Олимон зарари ниқоби тиббиро ба саломатӣ муайян карданд

956
Таъсири баракси ниқоб ба саломати инсон муайян шуд: онҳо на танҳо хусусияти муҳофизат аз вирусҳоро доштаанд

ДУШАНБЕ, 22 фев — Sputnik. Дандонпизишк Геннадий Шаргородский тавзеҳ дод, ки ниқоб барои дандонҳо ва милкҳо чӣ зарар дорад.

Ба гуфтаи мутахассис, бо истифодаи тӯлонӣ воситаҳои муҳофизатӣ, ки бинӣ ва даҳонро мепӯшонад, инсон бештар нафаскашӣ мекунад. Аз ин сабаб ҷараёни намӣ кам шуда, даҳон хушк мешавад.

Шаргородский таъкид кард, ки ин падида ба рушди пӯсидани дандон ва бемориҳои милк мусоидат мекунад. Илова бар ин, бӯйи бад пайдо мешавад.

Барои онҳое, ки муддати дароз ниқоб мепӯшанд, духтури дандон тавсия додааст, ки дандонҳояшонро зуд-зуд шуста, даҳонашонро обгардон кунанд. Дар ин ҳолат, барои бисёртар ҷудо шудани оби даҳон,   истифодаи сқик ва қанд  мувофиқи мақсад аст. Шумо инчунин бояд фаровон об нӯшед.

Зарари маскаҳои даҳонӣ бо ин маҳдуд намешавад. Дар мусоҳиба бо шабакаи телевизионии "Звезда" Шаргородский таъкид кард, ки дар натиҷаи истифодаи воситаҳои муҳофизатӣ дар даҳон тарқишҳо ва

Ин ба монеае вобаста аст, ки бактерияҳо берун баромадан намемонад. Дар робита ба ин, духтури дандон маслиҳат медиҳад, ки то ҳадди имкон аз истифодаи ниқобҳо танаффус гирифта шавад.

Қабл аз ин, муассиси клиникаи ҷарроҳии пластикии Лондон Йианис Александридис гуфта буд, ки ниқобҳо ба пӯсти рӯй таъсири манфӣ мерасонанд. Онро хушк мекунанд. Барои пешгирӣ аз ин, бояд ниқобҳои абрешимӣ пӯшед ва пӯстро бо креми серғизо табобат кунед.

956
День 7 марта

Ихтироъи дастгоҳи телефон: имрӯзи таърих

8
(Таҷдидшуда 19:02 06.03.2021)
Рӯзи ҳафтуми март дар Албания – Рӯзи омӯзгор, дар Лаос – Рӯзи собиқадорон, дар Туркманистон – Рӯзи кормандони комплекси нақлиёт ва алоқа мебошад

Рӯзи 7 март дар ҷаҳон чӣ рух дод

Соли 1876 дастгоҳи телефон ихтироъ карда шуд.

Соли 1926 миёни Лондон ва Ню Йорк  алоқаи радиотелефонӣ барқарор карда шуд.

Соли 1966 Президенти вақти Фаронса Шарл Де Голл дар бораи мақсади баромадани Фаронса аз ҳайати ташкилоти ҳарбии Созмони Паймони Атлантикаи Шимолӣ хабар дод.

Соли 2013  маҷмӯаи ашъори шоирони муосири тоҷик бо номи "Бо чашми Рӯдакӣ" дар Беларус ба нашр расид. Ин китобро нашриёти "Звезда"-и Минск интишор карда, ба он адабиётшиноси маъруф Алес Карлюкевич пешгуфтор навиштааст.

Рӯзи 7 март дар Тоҷикистон чӣ рух дод

Соли 2013 дар чемпионати минтақавии Осиё дар пойтахти Шри Ланка-шаҳри  Коломбо дастаи футболи  ҷавонзанони Тоҷикистон (U-14) дастаи Бутанро бо ҳисоби 2:1 мағлуб намуд.

Соли 2016 хабар дода шуд, ки бо дастгирии сафорати Тоҷикистон дар назди кафедраи "Омӯзиши Осиёи Марказӣ"-и факултети "Муносибатҳои байналмилалӣ" — и Донишгоҳи Кангнами шаҳри Ёнгини Ҷумҳурии Корея шуъбаи забони тоҷикӣ ифтитоҳ карда шуд.

Соли 2017 дар шаҳри Душанбе машварати сиёсии байниидоравии Тоҷикистону Финландия баргузор гардид.

Ҷашнҳои рӯзи 7 март

  • Дар Албания – Рӯзи омӯзгор.
  • Дар Лаос – Рӯзи собиқадорон.
  • Дар Туркманистон – Рӯзи кормандони комплекси нақлиёт ва алоқа.

Рӯзи 7 март кӣ ба дунё омадааст

Шамсиддин Ашӯров (1962)- актёри театр.

Зулфия Баҳриддинова (1922-2013) – Рассоми халқии Тоҷикистон, Ходими шоистаи ҳунари ҷумҳурӣ, дорандаи Ҷойизаи давлатии ба номи Рўдакӣ.

Алӣ Бобоев (1936) – геолог, дорандаи Ҷойизаи давлатии ба номи Сино.

Сарвар Бурҳонова (1913-1998)- Китобдори Шоистаи Тоҷикистон.

Василий Кузин (1904 – 1978) – кинорежиссёр ва киноаператор, Ходими шоистаи ҳунари Тоҷикистон.

Ҷўра Латифов (1938) доктори илми таърих, профессор.

Дониёр Набиев (1962) – доктори илми техникӣ.

Ҳусейнов Мирзо Довуд (1894 – 1938) – арбоби ҳизбӣ (солҳои 1929-1932 Котиби якуми КМ ПК Тоҷикистон).

Достӣ Шарифов (1936) – муаррих, профессор.

8
Барчаспҳо:
ҷашн, Ҷаҳон, Тоҷикистон
Тарма дар роҳи Душанбе - Чаноқ

Дар Бадахшони Афғонистон 15 нафар зери тарма ҷон доданд

67
Тарма дар як гӯшаи дурдасти вилояти Бадахшони Афғонистон фаромадаст, ки зери назорати толибон қарор дорад

ДУШАНБЕ, 6 мар – Sputnik. Дар Афғонистон 15 нафар бар асари фаромадани баҳман ва ё тарма ҷон аз даст доданд.

Ба иттилои мақомоти Афғонистон, тарма рӯзи 4 март дар як гӯшаи дурдасти вилояти Бадахшони Афғонистон фаромад, ки он зери назорати толибон қарор дорад.

Макони фаромадани тарма рустои Зарандоб, ки дар ноҳияи Роғистон ҷойгир аст, гуфта мешавад. Дар ин макон кони тилло ҷойгир аст.

Масъулони Кумитаи ҳолатҳои фавқулодаи он кишвар хабар доданд, ки нахуст ҷасади 12 нафар аз зери тарма берун оварда шуд.

Сипас теъдоди қурбониёни ин офати табиӣ ба 15 нафар расид. Ҳамзамон панҷ нафари дигар бар асари фаромадани баҳман маҷрӯҳ шудаанд.

Дар Бадахшони Тоҷикистон бошад, рӯзи 24 феврал якбора 16 тарма дар масири Хоруғ - Ишкошим фаромад ва хушбахтона талафоти ҷонӣ дар пай надошт. Тарма танҳо барои чанд муддат баста шуд ва сипас бо талоши поксозони роҳ ин мушкилӣ бартарафгардид.

67
Барчаспҳо:
тарма, Афғонистон