981
День 4 марта

Зодрӯзи Дона Баҳромов ва ифтитоҳи Маҷмааи тандурустии "Истиқлол": имрӯзи таърих

80
(Таҷдидшуда 14:58 02.03.2021)
Рӯзи 4 - уми март дар Белорус - Рӯзи милитсия таҷлил мешавад. Дар ин рӯз дар шаҳри Душанбе маҷмааи тандурустии "Истиқлол" ифтитоҳ шуд

Рӯзи 4 март дар ҷаҳон чӣ рух дод

 Соли 1789 аввалин Конститутсия ИМА ба ҳукми амал даромад.

Рӯзи 4 март дар Тоҷикистон чӣ рух дод

Соли 2010 дар ҷаласаи Мачлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Дар бораи ворид намудани тағйирот ба Қонуни ҶТ «Дар бораи санадҳои меъёрӣ-ҳуқуқӣ» баррасӣ карда шуд.

Соли 2012 дастаи мунтахаби Тоҷикистон оид ба футбол барои иштирок дар даври ниҳоии Ҷоми КФО-2012 ба пойтахти Непал-  шаҳри Катманду сафар кард.

День 2 марта
© Sputnik/ Стас Этвеш/ Мария Вишнякова

Соли 2013 палатаи поёнии Парлумони Тоҷикистон қарор кард, ки ба лоиҳаи Қонуни ҶТ «Дар бораи мубориза бо терроризм» тағйирот ворид намояд.

Соли 2014 дар Маҷмааи давлатии «Кохи Борбад» маросими кушодашавии 16-умин намоиш-ярмаркаи армуғон ва сайёҳии  «Тоҷикистон-2014»  баргузор гардид.

Соли 2015 дар шаҳри Маскав ҷаласаи навбатии комиссияи байниҳукуматии Тоҷикистону Россия оид ба ҳамкории иқтисодӣ-тиҷоратӣ баргузор гардид.

Соли  2016 Президент Эмомалӣ Раҳмон дар ноҳияи Фирдавсии шаҳри Душанбе дар маросими ботантана Маҷмааи тандурустии "Истиқлол"- ро ифтитоҳ намуд.

Соли 2017 дар Маркази исмоилияи шаҳри Душанбе маросими ифтитоҳи Рӯзҳои фарҳанги Ҷопон баргузор гардид, ки ду рӯз идома ёфт.

Соли 2019 дар бо қарори Ҳукумати Ҷопон собиқ Вазири корҳои хориҷии Ҷумҳурии Тоҷикистон Талбак Назаров барои саҳми арзандааш  дар рушду таҳкими муносибатҳои дуҷониба байни Тоҷикистон ва Ҷопон бо мукофоти давлатии ин кишвар – Ордени Тулӯи офтоб дараҷаи I сарфароз гардонида шуд.

Соли 2020 Президенти Федератсияи футболи Тоҷикистон Рустами Эмомалӣ узви Кумитаи иҷроияи Шӯрои Олимпии Осиё (Olympic Council of Asia) интихоб гардид.

Ҷашнҳои рӯзи 4 март

  • Дар Белорус — Рӯзи милитсия.

Рӯзи 4 март кӣ ба дунё омадааст

Соли 1875 -нависандаи тоҷик, равшанфикр ва рӯзноманигор Маҳмудхоҷа  Беҳбудӣ.

Соли 1936 - рӯзноманигор Тулфор Қадамов.

Соли 1947 - доктори илмҳои биологӣ Сафарбек Раҳимов.

Соли 1949 - ҳофиз, ҳунарманди халқии Тоҷикистон Дона Баҳромов.

Соли 1957 – рӯзноманигор Ҳуринисо Ализода.

80
Барчаспҳо:
Ҷаҳон, Тоҷикистон, ҷашн

Миллиардери ҷопонӣ хоҳишмандонро барои парвоз ба Моҳ даъват кард

330
(Таҷдидшуда 18:10 03.03.2021)
Соҳибкори ҷопонӣ Юсаку Маезава бораи ҷалби ихтиёриён барои парвоз ва боздид аз Моҳ хабар доду барои довталабон чанд шарт гузошт

ДУШАНБЕ, 3 мар — Sputnik. Соҳибкори ҷопонӣ Юсаку Маезава дар бораи ҷалби гурӯҳ барои парвоз ба Моҳ хабар дод. Вай дар ин бора дар сафҳаи Твиттери худ эълом кардааст.

Ҳашт нафар метавонанд, ки ба моҳвораи Замин сафар кунанд. Парвоз ба моҳ дар соли 2023 пешбинӣ шудааст.

Бо вуҷуди ин, корҳо он қадар содда нестанд: Маезава як қатор шартҳоро ба миён гузошт, яъне ихтиёриён бояд онҳоро иҷро кунанд. Аввал ин хоҳиши ҳар довталаб барои расонидани манфиат ба ҷомеа тариқи парвоз ба Моҳ аст.

"Ҳар пешае ки доред, ман умедворам, ки парвоз ба моҳ ба шумо кӯмак мекунад, ҳудуди фаъолиятҳоятонро васеътар созед, то ба дигарон ва дар маҷмӯъ ба ҷомеа манфиати бештаре оред", - гуфт соҳибкор.

Ҳамчунин шарти дуввум, хоҳиши дар як гурӯҳ кор кардан ва дастгирии ҳар як иштирокчии сафари ғайриоддӣ мебошад.

Қаблан Маезава ҳуқуқ пайдо кард, то аввалин сайёҳи кайҳонии SpaceX шавад ва ӯ ҳамаи ҷойҳои киштии Starship -ро харидорӣ кард.

Миллиардер 45 сол дорад. Вай бузургтарин мағозаи онлайнии либосҳои Ҷопон Zozotown -ро таъсис дод. Тибқи маҷаллаи Форбс, Маезава дар рейтинги сарватмандтарин ҷопониҳо дар ҷои 23-юм қарор дорад. Дороии соҳибкор ба ду миллиард доллар баробар аст.

Пештар, Маезава чунин озмунро ташкил карда буд, аммо шарти асосии он танҳо иштироки занон буд. Ҳамин тариқ, миллиардер пас аз ҷудо шудан бо дӯстдухтари худ рафиқе пайдо карданӣ буд.

Соли гузашта соҳибкор озмунеро барои муштариён ташкил кард. Вай дар Twitter байни 100 нафар одамони тасодуфӣ 900 000 долларро гузошт. Ин твит маъмултарин дар таърихи шабакаи иҷтимоӣ шудааст.

330
Барчаспҳо:
дороӣ, даъват, парвоз, моҳ
Ссора, архивное фото

Дар ноҳияи Ҷайҳун ҷудошавии оилаҳо кам шуд

19
(Таҷдидшуда 10:02 04.03.2021)
Мақомоти ноҳияи Ҷайҳун ахиран эълон доштанд, ки дар ноҳия дар ду моҳи ахир нисбат ба ҳамин давраи соли гузашта ҷудашавии оилаҳо коҳиш ёфтааст

ДУШАНБЕ, 4 мар — Sputnik. Дар ноҳияи Ҷайҳун давоми ду моҳи соли 2021-ум 28 оила ақди никоҳи худро бекор кардаанд, ки ин шумора нисбат ба ду моҳи соли 2020-ум шаш ҳолат кам аст.

Мудири бахши САҲШ-и ноҳияи мазкур Ализода Мойнисо ба рӯзномаи “Фараж” гуфтааст, ки баъди ҷудо шудани ин оилаҳо 11 кӯдак аз тарбияи яке аз волидони худ маҳрум гаштаанд.

Афзоиши ҷудошавии оилаҳо дар ноҳияҳои Қубодиён ва Ҷайҳун

Сабҳои ҷудошавии оилаҳоро ин шахси масъул бефарзандӣ, истифодаи нодурусти телефони мобилӣ, дахолати шахсони сеюм ба зиндагии навхонадорон ва ғайра арзёбӣ кард.

“Омили кам шудани ҷудошавии оилаҳо бурдани корҳои фаҳмондадиҳӣ миёни аҳолӣ, ба хусус ҷавонон, мебошад”, — илова кард ӯ.

Ҳамзамон иттилоъ дода шуд, ки дар соли 2020-ум дар ноҳияи Ҷайҳун  103 оила ақди никоҳи худро бекор карда буданд, ки ин рақам дар қиёс ба соли 2019-уи шаш ҳолат зиёд аст.

19
Барчаспҳо:
коҳиш, оила, ҷудошавӣ, ноҳияи Ҷайҳун, Тоҷикистон